Blogak
Gerra kronikak
2008/10/13Blog berri batez informatu gaituzte: Crónicas de la Guerra de Errebal. Auzi hau guda bat bailitzan, metaforak erabiliz, gerra erreportari baten egunerokoa ematen du.
Argi-ilunak Interneten
2008/10/13Joan den ostiralean 'Euskara Interneten: argi-ilunak' izeneko hitzalditxoa eman nuen Bilbon, Unesco Etxeak antolatutako jardunaldi batean.
Hitzaldia bihar
2008/10/13Bihar arratsaldean jendaurrean hitz egitera noa, Errebalen egin nahi duten Merkatalgunearen inguruko xehetasunak azaltzeko. Iritziak iritzi, etortzera animatu nahi dut jendea. Arratsaldeko 7,30etan Portalean.
Eboluzioa grafikoki
2008/10/13Berdez: legez utzi beharreko parkea (830 m2). Gorriz, aurrekoari PSEk agindutakoa gehitzen zaion zatia (guztira 1900 m2 inguru). Orain ez dute utzi nahi eraiki gabeko gunerik.
Pablok mezu bat jaso du
2008/10/12Unibertsitatean ezagutu dut Pablo. Tipo azkarra da, iraultzailea. Enbidia diote, seguru. Horregaitik jaso du mezua, horregaitik mehatxatu dute.
Zer litzateke pilota ETBrik gabe
2008/10/12Euskal Telebistak lehen-lehen mailako hiru pilota-partida antolatu ditu gaur, Donostian, lehen pilota-emanaldiaren hogeita bostgarren urtebetetzea ospatzeko. Horretarako bizirik dirauten txapeldun eta primerako pilotari guztiak bildu ditu, baita azken hogeita bost urteotako hainbat zuzendari, aurkezle, ekoizle, esponsor eta abar luzea ere. Ideiaren asmatzaile, sortzaile, suspertzaile, bultzagile eta eragile, Pedro Mari Goikoetxea. Zorionak.
Che Guevara, argentinarra
2008/10/12Zinea ikustera joan eta dokumentala ikusi. Hori txarrerako ala onerako ote? Auskalo, diferentea bai behintzat. Bego dokumentala, Che Guevara Bolivian fusilatu zutenean andregaia genuenontzat. Aspergarri samarra behar bada, baso eta oihan lartxo, andregaia eskutik hartu eta igande arratsaldean zinera doanarentzat. Baina, tira, oraindik lehen partea --“Che: el argentino”-- baino ez da karteldengian agertu. Bigarrena --“Guerrilla”-- ondotik etorriko omen da.
Genozidio frankista Valentzian: liburua eta dokumentala
2008/10/11Liburua eta dokumentala aurkeztuko dute asteartean Koldo Mitxelena Kulturunean.