Ortozik

Geroago eta argiago, aldaketa klimatikoaren afera elite politiko-ekonomiko globalaren manipulazio itzelaren ondorio nabarmena dela ikusten da. Ez da zientzia.

Estafa monumentala.

Gure norbanakoaren askatasuna urratzeko metodoa da. Beldurra makiabelikoki erabiltzeko aldaera berria. Gobernu global faxista ezartzeko tresna. Besterik ez. Eta klaro, aldaketa klimatikoa zalantzan jartzen dutenak (nahiz eta maila goren goreneko zientzialariak izan), herejeak dira, negazionistak, terraplanistak, gizateriaren etsaiak, arriskutsuak eta horregatik zentsuratuak izan behar dute eta hobeto, zigortuak.

Ez dago inungo ebidentziarik CO2 mailaren eraginak aldaketa klimatikorik sortzen duenik baieztatzeko. Klima beti ari da aldatzen, minututik minutura... eta esaterako, XX. mendeko 30 hamarkadan AEBtan, gaur egun daudenak baino egun askoz beroagoak egon ziren... Eta horrela, nahi beste datu.

Berotze-efektua ezin izan da demostratu eta horregatik orain, arrisku klimatikoa eta emergentzia kontzeptuak indartu dituzte. Propaganda asko eta zientzia gutxi.

Walter Grazianoren Nadie vio Matrix liburua agertu zenean irakurri nuen, 2007 edo 2008 inguruan. Eta zeharo harrituta geratu ere, zehaztasun bereziz gai honi buruz botatzen zituen datuak irakurrita.

Gaurko 21. urteurrena kontutan izanda, bere liburutik ekintza estrategiko hiltzaileaz dagoena itzultzea bururatu zait (gaztelerazko testua pdf dokumentuan lortuta itzultzaile neuronalaren hoztasun kutsuz...). Egiak libre egingo bagaitu, bilatzea komeni. Bertsio ofiziala zalantzan jartzeko moduko logika eta datuak aintzat hartuta bederen.

Munduko hainbat lekutan terrorismoarekin azken 100 urteetan gertatu dena sakon ikertzekoa da, izan ere, modus operandi honek ikurriña faltsuko atentatuak egiteko aukera aproposa eskeintzen baitu, inteligentzia izan ezkero. Gurean, ETAren ekintza eta negozio asko, nortzuk, nola eta zertarako erabaki zituzten jakin ezkero, gudari askok eta ezker abertzaleko ETAren onesle askok danbateko latza hartuko luketelakoan nago. Eta ez beraiek bakarrik, pakto antirreroristan zeuden beste alderdi politikoetako militante eta boto-emaile zintzoek ere.

Goazen orain M11koari buruz Grazianok dioenarekin:

---------------------------------

2004ko martxoaren 11ko Madrilgo atentatuak

Arrazoibide horri jarraitzen diotenek oztopoa aurkitzen dute gaur egungo terrorismoa askotan autoterrorismoa dela ondorioztatzeko. 2004ko martxoaren 11n Madrilen izandako atentatua da, oro har, irailaren 11ko balizko autoatentatuaz edo atentatu handienetan petrolio-interesen parte-hartzeaz hitz egiten duen edozein teoria ahultzeko adibide.

Gertatzen da Espainiako Gobernuko aurreko presidentea, José María Aznar, Bush eta Blairren bazkide bikaina zela. Txintik esan gabe lagundu zien Irakeko inbasioan, eta senatari leial gisa agertu zen beti terrorismoaren aurkako kanpaina horretan, Bushek azkeneraino joateko prest zegoela zioenean.

Datuak aztertu egin behar dira. Objektibotasunez eta mahai gainean agerian jarriz, ez alboratuz, ixilduz eta ezkutatuz, gure politikari eta komunikabideek egiten duten moduan.

Jon Ander Etxebarriak egindako DATU OFIZIALEN biltzea eta azterketa ez da EITBn, Berrian edo Garan azalduko... Beraz, hona hemen ikusgai:

(Pantailaren formatoagatik hobeto ikusten da Odysee-n sartuta...)

Bestalde, Estatu Batuetan...:

Covid delakoaren aurkako txertoak bertan behera gera daitezke Estatu Batuetako adin-talde guztientzat, Trumpen Administrazioaren osasunaren figura garrantzitsuek babestutako plan erradikal berrien arabera.

"Kausazko lotura" dago RNAm injekzioen eta mundu osoko gehiegizko heriotzen areagotzearen artean.

Artikulu osoa, oso ona, hemen irakurgai: Independentea.

Ondorio mamitsuetara joanik eta betiere Pfizer beraren barne paperetan agertutakoari begira honokoak azpimarra daitezke:

• Pfizerrek bazekien zaztadaren konposatuak 48 ordutan gorputz osoan barreiatzen zirela giza gorputzeko mintz guztiak zeharkatuz —odolaren eta garunaren hesia barne—, eta gibelean, adrenaletan, barean, garunean eta, emakumea izanez gero, obarioetan pilatzen zirela.
• Pfizerrek lanaldi osoko 2.400 langile kontratatu zituen konpainiaren Mundu mailako Segurtasun datu basean aurkezten ari ziren “gertaera kaltegarrien txostenen gehikuntza handia” prozesatzen laguntzeko.
• Pfizerrek 2021eko otsailaren 28rako jakin zuen —COVID txertoa gizarteratu eta laurogeita hamar egunera— bere injekzioa hamaika gertaera kaltegarri larrirekin lotuta zegoela: heriotza, COVID-19 larria, gibeleko arazoak, gertakari kaltegarri neurologikoak (iktusak, dementziak, dardarak, Parkinsona, Alzheimerra, epilepsiak), tronbosiak, bihotzeko arazoak (miokarditisa, perikarditisa, takikardia, arritmia), aurpegiko paralisia, giltzurrunetako kaltea, gaixotasun autoimmuneak, organo anitzen disfuntzioaren sindromea, herpes zosterraren aktibatzea, larruazal eta mukosetako lesioak, arnas arazoak, biriketako egituraren kaltea, arnas gutxiegitasuna, eta abar.
• Pfizerrek 2021eko apirilerako bazekien injekzioek kalte egiten zietela gazteen bihotzei.
• Pfizerren txertoa publiko egin zenerako, farmazeutika erraldoiak bazekien umetokiko haurrak hilko zituztela eta emakumeen eta gizonen ugalketari modu beldurgarri eta jarraian kalte handia egingo ziotela.
• Pfizerrek datu okerrak aurkeztu zizkion FDAri, plazeboaren taldean heriotza gehiago izan zirela erakutsiz (nahiz eta benetan kontrakoa izan).
• Haurretan eta hamabi urtetik beherakoetan iktusa, aurpegiko paralisia edota giltzurrun gutxiegitasuna bezalako albo-ondorioak eragin zituzten.
• Txertaketaren ondoren, paziente gazteenak minbiziekin agertzen hasi ziren; tumoreak handiagoak ziren eta populazioak masiboki inokulatu aurretik baino erasokorrago eta bizkorrago hazten ziren; minbizi ezberdinen aldi bereko agerpena ere ohikoagoa bihurtu zen.

Hau guztia, bazekiten. Eta orain, badakigu bazekitela.

Zorionekoa sentitzen naiz René Guereçague Irulegiko semea gure lagun ona delako. Geobioteken Ikertzen ditugun gaien artean zubi asko dauzkagu Renéren lanarekin, bide askotatik Geometria eta elektromagnetismoa, soinu frekuentzekin lotzen baitira.

Ikerlari bezala ikaragarrizko ibilbidea dauka, errusiar ikerlariekin harreman zuzena, ospitaletan ere ikerketa klinikoak, froga ezberdin ugari eta 35 urtetako lan fina, Invertone sortzerainokoa.

Musikari bezala ere, paregabeko ibilbidea Europako talde handien teknikari bezala eta tartean...Oio proiektuarekin. Inor gutxik badaki ere, baliteke, diska kopuru aldetik euskarazko diskarik salduena Guereçague jaunarena izatea. Hori bai, Euskal Herrian salmenta oso oso gutxirekin, baina ez ordea Alemanian. Han punta-puntan ibili ziren bertako telebistatan urte on baten zehar euskal matraka ematen, diska ugari salduz. Gero euskalerriratu nahi eta euskal enpresa diskografiko garrantzitsu baten ezezkoa jaso zuten, baita Espainiako Warner-ena ere.

Orain Renéren lana, besteak beste, soinu frekuentzien bitartez pertsonentzat tratamentu oso espezifikoak sortzean datza. Berezia, ikusgarria (edo entzungarria) eta emaitza oso onekin.

Bideoan azalpen batzuk badaude baina beste bi elkarrizketarako ere ematen du gaiak.

Esker aunitz René.

Badirudi arma artifizial berri batekin eragindako sutea izan dela. Suaren portaeragatik, arma elektromagnetikoren batekin edo.

Robert Brame jaunaren arabera gertatu dena guztiz ezinezkoa da, ereñotza bezalako landareak erre gabe, zuhaitzak sutik zutik erre gabe eta kotxeak eta etxeak kiskalita.

Azpiko bideoko irudiak adi-adi ikusten egon naiz. Horietako baten egur eta alanbrez egindako itxitura bat agertzen da, zeinean egur hesolen beltzuneak alanbre ingurutan bakarrik agertzen diren. Raro, raro, raro... Edo egur ezberdinetan torloju eta iltzeen inguruan bakarrik.

Beste puntu batzutan, metal ezberdinak lurrean urtuta eta zuhaitzak erre gabe.

Haritz bat ere ageri da hasieran, enbor barruan, muinean erreta eta belztuta, eta azaleko eraztunak erre gabe. Eta beste hainbat kontu arraro:

Japonian egindako ikerketa batek Covid-19 txertoaren albo-ondorioei egotzita bihotzeko gaitzen %4.900eko igoera zegoela argitaratu zuen.

Orain Didier Raoult doktorearen arabera, Washingtongo estatuan gazteen artean %1.280ko igoera dago. Hau da, lehen bihotzeko arazoekin 100 gazte bazeuden orain 1.280 daudela. Eta hau, Covid-19 txertoen ondoren.

EITBko maratoian bihotzeko gaitzen ikerketarako hiritarron donazioak eskatzen dihardute 2025eko martxoak 31ra arte. Txertoak dohain eskeini (ez zehazki, diru publikoarekin erosita baitaude) eta orain ikerketarako dirua hiritarroi eskatzen.

Ikertu, zer?

Iturriak ere bai? Japoniako ikerketa aintzat hartuko al dute? Hemengo bihotzeko gaitzen igoeraren daturik emago al dute? Txertatu eta txertatubakoen estatistikak landuko al dituzte?

Ala hemen ematen ari den eta azaltzen ez duten bihotzeko, tronbo, bapateko heriotza, iktus, miokarditis eta abarren gorakada aldaketa klimatikoak edo auskalo zerk sortzen duenaren ipuina saiatuko dira sartzen?

Edo normalena izango dena... multinazionalei irabazi gehiago emango dizkieten tratamentu berriak soilik ikertuko dituzte?

Oso oso agerikoa izan da Covid-19 txertoak odola kaltzetzen duena. Geobioteken, Lau-buru Teknologiako produktuekin frogak eginez txertatutakoen odola eremu iluneko mikroskopioz ikusten aritu ginen. Medio gutxiko ikerlari xume batzuk hau era errezean eta oso ebidenteki ikusteko gai baldin bagara, medio gehiago dituztenek frogarik azaltzen ez badute hau ezeztatzen dutenean, edo gezurretan ari dira, edo koakzionatuta daude egia ez esateko.

Elkarrizketa osoa hemen ikusgai (pena handiz nire frantses maila hutsaren hurrengoa delako... Honi buruz ere asko esateko, izan ere gure ikastoletan frantsesa ingelesarekin batera ez ikastea Euskal Herriaren kalterako errore historikoa izan dela uste dut, frantses maila onarekin gure Iparraldearekin muga txikituko genuke-eta).

Bestalde, orain Iparraren bila aritu behar. Eta albiste ona dena, txertoaren albo-ondorio asko eta odolaren kalitatea hobetzeko, badaudela modu eraginkor eta naturalak... Ez dute ofizialki honen informazio askorik emango, nahiko merkeak eta multinazionalen esparrutik kanpo daude eta.

(Telegrameko IRAUN kanaletik jasoa Didier Raoult-i buruzko informazioa, eta era berean beraiek Ezagutza librea https://t.me/savoirlibre gunetik)

Askorentzat inuzente eguneko bromatxoa izan daiteke, baina ez, egia da. Ikerketa honen arabera, konfinamenduak, pertsonen arteko distantziak eta musukoaren erabileraren derrigortzeek oinarri zientifikorik ez dute izan.

Hau da, beste hitz batzutan derrigortze hauek ez dutela osasun arrazoirik izan. Politikoki, arbitrarioki derrigortuak izan zirela.

Derrigortzeak zeuden garaian berdina esaten genuenok negazionistak ginen mundu osoko komunikabideen doktrina inposatuaren arabera. Orain zer? Komunikabideek gezurretan jarraituko al dute?

Hemen jeitsi dezakezue ikerketaren pdf dokumentua: Report on “After Action Review of the COVID-19 Pandemic: The Lessons Learned and a Path Forward.” AEBetako kongresuko weborrian dago.

Pasa den ostegunean Oscar Terol Instagrameko zuzeneko baten elkarrizketatu nuen (Youtuben ikusgai) eta bertan bukaeran aurkeztu zuen gaur publikatzen den elkarrizketa sakon eta interesgarri hau.

Gurean ere bota genituen honi buruzko zenbait gogoeta baina beste gai batzurekin batera. Hemen, ordenatuago eta askoz sakonago gai hau era zorrotzean landu duen filosofo batekin.

Gauza hauei buruz eztabaidatu beharko genuke. Informazioa zabaldu. Partekatu. Berba egin. Hausnartu. Gizatasuna, gizabidea zer den. Espiritualtasun transhumanista berri hau aukeratu nahi dugun edo ez. Inteligentzia artifizialaren mugak non dauden eta abar.

Gaur goizean zehar negarrari eutsi ezinik nabil ordenagailuan Valentziako hondamendiari buruzko irudiak eta informazioa ikusten... 2.000 hildakotik gora egon daitezkeela ere esan dute, desagertutakoen heriotzak baieztatu ezkero. Izugarria izan da, eta izutzekoa. Gertatutakoaren dimentsioaz oraindik jabetzeko aukerarik izan gabe.

Hala ere, burua argi eta gertatu denari buruz ikasi beharreko asko. Ikertzeko asko. Luze joango da eta informazioa ere zentsuratzen saiatuko dira. Gogor gainera. Boterean daudenek (Pedro Sánchez eta Klaus Schwab-en hitzak gogoan), gobernuek eta ordaindutako komunikabideetako borrero ezberdinek,  manipulatu gabeko benetako zientzia eskatzen dugunoi negazionista terminoa eskegitzen digute lepoan eta soka estutzea nahi dute, zentsuratu eta zigortu beharreko negazionista arriskutsuen zakuan sartuz.

Laguntza ere, gehiago doa herritarrek herritarrentzat administrazio publikotik herritarrentzat baino, zergatik?

Badirudi ere, lurrak merke erosteko xedez, Espainiako nekazaritza erasotzea helburu geo-estrategiko bat dela munduan agintzen ari diren inbertsio-fondoentzat. Horretarako errez sor ditzakete suteak, uholdeak, kazkabarrak, lehorteak…

Bestalde, sheeple giza artaldearen manipulazio agendatuan hurrengo beldur kanpainak eta itxialdiak klima alertagatik izango omen dira.

Lehenago ere egon da holakorik Valentzian, 1957ko urriaren 14an antzerako egoera eman zen, eta alarma klimatikoaren doktrina gabe. Orain badirudi, berezkoa izan daitekeen klima gertaera bat artifizialki handitu egin dutela.

Oso oso susmagarriak diren zantzuak:

• Horrelako manipulazio klimatikoak sortzeko teknologia egon badago. 1891koa da kliman eragiteko lehendabiziko patentea. Gero, HAARP geoingeniaritza programa, gerra ezberdinetan egindako erabilpenak, eta abar.

• Honi buruzko informazioa desklasifikatua dago, batzuk, patente publikoak dira gainera:

  • Kazkabarra sortzeko patentea: US3877642A

  • Hurakanak kontrolatzeko patentea: US2003/0085296

• Gaur egungo radarren bitartez klima manipulatzeko teknologia dago, atmosferan sartu dituzten nanopartikula metalikoetan eragiten (estrontzioa, aluminioa...). 

• Presak eraitsi dituzte ekologiaren izenean, ur-biltze ahalmena eta uraren kontentzio sistemak eragiten.

• Valentzia inguruko errekak, emaria mantentzeko xedez plastikoz inpermeabilizatu dituzte azken urteotan akuiferoetara sarrera naturalak oztopatuz eta azaleko ura gehituz.

• Administrazio publikoaren laguntzaren desastrea:

  • Marlaskak Frantziako 200 suhiltzaileren laguntza ukatzen du baina hauek aginduak bete gabe Valentziako eragindako herri batera heltzen dira, bertara heltzen den lehen laguntza ofiziala izaki.

  • Bilboko 13 suhiltzaile materiala eta kamioiak prest izanda ez mugitzeko agindua jasotzen zuten eta ahal baino 3 edo 4 egun beranduago joan dira.

  • Berdin, Espainiako ejerzitoko unitate asko gelditu egin dituzte.

  • Espainiako AEMETek ez du aurrikusi radarren errore arraroz edo, eta bai, eta zehaztasunez, Frantziako eta Japoniako metereologia zerbitzuek bere turistak abisatzeko (bi egun lehenago Japoniako zerbitzuen kasuan).

  • Demagun ez dagoela geoingenieritzako ekintzarik. Guztiz naturala izan dela gertatutakoa. Horrela ere, alerta egoeraren ezkutatze intentzionatua egon dela dirudi eta baita ondorengo laguntza oztopatzeko politika nabarmena. Hain tontoak izatea eta errorez gertatzea... ez da sinesgarria.

• Aldaketa klimatikoa manipulazio politikoa eta militarra da, ez dauka zientzian oinarririk. Estrategia honek Agenda 2030 gizateriaren aurkako plan ilunari erantzuten dio.

• Hildakoak behar dituzte, beldur kanpaina eta aldaketa klimatikoko politikak inposatzeko. Manipulazio emozional kanpainak egingo dituzte komunikabideetan.
• Nauzet Morgadék urteak daramatza aldaketa klimatikoaren eta chemtrailen gaia ikertzen...Hona hemen Oñatin 2022an emandako hitzaldia.
• Hurrengo bideoan gertatu denari buruz hitz egiten dute, Pilar Esquinas, Iru Landucci, Magdalena del Amo, Nauzet Morgadé eta Victor Viciedo koronel erretiratuak. Eta bukaeran, 2:00:56 tik aurrera Nauzetek egindako behaketen bideoa (oraindik ere Youtuben dagoena): lainoen mugimenduak, Marruekoseko radarren bultzada, Moroneko radarraren eragina, Valentzia eta Murtziako radarren erroreak...

Aurrera egin beharra daukagu, pertsona burujabe bezala pertsonen arteko elkartasuna bilatuz. Estatuetako alderdi politiko guztiek aspaldi saldu gintuzten. Eta Hegoaldeko alderdi euskaldunek burujabetza terminoa prostituitzen dute, bereziki azken denbora honetan, norbanakoaren askatasunari, benetako burujabetza denari burla eginez, Euskal Herriko edo Nabarrako independentziari uko eginez eta Foro Ekonomiko Internazionaleko global-sozialismo naziaren funtzionario arrunt bihurtuz.

Gizakia esnatuko da. Beldurrak uxatu, manipulazioa azaleratu eta maitasunak irabaziko du. Ez dago beste biderik.