Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / SU BILA nabil

Sukaldaria ez naizen arren sukaldean aritzea dut gustuko. Edozein otordu, edozer janari prestatzen gozatzen dut sukaldean. Denetik egiten dut, nahiz eta ez naizen oso abila postreetan. Gauza berriak ikastea eta esperimentatzea gustatzen zait, baita errezeta tradizionalak gertatzea ere. Sukaldean sortzea dut gustukoen, porru patatak zein legatz beltza piper irristagarrien gainean dilista pure eta mihilu konpotaz lagunduta gertatzen. Ona naizela uste dut, nik gustuko dut egiten dudana. Nire lagunek eta familiak ere gustuko dute, gustura gelditzen dira gehienetan eta kritikak oso onak izaten dira ia beti. Egiten ditudanak idatzi eta azalduko ditut hemen, nire trukuak ere azalduko ditut. Eta norbaitentzat balekoak badira primeran, baina sukaldean aritzea eta ikastea ditudanez gogokoen, iritziak, gomendioak eta proposamen berriak jaso nahi ditut. Praktikara eramango ditut ekarpenak, eta nire ukitua emango diet. Azalpen erraz eta garbiak emango ditut, irudiekin eta oharrekin lagunduta.

Errigorako orburuak txirlekin

Igone Lamarain 2014/10/09 16:20
Badator Errigoraren udazkeneko kanpaina. Olioa, kontserbak, zukua, ardoa... produktu mordoarekin osatutako otarra erosi ahal izango dugu laster. Zer egin horrenbeste kontserbarekin? Nola prestatu? Orburuak prestatu ditut gaur nik, Errigorako kontserba erabili dudanez ez dut orburuak garbitu eta egosi beharrik izan eta oso janari ona prestatu dut berehala.
Errigorako orburuak txirlekin

Orburuak txirlekin










LAU LAGUNENTZAKO OSAGAIAK

 

osagaiak
osagaiak

  • Orburu poto bi
  • 500 gr txirla
  • Berakatza
  • Basokada bat ardo txuri
  • Oliba olioa
  • Gatza

NOLA EGIN

Urgazitan sartu txirlak, ahal bada ordu batzuk ordo garbitu daitezen.

Xerratan moztu berakatzak (erdiko ernamuina kentzen dut nik beti) eta oliba olioarekin frijitu lapiko zapal batean.

berakatza
berakatza erregosten









Txirlak bota lapikora eta berakatzarekin ondo nahasteko eragin ostean minutu bete inguru mantendu su nahiko altuan.

txirlak
txirlak lapikoan


Ardo txuria bota eta ondo eragin. Su altua mantendu txirlak zabaltzen hasi arte, orduan apur bat jaitsi sua. Ia txirla guztiak zabaltzean gehitu orburuak eta hauen uraren erdia (poto batena kasu honetan). Ondo nahastu eta orburuak berotzean jateko prest egongo da otordu gozo hau.


orburuak txirlekin
orburuak txirlekin



orburu ontzia
orburuak

Hainbat pate

Igone Lamarain 2014/05/03 16:45
Egun batzuk eman nituen lagun baten etxean, izokin-patea jan nuen han. Egun horietan inspiratutako errezetak dira hiru hauek. Oso-oso erraza da, orain arte blogean idatzi dudan errezetarik errezena. Nik tipulak, pikillo piperrak eta eta itsas kabra aukeratu ditut oraingoan, baina jateko mordo batekin egin dezakezu patea.
Hainbat pate

Pikillo, tipula eta itsas kabra pastelak

pate osagaiak

 

 

 

 

 

 

 

 

 

Osagaiak

  • 500 gr Igurtzeko gazta suabe
  • Tipula bat
  • Tipulina bat
  • Pikillo piperrak
  • Itsas kabra bat
  • Ale bi berakatz
  • Oliba olioa
  • Gatza
  • Piperbeltz beltza

 

Prozedura

Pikillo piperrak egin lapiko batean oliba olioarekin eta berakatz aleekin. Gatza bota nahi izanez gero.

piperrak lapikoan

Tipula bat eta tipulina txikitu eta ondo erregosi zartagin batean. Su altuan hasieran eta su ertainean bukaeran.

tipulak zartaginean

Gatza eta piperbeltz beltza bota itsas kabrari eta frijitu bi minutuz. Hoztean hezurrak kendu eskuz.

arraina platerean

arraina zartaginean

Bukatzeko, osagai bakoitza gaztarekin nahastu behar duzu. Pikillo piperrei berakatza kendu eta 250gr gaztarekin nahastu eta tipulak eta itsas kabra 125gr gaztarekin. Ondo irabiatu eta hozkailuan sartu.

batidoran

Jateko prest egongo dira hiru pateak hoztu ostean.

pikillo patea

 

 

hiru pate

Bildots-txuletak ardo (beltz) saltsarekin eta txanpiñoiekin

Igone Lamarain 2014/01/06 16:35
Data berezietan jaten ditugu bildots-txuletak, gehienetan plantxan eginda eta patata edo piperrekin. Errezeta hau egiteko denbora gehiago beharko duzu, baina noizbehinka otordu berezi bat prestatzeko aproposa da. Gainera ardo-saltsa egiten ikasiko duzu, baita txanpiñoiak egiten ere, eta beste edozein haragirekin jateko aproposak dira biak.
Bildots-txuletak ardo (beltz) saltsarekin eta txanpiñoiekin

Bildots-txuletak

 

 

 

 

 

 

 

 

 

 

 

 

OSAGAIAK (lau lagunentzat)

Txanpiñoiak egiteko

  • 300gr inguru txanpiñoi
  • Tipula ertain bat
  • Berakatz ale bat
  • Ardo zuria (basokada handi bat)
  • Oliba olioa
  • Gatza

  • Bildots-txuletak (kilo erdi)
  • Tipula txiki bat
  • Tipula gorri txiki bat
  • Tipulin bat
  • Piper berde bat
  • Porru bat
  • Berakatz ale bat
  • Barazki salda (basokada bat)
  • Ardo beltza (basokada bat)
  • Oliba olioa
  • Gatza
  • Arto-irina (aukeran)

Prozedura

Txanpiñoiei buztana moztu eta urarekin ondo garbitu. Txanpiñoiak segituan egin ahal diren arren, sutan ahalik eta denbora gehien edukiko ditugu gozo-gozoak egon daitezen. Tipula bat eta berakatz ale bat txikitu eta oliba oliotan egin, su altuan hasieran eta baxuan ondoren. Txanpiñoiak oso handiak badira erditik edo lau zatitan moztu. Lapikora bota, sua igo eta bost minutuz egin, tarteka eraginez. Ardo zuria bota, eta irakiten hastean sua jaitsi. Gatza gehitu eta su baxuan kozinatu ordu betez gutxienez. Tarte horretan saltsa barik gelditzen bada ardo (edo ur) gehiago bota.

Saltsa egiteko barazki guztiak zatitu (ez dute zertan zati txikiak izan) eta oliba olio apur batekin lapiko txiki batean su ertainean jarri.

Barazkiek euren ura botatzean ardoa bota eta bertan egosi. Barazki salda eta gatza bota, ordu betez su baxuan egin. Barazkiak irabiatu eta beste ordu erdiz kozinatu. Saltsa potolatu nahi izanez gero, arto-irina ur epelarekin nahastu eta gehitu, beste 10 minutuz egin.

Txuletak olio apur batekin ondo egin plantxan, gatza bota eta ardo saltsa eta txanpiñoiekin lagundu.

 

Pipermina erabili txanpiñoi biziak gustoko badituzu. Nik ez dut erabili nire gonbidatuari kalte egiten diolako.

Txanpiñoiak ardo zuria zein beltzarekin egin daitezke, baita koñakarekin ere (basokada erdi).

Penka beteak saltsa zurian

Igone Lamarain 2013/05/23 15:55
Asko jota ordu bete beharko duzu penka beteak saltsan prestatzeko. Gaztarekin egindako saltsarekin prestatu ditut gaurkoan, baina beste hainbat saltsatan ere presta daitezke, hurrengoan beste saltsaren batekin prestatu eta beste osagai batzuekin beteko ditut. Zerbak hartu, haritxoak kendu eta zati zuria hiru minutuz egosiz lortuko dituzu penkak. Penka kontserbak saltzen dituztenez egosita ere eros ditzakezu.
Penka beteak saltsa zurian

Penka beteak saltsan

 

 

 

 

 

 

 

 

 

 

OSAGAIAK (12 penka inguru egiteko)

penka osagaiak

-          Penkak (24 behar ditugu, penka beteak izango direlako)

-          Ura (penkak egosteko erabilitakoa, edo kontserba potean datorrena)

-          100gr urdaiazpiko (urdaiazpiko egosia ere erabili dezakezu)

-          70gr gazta (xerra edo xaflatan)

-          Idiazabal gazta zati bat (edo gustukoen duzun gazta)

-          Berakatza

-          Irina

-          Arrautza bi

-          Oliba olioa

-          Gatzarik ez dut erabili urdaiazpikoak eta gaztak badutelako gatza.

 

PROZEDURA

Saltsa prestatzen hasi naiz ni. Horretarako, berakatz ale bat eta berakatz fresko bat moztu eta erregosi egin ditut. Ondoren urdaiazpiko xerra bi txikitu eta berakatzarekin batera erregosten jarri ditut.

Ondoren irin koilarakada bat bota eta ondo egin ostean ura gehitu diot, basokada bat. Irina uretan ondo desegin ostean Idiazabal gazta zatituta bota dut, eta sutan laga dut gazta ondo urtzen. penken saltsari gaztaPare bat minutu su altuan eta ondoren su baxuan.

Gazta xerrekin eta urdaiazpikoarekin bete ditut penkak. Irinetik eta arrautzatik pasa ostean frijitu egin ditut.

penkak frijitzen

 

Bukatzeko, penkak saltsara bota eta listo!!!

Madalenak

Igone Lamarain 2013/04/19 16:38
Gosaltzeko, hamaiketakoan, arratsalde erdian... egunaren edozein une da ona etxeko madalenak jateko. Txokolatea, intxaurrak, sagar zatitxoak... edozer bota ahal diozu madalenari. Errezeta erraza eta gozoa. On egin!
Madalenak

Madalenak

Osagaiak:

-         3 arrautza

-         300gr irin

-         200gr azukre (gozozalea bazara gehiago erabili)

-         125ml esne

-         100ml oliba olio

-         Legamia edo altxagarria

-         Gatz apur bat eta limoi tanta batzuk

-         Aukeran: txokolatea eta mahats-pasak

 

 

 

 

 

Prozedura:

Madalenak egiten hasi aurretik laba piztu dezakezu, osagaiak prestatzen dituzun bitartean berotzeko. 180º behar ditugu madalenak egiteko.

Arrautzen gorringoak eta zuringoak banatu behar dituzu. Eta zuringoei gatz koilaratxo bat bota ostean elur puntua lortu behar duzu. Eskuz egiten dut nik hau, neketsua izan daiteke, baina gatzak lagundu egiten du.

Aparte gorringoak azukrearekin irabiatu eta gainontzeko osagaiekin nahastu. Nik irina iragazi egiten dut, fintzearren. Limoi tanta batzuk beharrean limoi azal birrindua bota dezakezu, edo limoia beharrean laranja erabili, zure gustuaren arabera. Orain merengea gehitu nahasketa honi, eta poliki-poliki koilara batekin nahastu.

Honekin nahikoa da, moldeak erdiraino bete ditzakezu eta laban sartu. Nik gaur batzuk horrela bete ditut, beste batzuk betetzeko orearen zati bati Maria bainuan urtutako txokolatea gehitu diot, eta azkeneko zatiari mahats-pasa batzuk. Molde bakarrean ore ezberdinak nahastu ditzakezu.

 

 

 

 

 

 

Laban sartu 180ºra 10-15 minituz. Kontuz ibili! segituan egiten direnez denbora larregi utziz gero gogortu edo erre ahal dira.

 

madalenak

Oreari beste osagai batzuk ere gehitu ahal dizkiozu: intxaurrak, sagarrak, masustak… zuk zeuk nahi duzuna!!

Zilikonazko moldeak erabiltzen ditut, berrerabilgarriak direlako. Paperezko moldeak erabili behar badituzu kontuan izan asko betez gero zabaldu egiten direla.

Berdel bolak saltsan

Igone Lamarain 2013/04/05 11:50
Orain arte bakailaoa erabili dut arrain bolak saltsan egin ditudan guztietan. Nire amamaren errezeta beti. Baina orain berdel ugari daukagunez arrainez aldatzea erabaki dut. Prozedura apur bat aldatzen da, hurrengoan bakailao bolak egingo ditut. Errezeta hau oso erraza izateaz gain, oso-oso ona dago, probatu, merezi du eta!
Berdel bolak saltsan

Berdel bolak saltsan

OSAGAIAK (lau lagunentzat, 20 bola inguru egiteko)

- Bi berdel (450gr ingurukoak)

- Bi kipula

- Bi berakatz ale

- Tomate saltsa (3 koilarakada handi)

- Irina

- Oliba olioa

- Gatza

berdel osagaiak

 

PROZEDURA

KIPULA ERRETZENBerdela erostean saltzaileari burua eta hezurrak kentzeko eskatu, horrela ondorengo lana errazagoa izango da. Buruak eta hezurrak gorde.

Bi kipulak eta berakatz aleak txikitu, ahalik eta zatirik txikienak egin itzazu. Ondoren lapiko zapal batean erregosi. Horretarako, hasieran su altua erabili, eta erregosten hastean su motela erabili.

 

berdela txikitutaBitartean berdelei azala kendu eta txikitu. Lapiko batean buruak eta hezurrak urarekin irakiten jarri. Berdelak txikitu ostean lapikotik erregositako kipula apur bat hartu behar duzu arrainarekin nahasteko. Gatza bota ondoren bolak egin, eta irinetik pasa ostean frijitu.

 

 

 

Gainontzeko kipulari tomate saltsa bota, apur bat eragin ostean berdelaren buruak eta hezurrak egosteko erabilitako ur apur bat bota, kipula estaltzeko beste. Gatza zure neurrira bota eta su ertainean laga hamar minutu inguru. Ondoren irabiagailu edo pasadore batekin saltsa egin.

berdel saltsa

 

 

 

 

 

 

 

 

 

 

 

Bolak saltsara bota. Jar itzazu sutan eta hamar minutura jateko prest egongo dira.

Mailuki (marrubi) marmelada

Igone Lamarain 2013/03/19 12:15
Udaberriaren etorrerarekin batera fruitu gorriak ugaritu egiten dira inguruko mendiotan. Hau marrubiekin egindako marmeladaren errezeta den arren, beste edozein fruta gorrirekin ere egin daiteke. Horretarako, marrubiak beharrean beste fruta gorriren bat neurri berean erabili.
Mailuki (marrubi) marmelada

Mailuki marmelada

OSAGAIAK (marmelada pote bi egiteko)

-          400gr mailuki

-          75gr azukre

-          Ur txorrostadatxo bat

-          Limoi edo laranja ura, aukeran

marmelada osagaiak

PROZEDURA

marru-azukre-lapikoMailukiak txikitu ondo-ondo garbitu ostean. Lapiko batean berotzen jarri zatitutako mailukiak eta azukrea. Nik oso azukre gutxi bota dut oraingoan, oso gozo zalea ez naizelako. Azukrerik gabe edo azukre gehiagorekin egin dezakezu, zure gustuaren arabera.

Su ertainean jarri lapikoa, 10 minutuz. Orain ura bota. Uraren kantitatea ere ezin da zehatza izan. Marmelada urtsua gustuko baduzu ur gehiago bota, eta bestela gutxiago.

Nik marrubiak ia estaltzeko beste ur bota dut oraingoan, nik sekula ez neuke gehiago botako, behintzat oso-oso urtsua den marmelada nahi ez baduzu. Eta ur gutxiagorekin ere nahikoa da. Tapa jarri lapikoan eta beste ordu erdiz laga sutan, marrubiak ondo bigundu arte.

 

marrubiak lapikoan

irabiatu

 

Marrubiekin purea egin behar duzu marmelada bukatzeko. Horretarako irabiagailua edo purea eskuz egiteko tresna erabil dezakezu. Eta marmelada oso fina gustuko baduzu iragazi eta listo. Nik irabiagailua erabili dut.

 

Marmelada kristalezko poteetan banatu. Kontserba egiteko ondo itxi eta Maria bainuan egosi ordu erdiz.

tostadak

Oilaskoz eta hirugiharrez betetako Krep gaziak, gazta saltsarekin

Igone Lamarain 2013/03/13 18:40
Oso erraza da Krepak egitea. Normalean ez dugu horrelakorik jaten, baina inoiz afari edo bazkari bat egin dezakegu Krepekin. Edozerekin bete daitezke eta gaziak zein gozoak izan daitezke. Nik ez nituzke gertatuko lagun asko bildu behar baditugu mahai-inguruan, banaka egin behar direlako.
Oilaskoz eta hirugiharrez betetako Krep gaziak, gazta saltsarekin

Krep gazia

OSAGAIAK (6 lagunentzat)

Krepak betetzeko:

-         Oilasko papar bat

-         150gr hirugihar (hiru xerra potolo)

-         Kipula bat

-         6 txanpi

-         Oliba olioa

-         Gatza

-        500ml ardo zuri

krep gaziak-osagaiak

Saltsa egiteko

-         Kipula bat

-         Piper berde bat

-         Azenario bat

-         Berakatz ale bat

-         500ml ardo zuri

-         Gatza

-         Gazta (zabaltzeko gazta, bi goiarakada handi)

-         50gr gazta urdin

Krepak egiteko

-         3 arrautza

-         150gr irin

-         250ml esne

-         Gatza

-         Txorrostadatxo bat oliba olio

PROZEDURA

Kipula juliana erara zatitu ostean sutan jarriko duzu lapiko batean, olio txorrostadatxo batekin. Kipula egiten den bitartean oilaskoa, hirugiharra eta txanpiak ere juliana eran moztu behar dituzu.

Guztia lapikora bota eta, hasieran su altuan izango duzun arren, bukaeran sua jaitsi guztia ondo erregosi dadin.

oilaskoa erregosten

Oilaskoa zuritzean ardo zuria bota behar duzu. Nahi beste gatza bota eta tapa jarri lapikoari, dena ondo egin arte. Tarteka ura behar duela uste baduzu beldurrik gabe bota dezakezu. Bukaerarako ardo eta ur  guztia lurrundu behar da. 20m inguru izango dira.

Saltsa egiteko lapiko txiki batean kipula, piper berdea eta azenarioa jarri behar dituzu, olio apur batekin. Ez da beharrezkoa oso zati txikitan moztea. Berakatz alea osorik bota dezakezu.

saltsaren barazkiak

Barazkiak erregostean ardo zuria eta gazta gehituko dituzu, bost minituz irakiten egon ostean suaren tenperatura jaitsi. Noizbehinka eragin gazta guztia ondo urtzeko. 20 minutuan eginda egongo da, eta iragazi ostean prest egongo da gazta-saltsa.

Krepak egitea oso erraza da. Osagai denak irabiagailuarekin nahastu behar dituzu. Zartagina sutan jarri, olio goiaratxo bi bota, eta berotzean nahasketa bota, zartaginaren ondoa betetzeko beste. Eginda dagoenean buelta eman eta listo, sardexka bat erabili horrretarako. Oso erraza da, benetan. Kreparen lodiera zure gustura egin dezakezu, nahasketa gutxiago edo gehiago botaz.

Bukatzeko krepak bete behar dituzu. Adi! Erre gabe! Kreparen gainean gazta saltsa apur bat jarri eta oilasko eta hirugihar nahasketa, nahi duzun formarekin itxi eta berriz ere saltsa erabili gainetik, deitaletxo moduan. Krepa betetzeko ez duzu gazta saltsa askorik erabili behar, mahai gainera saltsa ere atera dezakezu, norberak nahi beste hartzeko.

gazta saltsa

Oharra: gustukuen duzun gazta mota erabil dezakezu. Eta krepa bera ere nahi duzunarekin bete dezakezu. Ordu betetxo bat beharko duzu krep hauek prestatzeko.

Haragiz betetako piper gorriak

Igone Lamarain 2013/02/26 17:15
Barazkiekin, arrainarekin, perretxikoekin, okelarekin… osagai askorekin bete ditzakegu piperrak, eta piperrak gorriak zein berdeak izan daitezke. Okelarekin bete ditut piper gorriak oraingoan. Beste osagai batzuekin betetako piperren errezeten berri emango dut aurrerago. Piper berde beteen errezetak ere azalduko ditut, euren garaia heltzen denean.
Haragiz betetako piper gorriak

Haragiz betetako piper gorriak

OSAGAIAK (40 piper inguru betetzeko)

Kipula erdi

300gr okela pikatu

40-45 piper gorri

100gr irin

500 mililitro esne

Litro erdi tomate saltsa

Olioa

Gatza

piper bete gorriak-osagaiak

PROZEDURA

Kipula ondo txikitu ostean lapiko zabal batean erregosi. Hasieran su altua erabili, baina erretzen hastean sua jaitsi kipula erre ez dadin. Kipula biguntzean bi piper gorri hartu eta ondo txikituta gehitu. Horrela barrukoak kolore apur bat hartuko du.

Okela pikatua gehitu eta egin. Gatza zure neurrira bota.

pikatua

Erabil ezazu koladore bat irina fintzeko. Eta gutxika bota, esnea botatzen hasi aurretik irina egin, ondo eginda egon behar da zereal zaporea galdu dezan.

bexamela1

Ez bota esne guztia batera, lehenengo erdia bota. Irinak esne guztia xurgatzean botaizu beste erdia, eta su bajuan mantendu lapikoa, bexamela ondo egin arte. Probatu, eta zure ustez gatz gehiago behar badu, gehitu.

Hoztean piperrak bete

piperra betetzen

Eta, bukatzeko, tomate saltsan 10-15 minutuz berotu, piper beteak ondo egin daitezen.

Bexamela egiteko esnea oso hotza ez badago hobeto, esne epelarekin errazago egingo dugu bexamel fin bat.

Tomate saltsa uda bukaeran egiten dut, eta urte guztirako gorde. Garaia heltzean azalduko dizut honen prozesua.

Barazki pastela

Igone Lamarain 2013/02/26 16:55
Oso erraza da pastel hau egitea, barazkiak eta arrautzak dira ia osagai bakarrak. Beraz, erraza izateaz gain, osasuntsua ere bada. Barazkiak jateko beste era bat da. Epela zein hotza jan dezakezu. Eta garaiaren arabera barazkiak aldatu. Pastela epela kalabaza pure batekin jan dezakezu, eta hotza maionesarekin.
Barazki pastela

Hiru koloretako barazki pastela

OSAGAIAK (6 lagunentzat)

Azalore txiki bat

Brokoli txiki bat

7 azenario handi

4 arrautza handi

Olioa

Gatza

Ogi birrindu apur bat

 

osagaiak

PROZEDURA

Azenarioak, brokolia eta azalorea egosi behar dituzu. Azenarioak oso bigunak egon arte egosi. Egostean gatza gehitu behar duzu, zure gustuaren arabera gehiago edo gutxiago bota, baina pasatu gabe, ondoren arrautzei ere botako diozulako gatza.

Pistuizu laba pastela montatzen hasi aurretik, horrela denbora aurreztuko duzu. (berotzeko 200º-tara jarri).

Azenarioak egosi ostean bost hartu eta arrautzekin batera txikitu irabiagailu baten laguntzaz, pure laranja bat lortu arte. Txikitu aurretik gatza bota, zure gustura. Hau gure pastelaren oinarria izango da.

 

Flanera batean laberako paper begetalean jarri eta olio txorrostada txiki bat ondo zabaldu ostean ogia ere bota eta zabaldu. Ondoren hartuizu azenarioekin egin dugun purea eta berton zabaldu

ogi birrindua eta purea

Orain pastela montatzen hasiko zara. Azenarioak laminatan moztu eta zabaldu.

azenarioak laminatan

Ondoren azalorea eta brokolia tartekatuta jarri. Eta Pure apur bat gehiago bota gainetik. Berriro ere azenarioak, brokolia, azalorea eta bukatzeko purea.

barazkiak tartekatuta1

Orain laban sartu behar duzu. Labaren tenperatura 175º ingurura jaitsi eta 35 minutuan prest izango duzu pastela. Laban beroa goitik eta behetik botatzeko aukera jarri.

Moldetik ateratzeko gutxienez epeldu arte itxaron.

Aurkezpena

Sukaldaria ez naizen arren sukaldean aritzea dut gustuko. Edozein otordu, edozer janari prestatzen gozatzen dut sukaldean. Denetik egiten dut, nahiz eta ez naizen oso abila postreetan. Gauza berriak ikastea eta esperimentatzea gustatzen zait, baita errezeta tradizionalak gertatzea ere. Sukaldean sortzea dut gustukoen, porru patatak zein legatz beltza piper irristagarrien gainean dilista pure eta mihilu konpotaz lagunduta gertatzen.

Ona naizela uste dut, nik gustuko dut egiten dudana. Nire lagunek eta familiak ere gustuko dute, gustura gelditzen dira gehienetan eta kritikak oso onak izaten dira ia beti.

Egiten ditudanak idatzi eta azalduko ditut hemen, nire trukuak ere azalduko ditut. Eta norbaitentzat balekoak badira primeran, baina sukaldean aritzea eta ikastea ditudanez gogokoen, iritziak, gomendioak eta proposamen berriak jaso nahi ditut. Praktikara eramango ditut ekarpenak, eta nire ukitua emango diet.

Azalpen erraz eta garbiak emango ditut, irudiekin eta oharrekin lagunduta.

Igone Lamarain

Errezetak

Nire errezeta gutxi dira nik osorik sortutakoak. Batzuk etxean ikasi ditut, beste batzuk interneten edo liburuetan aurkitutako errezetetan oinarritzen dira, eta telebistako programaren batean ikusitakoetan gutxi batzuk. Baina guztiek dute nire ukitua. Gehienetan, gainera, inprobisatu egiten dut.

Elikagaiak

Bertakoaren alde egiten dut, eta ahal den guztietan garaikoaren alde ere bai. Ez zait prestatuta dagoen elikagairik erostea gustatzen. Eta produktuak aukeratzean ahalik eta ontzi edo plastiko gutxien duena lehenesten dut, ezer ez badauka, hobe.

Loturak

Badira urte bi etxean ogia egiten hasi nintzela. Errezetaren baten berri emango dut, baina nire maisuaren irina, ura, gatza… ogia blogean hamaika errezeta eta gomendio daude. Ni horretan inspiratu izan naiz, eta bertako azalpenak onak eta argiak dira.