Blogak
Inception, Hastapena, Origen
2020/08/13Inceptioni buruz José Abadek "Christopher Nolan" liburuan idatzitakoaren bertsioa, film konplikatu hori ulertzeko lagungarri. Amaierari buruzko hiru ikasleren interpretazio interesgarriak. Spoilerrez gainezka.
Egiazko Trujillo ez zen izan, nonbait, literaturari komeni bezain sinesgarria
2020/08/132000 urtean Vargas Llosak argitara eman zuen “La fiesta del chivo” eleberri historikoa non, 500 orrialdetan, Trujilloren hiru hamarkada luzeko (1930-1961) diktadura nobelaratu zuen. Hogei urte geroago, Carlos Saurak, 80 minutuko saioan, antzerkiratu duen nobela, hain zuzen ere. Artea behar da, gero, 30 urteko historiaz nobela egiteko. Eta orobat, artea, 500 orrialdeko nobelaz ordu eta erdiko antzerki-saioa burutzeko. Baina, artea nahiko ote?
Kalamuako malkarretik behera… ausartu ez.
2020/08/10Orain 35 urte-edo, larunbat goizeko hamarrak aldera, emaztea zenak Usartzara eraman gintuen nire Peugeota eta biok, eta elkarrekin abiatu ginen, mendiz mendi, Ondarroaraino, errepidez Eibarrera itzultzeko asmotan. Zazpi ordu inguru behar izan nituen. Gaur ez nuke egingo, ezta bizikleta elektrikoaz ere.
BIDAIAK 97
2020/08/07FRANTZIA: Poitiers, Futuroscope, Chauvigny, Mont Morillon, Saint Savin, Angles sur Langlin, Laroche-Posay, Chatellerault
Kortaren omenetan, nondik jaten dugun jakin
2020/08/07Abertzaletasunaren aldetik orain arte baino garrantzi gehiago eman beharko diogu ekonomiari. Alegia, Herri honen biziraupena segurtatzen ahaleginduko bagara, behingoz jabetu beharko dugu zein garrantzitsua den Herriaren etorkizunerako enpresak edukitzea, euren kapitalarekin eta bertako egituratze-sistemekin. Nondik jaten dugun galderari erantzun konpartitu bat emateko gauza izan beharko dugu. Joxe Mari Korta zenari egin diezaiokegun omenaldirik handienetakoa.
Izas haraneko ur-jauzi beltza
2020/08/03Neska-mutiko gaztetxoekin joateko moduko lekua da, Canfranc-etik abiatuta, Izas haraneko ur-jauzia. “Cascada las Negras” deritzo, eta zortzi kilometroko joan-etorria baino ez da, 400 metroko gorakadaz, hiru ordutan egin daitekeena. Bainua hartu nahi izanez gero, ordu erdi gehiago. Bidean, kastoreak eta urtxintxak ikusi ahal izan ditugu. Eta eguzki-loreak, mordoka.