Blogak
Etorkizuna elektrikoa omen
2012/02/09Ibil-en egitasmoak aurrera darrai, apurka-apurka eta isilik-misilik. Honezkero 109 argindar kargaleku ditu han-hemenka sakabanatuak Euskal Autonomia Erkidegoan zehar (14 Araban, 56 Bizkaian eta 39 Gipuzkoan). Aurten beste 300 kargaleku jarriko dituzte abian, baita sei ordezkaritza irekiko ere Espainian barrena. Honen guztiaren azpiegituraren kontrola Barakaldotik egingo da, Ibil-ek BEC-en duen ardatz nagusitik.
Zerbitzu publikoak garatu, #murrizketarikez
2012/02/09ELA, LAB eta STEE-EILAS sindikatuek lau orduko greba deialdia egin dute gaurko, otsailak 9. Manifestazioa dago deitua Donostian, 12:30ean, Bulebarrean. Ordu berean, Bilbon eta Gasteizen.
Ekonomia-egitura osoa aldatu beharra
2012/02/06Espainia da, nabarmen asko gero, Europa guztian zehar langabeziarik handiena duen Estatua. Eta Espainiaren lanik eza ez da ziklikoa, lantzean behingo krisialdiei dariena alegia, oinarrizko ekonomia-egiturari berari datxekiona baino. Hau da, dugun ekonomia-sistema aldatzen ez baldin badugu ez dugu egoerarik aldatuko. Eta orain artekoa egiten jarraituz gero, orain arteko emaitza berberak jasotzen jarraituko dugu.