Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / White, Naica eta Balenciaga

White, Naica eta Balenciaga

Amatiño 2012/07/30 23:55
Ezohiko kanta-emanaldirik aipatzekotan, igande gauean Getarian bildutakoa: Hawaiiko Simone White folk kantaria eta Bidasoaldeko "Naica" pop boskotea, elkarren ondotik. Balenciaga Museoaren hallean, ordu bi luzez, ehun inguru lagunen aurrean.

Simone White (Hawaii, 1970) estatubatuarrak bere laugarren diskoa (Silver, Silver)  nahi izan du Europan zehar azaldu. Porturen batetik abiatu behar eta, Getariatik ateratzeko hautua egin bide du.  "Lagungarri" edo, berriz, Bidasoaldeko Naica pop taldea.

Segurutik Simone White kantariak hainbat meritu izango du, ez baitira lau disko grabatzen --ez eta Los Angelestik Europara kantari etortzen ere--, nork bere buru kantaritzat ez badu. Baina igande gauez entzundakoagatik behintzat, nekez ekitaldi motelagorik, aspergarriagorik, eneagarriagorik eta astunagorik. Nonbait, Whiteren folkak ezer gutxi du epikatik eta lirikatik, eta lartxo, berriz, malurretik eta etsipenetik.

Gaueko pasarterik alaienak, landuenak eta hunkigarrienak, Naia Mandiluniz, Carlos Noiain, Santiago Noiain, Mikel Azkona eta David Martínez bost lagunek osatzen duten Naica taldeak eskainitakoak izan ziren. Beraiek jarri zituzten gaueko ginga apurrak  ez ezik, baita entzulerik gehienak ere. Auskalo zer gerta ote zekiokeen amerikarrari hondarribiarren lagunartekorik bertaratu izan ez balitz. Dena den, onartu ere onartu behar, bost lagunok --oro har-- musikari hobeak direla kantariak baino

Balenciaga Museoak ere ikasiko al du hurrengorako gauzak hobetoxeago antolatzen? Era honetako ekitalditxoak burutzeko leku benetan aparta museoaren ardaz-gunea. Baina, horratik, jendeak bi orduz eseri gabe iraun dezakeela uste duena ez da behar bada antolatzailerik prestuena.

sSimone White

Simone White

Teloneroak

Naica taldearen hiru kide

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal