Blogak
España Foral
2015/10/02“Foru-nazioa” proposatu du Urkullu lehendakariak eta José Antonio Pastor bozeramaile sozialistak, berriz, “Mortadelo eta Filemon”en txorakeria erromantiko eta patetikotzat jo. Auskalo oinarri politikorik ote duen lehendakariaren formulak eta, zalantzarik gabe, zilegi da ez onartzea, kritikatzea eta hoberik eskaintzea, baina, nago, iseka-era horrek ez diola batere onik egiten Pastorri berari, ezta mesederik ere euskal alderdi sozialistari.
Beste negozio bat pikutara
2015/10/01Juan Gisasola kalean beste negozio bat ixtera doa: josteko eskulanetarako materiala saltzen zuen negozio bat. Agian Eibarko beste kale batzuetan ere gertatuko da, baina kale horretan bizi naizenez, horretxekin fijatzen naiz.
63. Zinemaldia bukatu da
2015/09/29Zinemaldiaren hasieran aipatu nituen ikusteko asmoa nituen pelikulak eta jaialdia amaitu denez, orain tokatzen da esatea zeintzuk ikusi ditudan eta bakoitzari buruzko lerro gutxi batzuk idaztea.
Hilgo gara zaharrok, jaioko dira berriak, guztiok gara Euskal Herriak
2015/09/29Hirurogei urte bete nituenean laguntaldea batu nuen elkarrekin ospatzeko. Hamar urte geroago, berriro bildu ditut. Ordutik hona zazpi adiskide joan dira, azken hatsa bota ondoren. Batek daki, zazpi asko edo gutxi ote diren, estatistika ez da nonbait urruti ibiliko. Estatistika berberaren arabera, auskalo zenbat bilduko ote garen laurogeigarren hamarkadari ekiteko. Are gehiago, naizen hau inori deitzeko moduan izango al da? Erantzuna, hamar urte barru.
Mariano Izetaren hiru merituak
2015/09/26Ehun urte Mariano Izeta (1915-2001) jaio zela. Betidanik iruditu izan zitzaidan gizon “zaharra”, nahiz 58 urte baino ez izan, nik 1973an ezagutu nuenean, bere Elizondoko erloju-dendan. Gizon atsegina, apala, beti inori laguntzeko gertu dauden horietakoa. Hiru urtez nire "kontaktoa" izan zen Baztango berri jakiteko.
“Organizazioa”
2015/09/24Jorge Fernández Díaz Barne ministroak gaur bertan esan du, ironia handiz: “libre geratzen diren ETAko guztiak mikrobus batean sartzen dira eta, atzotik, gidaririk gabe, gainera”. Seguru? Gidaririk gabeko "organizazioa" ote?
"Ötzi - Por un puñado de ámbar" komikiaren aurkezpena Donostian
2015/09/22Irailaren 25ean aurkeztuko dute Donostiako Elkar Aretoan Mikel Begoña eta Iñaket-en komikia
Amama
2015/09/21Zenbaitentzat poesia hutsa da "Amama" filma; beste hainbatentzat, ordea, ez omen du Donostiako Zinemaldiaren A kategoriak eskatzen duen besteko mailarik. Ez dakit ba... Niri gustatu egin zait, baina ez naiz poesiaren zale. Eta orain arte sail ofizialean ikusi ditudan hiru filmetarik onena... "Amama" bera.
Ziegan entzun ditugu preso dauden kantak
2015/09/21Atxilotu daiteke kanta bat? Nola esplikatu daiteke Gernikako Arbola kantatzen daukagun grabazio zaharrena ziega batean giltzaperatuta egotea? Eman da zabal zazu?