Blogak
Sistema eragileen guda berria
2010/12/14Ordenagailuek beharrezko dituzte sistema eragileak, funtzionatu ahal izateko. Hori dela eta, merkatuaren nagusitasuna edo kontrola lortzeko lehian oso faktore garrantzitsua dira. Sistema eragileei esker lortu eta hautsi izan dira monopolioak iraganean, sistema eragileek ahalbidetu dute informatika pertsonalaren zabalkundea... Unix, DOS, Windows, MacOS, Linux eta bestelakoen arteko gudak ezagutu ditugu ordenagailuen munduan; orain, smartphone eta tablet bezalako gailu berrietan, sistema eragileen arteko gerra berri bat bizitzen ari gara, kasu honetan iOS eta Android-en artean.
Enrique Morente, in memoriam
2010/12/14Beste musikari handi bat galdu dugu bidean. Bolada txarra daramagu azken aldi honetan.
Gizon-munduan kudeatzaile nagusi
2010/12/13Nuria Lopez de Gereñu izango da Confebask-en idazkari nagusi berria, 1995etik hona azken hamabost urteotan ardura hori izan duen Jose Gillermo Zubiaren ordez. Horrela erabaki du gaur arratsaldean bertan euskal enpresari-elkarteak eta urtarriletik aurrera jarriko da indarrean. Hona non, gure eibartarra, gizon-munduan kudeatzaile nagusi. Zorionak.
"Preso nago", kartzelatik egindako komikia
2010/12/13Ataramiñe-ren eskutik argitaratu du komikia Mikel Orbegozo euskal presoak
Lotan, boikotian, anikotian
2010/12/13Felix Aresen kontu bat, Erdi Aroko lo ohitturen gaiñian. Ballesterismo blogetik Charles Boycotten arazo sindikalak. Musilan, Chimo Bayo eta Mastretta. Waliñon ipoiña "Argazkia" izan da. Bertsiñua, "Dance me to the end of love" Leonard Cohen eta Jorge Drexlerren ahuetan. Eta Ahotsak.comen Santos Azpeitia zarauztarrak anikote jokua azaldu desku.
“Latinamerikar ametsaren” ordua
2010/12/13Baikortasuna eta itxaropena dira Argentinan eratu berri den XX. Gailur Iberoamerikarraren giroa ondoen laburbiltzen duten hitzak. Estatu Buruen biltzar politikoetan hezkuntza, demokrazia eta oreka azpimarratu badira, aldi bereko enpresari-topaketan, berriz, prestakuntza, egonkortasuna eta klase ertainen susperraldia nabarmendu. Hainbat mende eta belaunaldi gatazkatsuren ondotik “Latinamerikar ametsaren” ordua heldu omen da.
Diru-gutizia, ez moral-kontua
2010/12/12Frankfurtetik Buenos Airesa 13:50 ordu behar ditu hegazkinak. Ez dira inondik ere Elkanok behar izan zituen bost hilabeteak, ezta gure aita zenak 1930an egindako astebetea ere. Baina, orduz ordu, ipurdiko mina egiteko beste dira eta aldameneko bidaikidea zertxobait ezagutzeko lain.