Blogak
Euskararen transmisioaz mintegia Eibarren
2011/05/07Eibarko ...eta kitto! euskara elkarteak antolatuta, hizkuntzaren transmisioaren inguruko mintegi interesgarria izango da Eibarren maiatzaren 25ean. Oraindik ere izena emateko aukera zabalik dago.
Burruka fosillak eta monitoretzia
2011/05/07Kontua hauxe dok: urtiak eta progenixiak aurrera juan ahala, ¿ez ete dok pizkat absurdua lehengo bizimoduakin jarraittu nahixa? Hau edozein eremutara zabaldu lajeikek, jakiña, baiña momentu honetan zera iraultzailliaz jiharduat: billerismua, kale animaziñuak, manifa-poteuak... edozein gazte borrokillan erritualak, labur esanda.
Itxaropena Argitaldariaren omenetan
2011/05/06Bernardo Atxaga eta Javier Marías idazleekin batera, Itxaropena Argitaldariak jaso zuen bart iluntzean, Bilbon, aurtengo Carlton-Argital saria. Ez dakit aipatu idazleek aurkezpen handirik behar ote duten, baina Itxaropenak ondo mereziak ditu egin dakizkiokeen aurkezpen, goraipamen, gorazarre, laudorio eta txalo-zaparrada guztiak. Nahiz, segurutik, gaurko euskal irakurlerik gehienek hartaz ezer gutxi jakin.
Iñaki Perurena, “eukixan jaikixa”
2011/05/05Iñaki Perurenak jasoko du aurtengo Manuel de Irujo Saria “euskararen zein euskal kulturaren berreskurapenaren mesedetan egindako lan eskergagatik”. Sari-emanaldia ekainaren 4an izango da, Lizarran. Zorionak Iñaki.
Udia hasi da
2011/05/05Bai, neretako aste honetan hasi da udia. Abijoi edo txirrixak heldu dira Eibarrera, euren txilixo ozenekin. Urtero moduan, Santa Kurutz egunian (maiatzak 3). Hortxe hasten da udia. Eta eurekin amaittuko da, iraileko Santa Kurutzetan (irailak 14).
Karlos Linazasoro, Ernesto Sabatoz
2011/05/05Ernesto Sabato idazle argentinar handia (1911-2011) joan den larunbatean hil zen, ehun urte zituela ia. "Boom" latinoamerikarreko klasikoak bihurtu ziren "El túnel" (1948), "Sobre héroes y tumbas" (1961) eta "Abaddón el exterminador" (1974) nobelen egilea izan zen, eta baita hainbat saiakerarena ere. Karlos Linazasoro idazle tolosarrak harekiko harremana gogorarazten digu kolaborazio mamitsu honetan, Sabatoren inedito bat eta guzti.