Blogak
Lehen-lehenik hil, gero gerokoak
2011/04/20Raul Castrok hitzez hitz esan du, Kubako Alderdi Komunistaren VI. Kongresuak izan behar duela "por ley de vida, el último de la mayoría de los que integramos la generación histórica". Hau da, nonbait ez dute agintaritza utziko zaharrak direlako, hil egingo direlako baino. Sekulako aldaketa gero, bart gauerarte azken berrogeita hamar urteotan gazterik, emakumerik eta beltzik gabeko sasibidea urratzeko gauza izan den iraultza kubatarrarentzat.
Gasolina merketzeko modua
2011/04/19Gasolina inoiz baino garestiago dago eta, seguru asko, ez da inondik ere unerik onena findegiek negarra jo dezaten. Kalean edonori galdetuz gero, erantzuna jakinekoa da: gasolinagileak aberasten ari dira eta beraiek dira, ezinbestean, prezioa garestitzearen errudun bakarrak edo, gutxienez, nabarmen handienak.
Donostiako ilunabarra
2011/04/17Korrikaren amaiera, Realaren hil ala biziko partida, udaberriko eguraldia... "gipuzkoar" giroa sumatu da gaur Donostian. Iluntzean ere aparkalekuak hustu ezinik, etxeratzeko gogo gutxi, nonbait. Eta ilunabarra, berriz, eder, xarmant eta liluragarri horietakoa.
Lino Akesolo, eruditoa
2011/04/16Hamar urte zituela Lino Akesolok 'saca la basura' agindua entzun zuen estreinako eta 'baso-ura' ote zen sumatu zuen. Ia mende erdi geroago Bernat Detxepareren “Linguae Vasconum Primitiae” (Bordele, 1545) gazteleratu zuen, estreinako ere.
Bera - Solas itxusiduna
2011/04/15Sekulako maldiziñuak hartzeko ohitturia hartu dau mutikuak, eta amak abariangana bialdu dau hau konpontze aldera. Honek metafora txiki bat azaldu detsa, baiña... ¡sakristiatik sekula baiño maldiziño gehixago esanda urten dau mutillak!