Blogak
Katea, eteteko zorian
2022/02/07“Musika klasikoaz ezer ez dakien publikoa erakartzen dugu, ala mundu hau hil egingo da”, adierazi berri du Patrick Alfayak, Donostiako Hamabostaldiaren zuzendariak, 83. ekitaldiaren atarian.
Wordle-an euskaraz jokatzeko laguntzailea
2022/02/05Hitzak aurkitzeko nire mugekin etsituta, modako jokuan jokatzeko tresna bat prestatu dut.
Juanjo Pujana, helenista porrokatua
2022/02/04Herrialde normalduan edo gizarte egonkortuan hazi eta hezi izan balitz, Juan Jose Pujana (1943-2022) legelari aditua baino ez zitekeen izango. Baina, Franco hil osteko Euskal Herrian, hainbat ezkutuko batzar Pujana legegizon gaztearen bulegoan egiten ziren, eta geroztik egokitu zitzaion EAJren izenean ETArekin haustea, Eusko Legebiltzarreko lehen presidente izatea, EAren sorreran parte hartzea eta, besteak beste, Platonen “Errepublika” euskaratzea.
Lehendakari gaia (?)
2022/02/01Aitortu behar dut “Lehendakari gaia” antzerkia ikustera joateko gogoa erabat moteldu zitzaidala jakin nuenean, katalanezko “L´electe” eta gaztelaniazko “El candidato” antzezlanen euskal bertsioa zena. Titulua ganoraz itzultzeko gauza ere ez den ekoizpenak merezi al du konfiantzarik? Baina, tira, zer gerta ere, Iker Galartza beti izan ohi da nolabaiteko bermea, baita oraingoan ere.