Blogak
Kontraste kontrapikaua
2011/02/15Ezkerrian labaderoko "gaztetxia" (ez squata: alkiler merke-merkeko etxe zahar-zaharrak) eta eskuman, Euzko Gaztedi Interiorrekuen etxetxua. Isasi barrenian ikusi leikian kontrastia.
Ekologia Arkitekturan, Eraikuntza Biologikoa
2011/02/14Krisi garai honek hausnarketarako aukera oso polita suposatzen du. Aukera baino, derrigortzea dela ere esan daiteke eta arkitekturak ezin du salbuespen bat izan. Oikos etxea da eta logos ezagutza. Hori da ekologia literalki, etxearen ezagutza. Askoren iritziz gizateriak aurrera egiteko ekologia zientzia nagusi bezala gailendu behar da. Ekologia soziala, energetikoa, politikoa eta ekonomikoa. Banaketok beharbada soberan daude, ekologiak zientzia moduan guztiak uztartzen baititu gure ingurumenarekin harremanetan, gure etxearekin hartu emanean.
Jenaro Garate hil da
2011/02/13Jenaro hil da. Laurogeita lau urtez, gazterik, beti ezagutu izan genuen bezain gazte. Jenarok berrogeitaka urte zituen gutako hainbatek hogeitaka genituen garai haietan. Beti alai, beti irribarrez, beti laguntzeko gertu. Beti jakitun eta beti gehiago ikasi nahian. Bere burua beste inorena baino estuago hartzen duten bakar eta bakan horietakoa.
Kurosawaren gustuko film-zerrenda
2011/02/13Zerk egiten du filma on? Noiz da ona, noiz kaskarra eta noiz erdipurdikoa? Akira Kurosawari jaramonik eginez gero: “Edozein film aztertzeko teknikarik onena zinezale gisa ikustea baino ez da. Izan ere, pelikulek ez dute inork aztertu ditzan behar. Badira hainbat teoria dutenak, eta kritika egiteko gauza omen direnak. Baina ez dut uste hori zuzena denik. Jende askok galdetzen dit zer ote den filmaren garrantzitsuena; baina bakoitzak daki zer duen gustukoen eta nork bere iritzia izan behar du beste inori aditu gabe”.
O'Donnell-eko eskulturak eta metaforak
2011/02/12O'Donnell kalian izena beti gustau izan jata. Hain da eze, aspaldi izena aldatuta dakan arren (Ego Gain dala uste dot), jente askok ezagutzen dau izen honekin. Gerora jakin dot XIX gizaldiko politiko espainiar baten izena dala, arma trafiko libria baimentzen zeban legia bultzatu zebana. Lehen Eibarko armagiñak erregiari baiño ezin zetsen saldu, eta merkaua zabaltzia mesede haundixa izan ei zan.
Garaitza bat orrialde bakoitzean
2011/02/12Pesimista naiz momentu politikoarekin. Ez dut uste Espainiako antidemokraziak aurkezten utziko dionik Sortu alderdiari maiatzeko hauteskundeetan. Eta batzuek idazten dutenean egoera politikoa "ereindako baldintzen" ondoriozko "eremu irabazlea" dela, nik flipatzen dut.
Zaharraren amiltze psikologikoa
2011/02/11Mubarak-en jarrera bere herriaren historiara gaiztotzat, galtzailetzat eta gertaera lotsagarritzat pasatu nahi ez duen zaharraren beldurra besterik ez da. Kostata baina, azkenean, inork maite ez duela konturatu den herri-salbatzailearen gainbeherakada. Jauntxoaren estrategia politikoa baino gehiago, gizajoaren amiltze psikologikoa. Eta ez dut uste horrelakorik Egipton bakarrik gertatzen ari denik.