Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Jose Antonio Arana Martija, isilik misilik

Jose Antonio Arana Martija, isilik misilik

Amatiño 2011/04/27 14:00
Euskaltzaindiaren posta elektronikoak hobe luke, zenbait egunetan behintzat, izorratu edo mutu geratu. Orain hurrengo Xabier Gereñoren heriotzaren berri eman zigun eta gaur goizean, ostera, Jose Antonio Arana Martijaren hileta-ordua jakinerazi.

Xabier Gereño bezala, Jose Antonio Arana Martija ere Bilbon zein Bizkaian gerra ostean loratu zen larre motzeko euskal militantziaren lekuko dugu. Gernikarra, sei urte zituen bonbardaketa egunean, itsasoz Frantziara atzerriratu eta frantsesez gaztelaniaz baino lehenago ikasi zuten umeetarikoa.

Euskalgintzan folklorearen bitartez hasi, gaur egun ulergaitz diren hiru huskeriagatik kartzela ezagutu eta lana galdu, euskal bibliografiaren hamaika zirrikitu ezkutu agertarazi eta, bizitzan zehar ikaragarri liburu-pila bildu ostean, Euskaltzaindiari 6.000 ale eman… Eta dena, apal-apal, isilik misilik, gauzarik normalena bailitzan.

              AranaMartija

Jose Antonio Arana Martija, Jose Migel Barandiaran eta Jose Mari Satrustegi. Bergara, 1974

 

Jose Antonio Arana Martija euskaltzaina hil da bart Gernika-Lumon

Elkarrizketa

 

Serafin Basauri
Serafin Basauri dio:
2011/04/27 20:37

Jakintsua, langile nekaezina eta pertsona maitagarria. Aspaldi baten larre motzeko euskal militante ezagutu nuen, duela urte batzuk bakerako lanetan eta Euskaltzaindian. Asko eman du Jose Antoniok.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal