Blogak
Lizarraldean
2013/05/19Joana Albreteko kideok Lizarraldean eduki dugu urteroko bilera. 10:30ean Karlismoaren Museoko atean (euripean) izan gara, Etxabarri Larrain familiaren XVII. mendeko jauregian, 1880tik 2000 urte arte, Lizarrako udalak erosi arte erdi abandonatuta izan den eraikinaren aurrean geratu gara. Zeharbeharritzearen lanei esker bai fatxada, bai barrukoa jatorrizko itxura berreskuratu du. Karlismo historia gogorazteko aukera eduki dugu ordu bat eta erdi batean. 12etan Lizarrako kaleetan zehar bisita gidatua (Joana izeneko gidariarekin) egin dugu. Merezi izan du Joanaren azalpen interesgarriak bezain erakargarriak entzutea: Lizarrako historia ezagutu dugu, izandako gazteluak, ogibideak, jauregiak, elizak, auzoak… Nazarreko Kostalera Elkartean bazkaldu dugu, arratsalde osoa ekingo dizkiegun egitasmo berriaz solasaldian ibili gara… G. L.
Harriaren indarra
2013/05/18Batere zalantzarik gabe milaka lagun daude Euskal Herrian harrijasotzeaz hitzegiteko ni baino nabarmen aukerakoagoak. Eta, segurutik, erakusketa diseinatu dutenek nik baino dezente gehiago dakite zer egin eta zelan. Baina, ene irudiko, ikusle arrunt gisa, erakusketari didaktismo-punttua falta zaio eta epika apurtxoren bat.
NAZARrekoa naiz?
2013/05/17Euskara dakidanetik zalantza hau eduki dut, nola esan NAZARrekoa edo NAZARkoa.
Zabortegiak itxiko direnerako pedagogia
2013/05/16Zakar-erraustearen gaineko datu objektiboetako bat zera da, Europar Batasunaren baitan: zenbat eta herrialde aberatsago eta garatuago, hainbat eta zakar gehiago errausten da. Eta zenbat eta herrialde txiroago eta atzeratuago, hainbat eta zabortegi gehiago.
Kristalezko begi bat (Miren Agur Meabe, Susa 2013)
2013/05/15Pintoreak autoerretratua margotzen duen gisan idatzi du Miren Agur Meabek nobela hau, kristalezko ispilu berezi bati arretaz begira. Errealitatea eta fikzioa josiz eta urratuz sortutako kontakizuna da, tarteka ironiazko zertzeladez gozatua.
Euskal poliziak Los Angelesen
2013/05/15Gansgter Squad ikusi berritan eta Changeling gogoan; Eugene Biscailuz eta Lester Ybarra izenen inguruan.
Martina gerrillaria: “las leyendas cumplen con ser bellas”
2013/05/14Datorren hilean beteko dira berrehun urte (1813-06-21) gertatu zela Gasteizko Gudua. Wellington markesaren burutzapeko 75.000 gudari britainiar, espainiar, portugaldar eta alemaniar, hurbileko 3.000 inguru gerrillarirekin batera, elkarrekin bildu ziren Frantziara bidean ihesik zihoan Jose Bonaparteren 64.000 laguneko armada erasotzeko. Euskal gerrillarien nagusietako bi Longa eta Ibaibarriaga koronelak izan ziren.
Zakarren etorkizuna: metatu, erraustu ala esportatu
2013/05/12Zakar-kontua ez da gero baretzen ari Gipuzkoan. Eta ez da baretuko zakar-bilketa ez ezik, osteko trataeraz guztion adostasuna lortzen ez den artean. Azken bolada honetan atez ateko bilketa-sistema dugu, antza, eztabaidaren ardatz. Baina, behar bada, atez atekoaren inguruko eztabaida basoa ikustea eragozten digun zuhaitza baino ez da. Funtsezko eztabaida ez da atez atekoa ala bosgarren zakarrontzia, zabortegia ala errauskailua baino. Goazen Europara.