Botila erdi betea ala erdi hutsa
Amatiño
2010/02/23 16:34
Begirune handia diot Pello Salaburu irakasleari eta ez dut zalantzan jarriko taldekideari zor diodan konfiantza. Bata zein bestea biak iruditzen zaizkit zentzudun eta sinesgarri, baina ez da gero erraz ulertzekoa nola arraio giro bereko bi lagunek horren iritzi kontrajarririk izan dezaketen datu berberen aurrean. Botila erdi betea ala erdi hutsa leloa nonbait nagusi. Nekez gero bestelako arrazoirik.
Erantzunik ez
Energia nuklearra esne-botilatan
Amatiño
2010/02/21 12:34
Fusio nuklearra omen da etorkizuna. Batere ixuririk eta hondakinik gabeko energia-mota garbi eta amaitezina. Horretan dihardute estatubatuarrek Kalifornian eta laster hastear dira europarrak Genevan. Baina, gezurra dirudien arren, Argentinak lortutzat iragarri zuen fusio nuklearraren aurkikuntza 1951an. Baita esne-botilatan etxera eramateko asmoa helburutzat jo ere.
Don Quijote eta Madame Bovary bezain galduak
Amatiño
2010/02/19 17:00
Gutenbergen eta Interneten arteko zubigintzan galduta omen gaude, Don Quijote eta Madamen Bovary bezain galduak alegia. Aparteko artikulu bikaina gero Jesus Ferrero idazleak gaur 'El País' egunkarian idazten duena. Segurutik ez da, funtsean, batere tesi berria. Baina jakinekoa da kontatzeko eta kontzatzeko moduak daudena, eta ezin esan bederen gaurko hau eskasenetakoa denik.
Diputatu andereak arrazoi osoa du
Amatiño
2010/02/17 22:47
Arantxa Tapia Gipuzkoako Garraio Diputatuak arrazoi osoa du 'low-cost'eko hegazkin-konpainiek xantaia egiten dutela salatzerakoan. Xantaia ezezik baita iruzurra ere, ezarriko nuke nik neuk, Ryanair konpainiak Forondan egindakoa kasu. Hau da, 643.000 euro kobratu ondoren Arabako Diputazioarekin hitzartutakoa bete ez.
Berrogei urteko isil-poltsa
Amatiño
2010/02/16 23:54
Gaur bezalako egun batean, duela 30 urte, 1980ko otsailaren 16an inauguratu zen Gasteizen Forondako hegazkin-landa. “Aireportu” eta honelako izen petralak geroxeago etorri ziren. Orduko diputatu batek esan bezala, “bisitariek lur hartu eta besterik gabe gure hizkuntzaren berezitasunaz jabetzeko aukera galdu genuen”. Aurrenik izena galdu genuen eta gero, berriz, izana. Urteko sei milioi bisitarirentzat egindako zelaiak 40.000 lagun baino ez baitzituen iaz izan.
“Euskalherriaren erakusgarria”
Amatiño
2010/02/15 17:36
Datorren ostegunean Athletic-ek "Euskadi" izenaz jokatuko du, San Mamesen, Anderlechten aurka. Ez da aurrenengo aldiz izango, 2004-2005 denboraldiko UEFAko sailkapenetan ere lelo berbera jarri baitzuen elastikoan. Orduan ez zen iskanbilarik falta izan, diru publikoak beste helbururen bat behar zuelakoan. Oraingoan, berriz, gauzarik normalena bailitzan gertatu da.
Let’s get relative
Amatiño
2010/02/13 11:18
Etorkizuna elektrikoa izango omen da. Hauxe da azken bolada honetan hitzetik hortzera dabilen leloa. Eta segurutik horrela izango da, baina inork ez duena horren zehatz esaten zera da: nondik atera behar ote dugun elektrizitatea, ze elektrizitatea ez baitago naturan, ez dago potzu edo armairu ezkuturen batean gordeta.
Diegok Mari-Migel jo ote zuen ala ez
Amatiño
2010/02/12 00:06
Trentoko Kontziliorarte (1563) Nafarroan ohikoa bezain legezkoa omen zen ezkontza zibila. Elkarri eskua eman, elkarri fedea agindu eta kitto: “Nic Diego de Zufia ematen drauzut neure fedea zuri María Miguel ez verçe emazteric egiteco”. Eta, ondoren, Mari-Migelek: “Alaver nic Mari-Miguel ematen drauzut zuri Diego neure fedea ene senarçat eta ez verçe senarric egitecoz zu bayci". Ezin esan gero formula polita ez zenik.
Ni Kaiku naiz, ni bai behintzat
Amatiño
2010/02/11 00:30
Ni Kaiku naiz, bai. Ni neu, bai behintzat. Eta "kaiku" hitzak beste hainbat esangura duenaren aitzakiaz Kaikuren iragarki gardena ulertzen ez duena, segurutik hiztegiaren bidezidor estu-mestuan ari da, ez bederen marketinaren bidean, ez iragarki-konplizitateari zor zaizkion lizentzien larrainean eta ez –inondik ere ez gero-- euskarari haizea eta arnasa eskaini beharreko galaxian.
Auto elektrikoak Energia eta Automozioa elkartarazi
Amatiño
2010/02/09 00:53
Euskal Automozio eta Energia Klusterrek auto elektrikoaren ekoizpena eta argindar-horniketaren zerbitzu-sarea sustatuko dituen lankidetza-hitzarmena sinatu dute, Julian Hernando eta Josu Jon Imaz presidenteen eskutik.