Ez da loti ederra baina
Amatiño
2009/08/01 10:27
Katrin Gesalaga Aranberrik gaur betetzen ditu sei hilabete. Zortzi hilabeterekin mundura jaio zenez gero, guztira ere hamalau baino ez ditu zapaburu albino honek. Ez da, oraingoz behintzat, loti ederra, eta negarretan artista samarra, baina berezko graziaren bat du antza, mundu erdia berari begira gauzka-eta.
Erantzunik ez
Daukagunaz jabetu eta daukaguna baloratu
Amatiño
2009/07/29 23:41
Bruce Springsteen Donostiaz liluratua joan omen da. Besteak beste, zera esan omen du: “hemen bizi zaretenok, behar bada, baloratzen ez dakizuen bizi-kalitatea duzue”. Auskalo gauza berbera esaten ote duen ala ez gure Nagusiak leku guztietan. Edozein modutan, seguru gero donostiar guztiek ez dutela Arbelaitzenean afaltzen eta Maria Cristinan lo egiten. Baina, hala ere, nik bete-betean sinesten diot, aurretik hitzez hitz entzuna baitut irizpide beretsua.
Familiaren logistika hausten denean
Amatiño
2009/07/27 23:55
Valentziako hainbat eskola publikotan, eta bertako Hezkuntza Sailaren babespean, erabaki berri omen dute ikasle gatazkatsuekin ez gehiago eztabaidatan aritzea eta, are gutxiago, euren gurasoekin. Gertakari larri samarren bat jazoz gero lehen abisua ematen zaio gaztetxoari eta bigarrenean, berriz, etxera bizpahiru egunetarako. Eta kitto. Geroztik arazoak errotik konpondu omen dira.
Jose Rementeria, azken alkimista
Amatiño
2009/07/24 09:55
Debako Aldazabal-Murgia (Errementerianekoa) jauretxe-ostean bada gaztelu moldeko eraikuntza xelebre samarra. Guztiz anakronikoa, afariketako “exin" gaztelua dirudi. Eta kaletik ikusten ez bada ere, dorrearen aurrekaldean zazpi puntako izarra du eta honako leloa: “Horizontes. El más allá de las fronteras la vida”. Zer arraio ote?
Ahaztu egin zaigun arren
Amatiño
2009/07/20 21:28
Pedro Migel Etxenikek aitortu du bera ez zela jaiki 1969ko uztailaren 21ko ordu txikietan Neil Armstrong estreinako ilargiratzen ikusteko. Ezta ni ere. Eta gu bezala, jenderik gehiena. Segurutik asmakizun hutsa da gau hartako irudiak iruzurra izan zirenik, baina ez dut inondik ere uste egia denik mundu guztiak telebista aurrean pasatu zuenik gau hura.
Euskaltzaindiaren mendeurrena hamar urteren faltan
Amatiño
2009/07/17 17:11
Bakeak egin beharraren beharrez, Andres Urrutia euskaltzainburuak ez du bake hitzik aipatu nahi izan baina nik neuk antzerako balore semantikoren baten susmoa hartu diot peninsulako lau hizkuntzaren elkarkidetza eta erakundeekiko leialtasuna aldarrikatu dituenean. Hau guztia Bilboko Plaza Barrian, Euskaltzaindiaren 90. urtebetetzean eta gaztelania, katalana eta galegoaren akademiaburuekin batera izandako ekitaldian.
Leireko denbora-tunelak mila urte
Amatiño
2009/07/15 18:32
Ez dakit noizkoa ote den denbora-tunela deritzan kontzeptua. “Time tunnel” izenburudun lehen nobela 1964koa da eta ondotik etorri zen “The time tunnel” telesail ospetsua. Hala ere, Leireko monastegiko San Virilaren "denbora-tunela"… erromanikoa da.
Jabo Irureta, ongi etorri
Amatiño
2009/07/13 23:06
Hamalau urteren bueltan berriro San Mamesen izango dugu Jabo Irureta. Ez entrenatzaile gisa, kirol-zuzendari modura baino. Izugarri pozten naiz, nik neuk zer ikusirik izan nuen-eta Athletic-etik alde egin zezan edo, behar bada, ez nuen segurutik behar beste egin bertan geratu zedin.
Gehiegizko hurbiltasuna
Amatiño
2009/07/10 16:53
Politikariei leporatzen zaizkien ajeetakoa agintarien eta herritarren arteko gertutasunik eza da. Baina, esanak esan, gertutasunik eza ezezik gehiegizko hurbiltasuna da egungo akatsik nabarmenena.
Otsoa nor ote ?
Amatiño
2009/07/08 16:55
Michael Jacsonen “Thriller” bideoklipa telebistaz emateko proposatu zidatean, ez nenkien Michael Jacson nor zenik ere. 1984eko udazkena edo zen, ni ETBren zuzendari izendatu berria eta Josu Erguin Produkzio Zuzendaria bulegoan sartu zitzaidan ohi zuen emozioz eta zirraraz: “Hi, Thriller bideoklipa lortu diat!”. Eta nik, berriz, “eta zer arraio duk hori?”. Geroztik hogeita bost urte joan dira hegaztadaren legetxe.