Teleberri albistegiak 40 urte
Amatiño
2023/12/19 23:25
Gaur dira berrogei urte Teleberri albistegia estreinako kaleratu zela. 1983ko abenduaren 19an, Juan Luis Bikuña kazetari bergararrak aurpegia jarri zion Euskal Telebistak sekula gaztelaniaz egindako lehen albiste-saioari. Eta une hartan ernaldu zen, nolabait, bi urte luze geroago sortuko zen ETB2ren lehen kimu finkoa.
Erantzunik ez
Josu Urrutikoetxea: “Inor hiltzea ez da plazerra”
Amatiño
2023/12/18 18:30
Josu Urrutikoetxeak 17 urte zituen, 1968an, ETAn sartu zenean, eta 50 gehiago 2018an talde armatuaren azken agiria irakurtzea egokitu zitzaionean. Mende erdi horren inguruko elkarrizketa egiten dio Jordi Évole kazetariak “No me llame Ternera” dokumentalean, Donostiako Zinemaldian aurkeztu ondotik dagoeneko telebistan ikus daitekeena.
Euskal gizartea lehiakorra ote?
Amatiño
2023/12/14 11:49
Europar Batasuneko gizarterik zaharkituenetakoa, gazteriaren emanzipaziorik berantiarrena edo guraso izateko presarik gutxien duena… eredugarria izan al daiteke? Lanuzteak eta absentismoa beste inon baino handiagoak izatea lehiakorra ote?
Lizarrak ez du joate aldera joaterik merezi
Amatiño
2023/12/09 06:00
Lizarrak merezi du bisita. Sikeran, jaiegun bat baino ez. Baina, aldi berean, Lizarrari ere zor zaizkio bisitari nteresatuak, saiatuak eta jakinguraz jantziak. Lizarrak merezi du, bai, bisita, baina ez joanean joateko.
Txoria txori maite zuen istorioak Oscar saria du amets
Amatiño
2023/12/05 16:05
Oraindik ez dira jakitzera eman ere Oscar sarietarako nominazioak (1) eta, honezkero, bada “Vidas pasadas” filma azken irabazleen artean kokatzen duenik. Donostiako Zinemaldiaren “perla” honek merezi izan ditu dagoeneko Berlingo Urrezko Hartza eta Sundance, Gotham, British Independent zein New Yorkeko kritikarien sariak, eta, hurrena, Hollywoodekoa du amets.
Musika garaikidea, biolontxelo elektronikoaren ildotik
Amatiño
2023/12/03 19:25
Katharina Gross biolontxelo-jotzaileak eta Aurélio Edler-Copes konpositoreak elkarrekin eskaini dute gaur kontzertua*, Musikenen, XIII. Musika Garaikidearen Zirkuitoaren barruan. Eraz eta moldez, ezusteko ikuskizuna, ohiko musika garaikidea baino harago doana. Beti ere, musikaren berri hitzez kontatzea zail baldin bada, zer esanik ez bikote honek eskaintzen duenaz.
Patri Urkizu, süjet maitagarri eta maitatua
Amatiño
2023/11/29 14:05
'Lagunartean' egindako ekitaldiak ezin nabarmenago gogorarazi digu zein gizaki maitagarri eta maitatua den Patri Urkizu. Baita Patrik bere burua maitatua sentitu izana erakutsi ere. Alegia, badakiela maitatua dena. Besteak beste, edonork lor dezakeen altxorrik handiena.
Urretxindorrak, mende erdi geroago
Amatiño
2023/11/27 10:00
Bergarako Musika Bandak “Urretxindorrak” laukoteak (1963-1973) orain mende erdi baino gehiago kantarazi zizkigun hainbat abesti eskaini zituen igande eguerdian, Enrike Txurruka zuzendariak egindako moldaketekin. Bertan izan ziren, “heldu xamarrago”, orduko lau sortzaileetako hiru: Julio Unamuno, Juan Mari Narvaez eta Gotzon Bikuña.
Schuberten “Sinfonia Amaitugabea” eta Milei
Amatiño
2023/11/22 21:50
Javier Mileik zortzi ministeritzadun gobernua osatuko omen du: giza-kapitala, azpiegiturak, ekonomia, justizia, segurtasuna, defentsa, kanpo-harremanak eta barne-saila, orain arteko beste hamabiak bazterrrean utziz. Alegia, garraioak, herri-lanak, osasuna, gizarte-garapena, emakumea, hezkuntza, kultura, zientzia eta teknologia, lana, turismoa eta kirolak, ingurumena eta lurralde-garapena*.
Arrakasta
Amatiño
2023/11/17 09:00
Zer ote arrakasta? Unean uneko azenarioa ala ibilbide luzearen ondorioa ote? Garbi bide dagoena zera omen: oxigenorik gabe bizi izaterik ez dagoenez, beti ere behar-beharrezko dela behin gailurra gaindituz gero behera jaistea, oxigenatze aldera baino ez bada ere.