2024 urtearen amaierako abisua
Amatiño
2025/04/07 11:00
2024 urtean zehar langabeziaren nonahiko datuek hobera egin zuten artean, Euskal Autonomia Erkidegoarena izan zen txarrera egin zuen bakarra. Behar bada beherantzako jausi puntuala baino ez da, baina, onenean ere, abisua da.
Nork daki trumpismoak azken bolada honetan erakarri duen ataka gaiztoak zein eragin izango ote duen ekonomia arloan, oro har, eta, zehatz, langabezian, baina urtea ez zen ondo amaitu Euskal Autonomia Erkidegoan.
Datua (8,17) ez da berez txarra, 2009tik honako zerrenda osoarekin alderatuz gero, baina joerarik eskasena da gainerako barrutietakoekin erkatuz gero.
Izan ere, Nafarroan (6,8) zein Espainian (10,61), Pirineo Atlantikoetan (5,6) nahiz Frantzian (7,4) edota Europar Batasun osoan (5,9), emaitzek pareko edo onerako egin zuten, Euskal Autonomia Erkidegoan ez bezala.
Behar bada, maldan beherako koska puntuala besterik ez da, baina, edozelan ere, gogoan hartu beharreko abisua. Are gehiago datorren olatuari begira.
Olatua ala uholdea ote?