Geopolitika
Amatiño
2022/04/30 10:00
Antonio Brufau, Repsolen presidentea, Ekonomia Zirkularra eta Trantsizio Energetikoaren gaineko jardunaldian egon da Bilbon, non adierazi duen Europak egun bizi duen krisiaren arrazoietakoak zerak direla: “gauzak azkarregi egin nahi izana, ondorioez pentsatu gabe eta edozein trantsiziok dakartzan kostuak jendaurrean azaltzeke”.
Erantzunik ez
Bazkoniako notiziak, Iparretik ikusiak
Amatiño
2022/04/27 15:00
Jean-Louis Davant euskaltzainak ezein historialarik nekez egin ditzakeen aitorpenak egiten ditu argitara eman berri duen “Baskoniako notiziak” historia-liburuaren sarreran. Batetik, ez dela “ofiziokoa”, hots, ez dela historialaria. Bestetik denbora gutxi gelditzen zaiola (87 urte ditu). Eta, ondorioz, ez duela euskaldunen historia orokorrik egin, “maiteenik eta ezagunenik ditudan edo garrantzitsuenak zaizkidan uharte zenbaitena” baizik.
Oteiza eta Chillida, aurrez aurre
Amatiño
2022/04/24 23:35
“Oteiza-Chillida. Dialogoa” (50eko eta 60ko urteetan) da, batere zalantzarik gabe, XX. mendeko euskal eskulturaz interes ñimiñorik duen edonork batere aitzakiarik gabe ikusi beharreko erakusketa. Euskal zizelkari nagusi bien eskulturak aurrez aurre ikusteaz gainera, aparteko abagunea, zinez adierazgarriak diren testuak irakurtzeko eta, sarrerako bideoan, Javier González de Durana komisarioaren azalpenak ikusentzuteko. Gero gerokoak.
Fikzioa ez da irakurzaletasuna balioztatzen duen bakarra
Amatiño
2022/04/20 09:00
Irakurzaletasunak ez du beste edozein arte gustuko izatea saihesten. Ez eta alderantziz ere, jakina. Beti ere gogoan izanda, ezein arte-motaren zaletasuna… zaletasuna besterik ez dela, ez derrigorrezko betebehar morala. Eta gainera, irakurtzeko orduan, fikziozko literatura ez dela irakurzaletasuna balioztatzen duen bakarra.
XIX. mendeko erromantizismoaren marketina
Amatiño
2022/04/16 11:15
Antonín Dvorák (1841-1904) musikagilearen 9. Sinfonia “Mundu Berrikoa” eskaini du Euskadiko Orkestrak, Aste Santuko kontzertuaren baitan. Bohemiarraren konposizioa da, segurutik, musika klasikoaren historian, sinfoniarik ezagunenetakoa, eta XIX. mendeko nazionalismo musikalaren erreferentzia nagusia, Bedrich Smetana txekiar aberkidearen “Má vlast” (Nire aberria) poema sinfonikoarekin batera.
KGBa nagusi, errusiar polizia-estatuan
Amatiño
2022/04/12 12:55
Catherine Belton kazetariaren kontakizun jariotsuak ez du ajerik, xehetasunetan lar lorrintzea baino; baina, edozein modutan, bilduma oparoa, oparoegia. Putinen jokamoldeak ez ezik, liburuak bilbatzen du errusiar belaunaldi oso baten nondik norakoa ulertzeko informazio-kutxa apartekoa. Fikzio sinesgaitza. Thriller peto-petoa. Baina, orobat, bertatik bertara dagoen errealitatea. Oilo-ipurdia jartzeko bestekoa.
Hogeita bost urte barruko energia-orekaren bila
Amatiño
2022/04/08 11:00
Edozein energia-motak, aurrera egingo badu, segurua, lehiakorra eta iraunkorra behar du izan. Segurua, etenik eta arriskurik eza bermatzeko. Lehiakorra, merkatuaren onespena erakartzeko, eta iraunkorra, ingurumena gogoan izateko.
Sinatua, Zaragozan, Hidrogenoaren Ebroko Korridorea
Amatiño
2022/04/04 22:40
Hidrogenoa energiatzat erabiltzeko teknologia ez da berria. Aragoiko Hidrogeno Fundazioa 2003 urtean sortu zen eta gure inguru-minguru honetako 500 kilometrotan hidrogeno ekoizlerik handiena (barne kontsumorako bada ere) Petronor findegia da. Berria dena zera da, hidrogeno berriztagarria lortzeko aukera eta azken urteotako krisialdiek erakarri duten energia-eskabidearen hazkundea.
Escudero maisuaren gutiziatxoa, San Telmoren ilunabarrean
Amatiño
2022/04/04 09:00
Francisco Escuderoren “Mitoen Sinfonia”z, Ensemble Kuraia taldeak eta Bilboko Koral Elkartearen haurren koruak elkarrekin itxi dute, Donostiako San Telmon, aurtengo “Musikagileak” programa, musika garaikidearekiko zirkuitoan barrena.
Giza-memoria genetikoak ez du klima-aldaketarik ezagutu
Amatiño
2022/04/01 11:00
Giza-espezieak “betidanik” ezagutu izan omen ditu uholdeak, suteak, goseteak, izurriteak, erasoak eta gaixotasunak. Sekula ez, ordea, klima-aldaketarik. Ez behintzat konturatzeko besteko aldaketa lasterrik. Eta, memoriak, bizi izandakoa baino ez du gogoan.