Argindar-hornikuntzaren bermea
Amatiño
2009/01/28 00:11
Lau egun argindarrik gabe iraun behar izana ez da inondik ere normala bere burua lehen mundutzat duen gizartean. Hala ere, holaxe dirau oraindik ere zenbait familiak euskal iparraldean zein hegoaldean.
Erantzunik ez
Iñuzente-aurpegia
Amatiño
2009/01/27 14:50
Euskal gizarteak ekologistatzat du bere burua. Gure ingurumen-sentsibilitatea handi samarra omen da. Edo beste modu batez esanda, hau entzuten diharduzuen guztiok uste duzue, zuek ingurugirozale amorratuak zaretela eta kontra daudenak, berriz, besteak direla. Errua, beti, besteena izaten da.
Petrolio-erreserben bi heren publikoak dira
Amatiño
2009/01/25 01:20
Evo Moralesek amaitutzat jo du orain bi urte t´erdi hasitako gasaren nazionalizazioa. Konstituzio berriaren erreferendumaren bezperetan, boliviar presidenteak orain arte britainiar eta argentinar kapital pribatuarena izandako Chaco enpresa bereganatu du. Oposizioak “elektoraltzat” salatu du erabakia.
Casting
Amatiño
2009/01/23 00:28
Iragarki-spotean parte hartu ahal izango duten zenbait gazteren casting-ean jarri naute hautatzaile. Oker ez banago 1982an hartu nuen esku aurrenengo aldiz casting baten epai-mahaikide. Geroztik erabat aldatu da harrobia. Orduko hautagaiak serioak, isilak, lotsatiak, errotuak, traszendentalak*, hasiberriak eta, beti ere, bertakoak ziren. Oraingoak, aldiz, irekiak, kanpolarrosak, berritsuak, mihiluzeak, ahoberoak, lotsagabeak, espezialistak eta edonongoak.
Proportzioa gorde beharra
Amatiño
2009/01/21 23:58
Proportzioa da demokraziaren hitzik magikoenetako bat. Bai jendearen iritzia jakiteko eta baita erakundeen jokabidea neurtzeko ere.
High Definition berri zaharra
Amatiño
2009/01/19 23:59
Europako Irratitelebista Batasunak (UER) HDz (High Definition) eskainiko omen du Barack Obamaren Estatu Batuetako lehendakari karguaz jabetze-ekitaldia. Nik ez dakit piperrik ere teknologiaz baina albisteak kanpai zahar hotsa dakarkit gogora.
Segundo Olaeta eta Pavlovo
Amatiño
2009/01/17 01:41
Segundo Olaetaren oinordekoek Ballets Olaeta zenaren ondare osoa eman diote Bizkaiko Foru Diputazioari. Bataz beste 80 urteko memoria: denetariko dokumentazioa, argazkiak, filmak, grabazioak, koreografia, atrezzoa, 700 inguru jantzi etab. Sekula izan den euskal dantza talderik garrantzitsuenetakoaren altxorra.
Houston, arazoa gero!
Amatiño
2009/01/15 23:59
Nik ez dakit ingelesez askorik baina postura egingo nuke edozein kanta arrunt ingelesez ehun bider entzunez gero azkenean asmatuko nukeela letraren nondik norakoa. Ia urtebete daramat, ordea, ia egunero euskal abesti berbera entzuten eta onartu behar dut ezer ulertu ezinik ameto eman behar izan dudala. Houston, arazoa gero!
Qatarretik Qatarrera
Amatiño
2009/01/13 23:50
Mozah, munduko metanontzirik handiena, aurreko asteburuan izan da Bilboko portuan. Astelehenean itsasoratu zen, berriz, Zumaian, Adams Challenge petroliontzi-laguntzailea. Aurrenak Qatar zuen jatorri. Bigarrenak, ostera, Qatar du helburu. Biek egin dute estreinako elkarrekin topo, euskal ekimena tarteko. Ez gara nonbait euli kaka.
Arpa jotzen
Amatiño
2009/01/13 00:11
Europak ez du, ez energiarik, ez estrategia bateraturik. Egunen batean Ukrainia, Turkia edo Gibraltarreko grifoak itxiko dizkigute eta zerura begira geratuko gara, galdezka, zer egin ote genuen txarto Jainkoa gurekin horren gaizki portatzeko. Eta Jainkoak erantzungo digu: "Eta zuek europarrok ondo bizi, arpa jo eta erruak inori leporatzeaz aparte, zer besterik dakizue egiten?"