Kopia elektronikoa baino zertxobait gehiago
Amatiño
2012/08/01 22:00
Asteak daramatzat liburu elektronikoa erosteko garaia heldu ote zaidan aztertzen. Egia esan, gaur gaurkoz, ez zait piperrik ere gustatzen, baina… batetik, liburu berriren bat erosten dudan bakoitzean ez dut gero jakin ere egiten zein bazterretan utzi. Bestetik, jabetu naiz kopia elektronikoak paperezkoaren erdia-edo balio duela eta hamar-hamabost ale aski liratekeela e-bookaren erosketa amortizatzeko. Horrez gainera, zalantzarik ez gero euskarri elektronikoa geratzeko etorri dela, ez dela bizpahiru urteko joera hutsa alegia, eta, beraz, zenbat eta lehenago hartara ohitu, ez ote hainbat hobe?
3 erantzun
White, Naica eta Balenciaga
Amatiño
2012/07/30 23:55
Ezohiko kanta-emanaldirik aipatzekotan, igande gauean Getarian bildutakoa: Hawaiiko Simone White folk kantaria eta Bidasoaldeko "Naica" pop boskotea, elkarren ondotik. Balenciaga Museoaren hallean, ordu bi luzez, ehun inguru lagunen aurrean.
Hondartzak ez du nork aginduko
Amatiño
2012/07/28 22:00
Jakina ezin dena hondartzan txakurrik sartu, ez behintzat ekainetik irailera bitarteko bainu-sasoian. Zalantzarik ez gero txakurra “gizakumearen lagunik onena” dela baina, eguzkia hartzen etzanda dagoenak, paletan diharduenak edo bilobekin potzutan ari denak ez du ezein txakurren laguntzarik nahi. Gainera, txakur-kakak inoren gustuko ez badira kale-bazterrean, ezin ba inondik ere onartu mundu guztia ortozik ari den eremuan.
Hainbatek hobe luke zuhurtzia gehitxoago
Amatiño
2012/07/26 23:55
EAJ-PNVk euskararen erabilpena normaltzeko legearen hogeita hamargarren urtebetetzea ospatu nahi izan zuen atzo Bilbon, Pedro Migel Etxenikeren zein Iñigo Urkulluren eskutik. Etxenike, 1982an, legea aurkeztu zuen Hezkuntza Sailburua zen eta Urkullu, ostera, gau-eskoletako irakasle. Hogeita hamar urte geroago, nafarra euskal zientzialaririk garrantzitsuena da eta bizkaitarra, berriz, prozesua gidatu duen alderdiaren buruzagi.
Aristotelesen poetika, arriskutan
Amatiño
2012/07/25 14:55
Nik, estreinako, 1992an ikusi nuen lehen emaila. Euskal Telebistaren sorreran ekoizpen-ikastaroetan gidari izan genuen Herbie Eisner maisuak deitu zidan telefonoz esanez: “Telebista hil da. Hanburgora etortzen baldin bazara etorkizuna erakutsiko dizut”. Artean ETBren zuzendari nintzen eta, Eloy Diaz de Monasterioguren Teknika zuzendariak eta biok, hegazkina hartu eta elkarrekin joan ginen etorkizuna bertatik bertara ikustera. Hamar urte baino ez ziren ETB sortua zela eta geroztik beste hogei joan dira. Telebista ez da hil eta etorkizuna noiz iritsiko zain jarraitzen dugu. Baina Herbie adiskideari ez diot sekula gonbite hura behar beste eskertuko.
Jazz Basque Culinary Center
Amatiño
2012/07/23 19:55
Gaur bertan Donostian amaitzear den Jazzaldiak ustebako hainbat aukera eskaini ohi digu, urtez urte, Donostia hobeto ezagutzeko abagunea, besteak beste. Aurten zer ezagutuko eta... Basque Culinary Center bisitatzeko aukera izan genuen igandean.
Egoera latzagorik ezagutu izan dugu
Amatiño
2012/07/22 10:30
Egunak neramatzan noiz txanda hartuko egungo krisialdia baino latzagorik bizi izan dugula idazteko eta hona non, nik gogoan nuen ildo beretik, Juan Carlos Ramirez-Escudero kazetariak idatzi duen “Ya pasamos tiempos peores” (Deia, 2012.07.21) artikulua.
Tourra ikusi besterik ez dago
Amatiño
2012/07/20 22:20
Pobeñako (Muskiz) parrokiak San Nikolas elizako hiru erretaula barrokoak eraberrituko ditu. Aurrekontua 35.500 eurokoa da. Repsol Fundazioak ordainduko ditu 19.500 €, Foru Aldundiak 7.000 eta hiritarrek 9.000, hainbat ekintza, zozketa, jaialdi, txosna eta diru-bilketatan jasoak. Pobeñak sitsak janda zeuden XVIII. mendeko erretaulak iraunaraziko ditu eta, oraingoz, historia ondo amaitu da. Baina, “normalean”, nola konpontzen dira gauza hauek? Frantziako Tourrak bide du erantzunen bat edo beste.
Jazzaldia eta euskal gazta urdina
Amatiño
2012/07/19 23:55
Iluntzeko 8tan hasi da gaur, Donostiako Zurrioaldean, 47. Jazzaldia. Aldi berean lau agertokitan, lautan gero, ekin zaio Kursaal inguruan aurtengo ekitaldiari. Ilunabar argitsua, jendea ugari, giro ona eta, txosna batean, ustekabean, primerako eta ez ohiko euskal gazta urdina.
Telebista = dirua
Amatiño
2012/07/18 18:05
Valentziako Irrati Telebistak (RTVV) hiru kateetako bat itxiko du eta 1695 langileetarik 1295 kalean jarriko. Iaz 73 milioi euro irion zituen soldatatan eta datorren urtean 17 milioi baino ez lituzke eralgi behar izango “egungo diru-ahalei dagokiekeen telebista-eredua birmoldatu ahal izateko”. Dirua da, nonbait, arazo.