Ordesako Soaso naba
Amatiño
2016/03/18 00:05
Ordesa da gure inguruko natura-parkerik zaharrenetakoa (1918) eta euskaldunik gehien biltzen dituena. Udaran gehien bat. Neguan ere merezi du, ordea, elurra eta eguzkia elkarrekin badira, batez ere. Soasoko lautada da Pirinioetako nabarik garaienetakoa
Erantzunik ez
“Leikegu” adizkiaren arkeologia
Amatiño
2016/03/15 00:05
Euskal zinearen gaineko zenbait zertzeladaren bila ari naizela, horra non aurkitu dudan, ustekabean, orain dela lau hamarkadako “leikegu” bat, sekula ikastolatik pasatu gabeko azkoitiar euskaldun zahar batek 1972an idatzia.
Gipuzkoaren gezurra
Amatiño
2016/03/12 00:05
Euskal Telebistaren zuzendari nintzela, 1993an, Zabalgarbiren bi arduradunek bisitatu ninduten, euren erraustegi-egitasmoa zertan zen azaltzeko. Hiru urte geroago, 1996an, Debabarrena Mankomunitatearen lehendakari nintzela, Gipuzkoako Diputazioak eskualde-buruak bildu gintuen zabortegi-plana aurkezteko. Hogei urte geroago, Bizkaiak Europako Energia-Balorizazio plantarik eraginkorrenetakoa du eta Gipuzkoak ez du ezer ez.
Entrenatze aldera
Amatiño
2016/03/09 19:55
“Decir que España es indisoluble o que el pueblo vasco tiene derecho a decidir son actos performativos y no constatación de hechos, aspiraciones legítimas y no derechos innegociables” (Daniel Innerarity, “La política en tiempos de indignación”. Galaxia Gutenberg, 2015).
Gimnasioko pelikulak
Amatiño
2016/03/06 22:05
Gimnasioa da mundu bat non, oro har, fauna berezi bat bizi den. Eta nago, gainera, arras berdineza dela arra ala emea izan. Segurutik egia da bakoitzak bere pelikulak egiten dituela, baita gimnasioan ere.
Ladina
Amatiño
2016/03/03 23:05
Taxilariak ez du bere ama-hizkuntza, ladina, saltzeko. Etxean ez omen dute besterik hitzegiten, lehen mailako eskolan lantzen dute, irratirik badute eta baita astekaria ere “La usc di ladins" (Ladinen ahotsa), non, besteak beste, eskelak eta lan-eskaintzak ere biltzeko gauza diren. 40.000 lagun baino ez dira, Bolzanon, Italiako probintziarik autonomoenean; BPGrik aberatsenean; Unescok Gizateriaren Ondaretzat jo duen europar eremu eskiagarririk handienean; paradisuetako batean.
Estrogenodunentzat
Amatiño
2016/02/29 23:30
Oscar sariek badute, bart gauetik, irabazlerik. Baita galtzailerik ere. Eta, behar bada, “Carol” da galtzailerik nabarmenenetakoa, sei nominaziotik bat bera ere ez baitu bereganatu. Nago, hala ere, Todd Haynes zuzendariak eta Cate Blanchett zein Rooney Mara aktoresek zertxobait merezi zutela. Estrogeno gehiegi ote?
Jasotako prezioan
Amatiño
2016/02/27 00:05
Hego Euskal Herriko hizkuntza ofizial bien arteko elkarbizikidetzan euskal itzulpenak jasan izaten dituen hankasartzeek ez gaituzte honezkero asaldatuko. Ezjakintasunaren seinale dira, segurutik, han-hemenka irakurri ohi ditugun testu zabarrak; baina, baita, ausardiaren adierazgarri eta hizkuntza hurkoarenganako begirunerik ezaren salagarri ere.
Testosteronadunentzat
Amatiño
2016/02/24 00:05
"The revenant" - El renacido (birjaioa baino, ez ote berragertua?) filmak bost Bafta sari eta hiru Urrezko Globo irabazi ditu honezkero eta, behar bada, bospasei Oscar ere irabazi ahal izango ditu (filmik onena, zuzendaria, aktorea, efektu bereziak, argazkia, janzkera…). Baina, zer gerta ere, nago ez ote den luzeegia, déjà vu, lar erasokorra eta, hori bai, komertziala... testosteronadunen artean.
Euskal skateboardak 50 urte
Amatiño
2016/02/21 00:10
Skateboardak ere berrogeita hamar urte betetzen ditu aurten. Sancheski enpresak 1966an ekoiztu zuen lehena. “Patinete” harek ez zuen hasieran batere harrera onik izan, jendeak ez zekien-eta zertarako balio zezakeen ere. Gero etorri ziren etorri beharreko amarruak eta trikimailuak.