Bakoitzak salba dezala bere burua
Amatiño
2016/08/11 17:05
Juan Zelaia, 1960tik aurrera euskal pila elektrikoa munduan barreiatu eta 50 urte geroago auto elektrikoentzako bateria aproposik garatzerik lortu ez zuena, atzo hil zen. Paradoxa bada ere, Donostiako Cidetec teknologia-zentruak metagailu elektrikoak egiteari ekingo diola iragarri zuen egun berean. Juanito Zelaia genuen euskal “enpresa-maisuen” belaunaldiaren azken ordezkaria. Haren heriotza XX. mendeko euskal industria-tankeraren azken hatsa baino ez da.
Erantzunik ez
Birritan biktimak
Amatiño
2016/08/10 00:05
“Indarkeriaren biktima guztiak injustuak izan dira” eta “biktima denek merezi dute gizarteak gogoan izan ditzan” aldarrikatu dute, beste behin, Joxemari Kortaren senide eta adiskideek, ETAk 2000ko abuztuaren 8an lantegi aurrean erail zuen enpresariaren oroitzapenetan.
Zuk zeure buruarekin inbertituko al zenuke erdi bana?
Amatiño
2016/08/07 00:05
Espainiar ekonomia ez omen da 2017 urtean zehar %2,9 igoko, %2,00 baizik. Hiritarren konfiantza-maila %11,4 jaitsi da eta jendea beldur da hurrengo urtean lana galduko ote duen edo irabaziak murriztuko. Bistan da espainiar gizartea (euskal hiritarrok tarteko) ez dela bere buruaz fio. Eta espainiarrak ez badira (gara) euren buruaz fidatzen, zergatik besteek fidatu behar dute Espainiaz?
Materia ilunaren bila
Amatiño
2016/08/04 00:05
Bistan dugun materia guztia, ezagutzen dugun unibertsoaren %80 baino ez da. Ikusi ez arren, egon badagoen gainerako %20 horri “materia iluna” deitzen zaio. Eta izan baden baina oraingoz, inoiz, inon, ez dakusagun materia ilun horren bila dihardute, Canfranc-eko Lurpeko Laboratorioan, Aragoitik Biarnora bitarteko tren-tunelpean, Tobazo mendiaren (1.980 m.) harkaizpeko 850 metroko sakontasunean.
Loiolako Iñigo, ile kizkur eta gorrizta
Amatiño
2016/08/01 00:05
San Ignazio omen da euskal hiritarrik unibertsalena, munduan zehar euskaldunik ezagunena. Haatik, zehatz, ezagunena ez da behar bada Azpeitian jaiotako Iñigo Lopez Loiolakoa, 1521an Iruñeko guduan zauritu ostean erlijio-konbertsioa izan eta Jesusen Konpainia sortu zuen Ignazio Loiolakoa baino.
Langabezia, oro har, lehengo lepotik burua
Amatiño
2016/07/29 00:05
Ehunekoetan behintzat, langabeziaren datuek lehengo lepotik jarraitzen dute Euskal Autonomia Erkidegoan zein Espainian, eta txarrera egin dute Nafarroan. Hain zuzen, hiru herrialdeetan nahiz Espainia guztian, 2011 urtetik honako daturik ontxoenak dira eta Nafarroan, berriz, azken hiru urteotako eskasenak.
Arnousse haran galdua
Amatiño
2016/07/26 16:55
Neguan, elurretan, mendi-eskiaren paradisua omen da. Udaberrian, berriz, batere arimarik gabeko ez ohiko mundu paraleloa. Arnousse haran galdua.
Izaskun, Carthagoko Foro Erromatarraren zaharberritzailea
Amatiño
2016/07/23 00:05
Izaskun? Nongoa zara? Galdetu nion Cartagenako Foro Erromatarraren zaharberritzaleari eta berak erantzun, sarri berdintsu erantzun behar izan duenaren etsipenaz: “Hemengoa, bertakoa, Cartagenakoa”. Eta izen hori? “Aita Zumarragan egon zen aspaldi lanean eta…”
Kanpezuko erreka-igerilekua
Amatiño
2016/07/20 00:05
Kanpezu da, segurutik, isuri atlantikoko euskak herritarrok gutxien ezagutzen ditugun hirietako bat. Izan ere, itsasaldetik ikusita behintzat, Kanpezu ez dago “inorako bidean”. Nolabait esateko, Lizarrara apropos joateko edo izan ezik, ez dago Kanpezuraino hurbildu beharrik beste ohiko norabait abiatzeko.
Ez nuke ezustean hil nahi
Amatiño
2016/07/17 00:05
Adiskidea hil zait. Ni baino urtebete zaharragoa. Lagunarteko bosgarrena, azken bolada honetan. Bata bestearen ondoren. Auskalo zergatik baina, lagun askok egin beharreko dena egin izan dugu aldi berean: lehen jaunartzea, ikasketak, lanean hasi, ezkondu, seme-alabak izan, aitondu… Orain, berriz, badirudi denok aldi berean hiltzeko txanda heldu dela.