Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Globoz

Globoz

Amatiño 2018/09/11 08:15
Zahartzaroak garamatza betidanik erraz samar egin izan ditugunak ezin egin izatera. Eta zahartaro berberak eraman gaitzake, behingoz, sekulako egin gabekoak egin nahi izatera. Zer egingo eta... globoz igo egingo!
Globoz

Gasa sutan, globo barruan

Zihuri (Zihur uri, Zubi uri?), Tirgo (Autrigoi) eta Sajazarraren (Saggazahar, Zagazabar... ) artean inoiz globoz zeruratu nindekeenik ez dut gero sekula imajinatu ere... Ez inguru horretan eta ez inon, jakina. Baina horra non, abuztuan barrena aukera-maukera suertatu eta... zergatik ez?

Hasieran beldurrik edo ardurarik ematen du baina, globoa omen da sekula gizadiak asmatu  duen ibilgailurik arinena eta, gezurra dirudien arren, seguruena.

Zenbaitek pentsa lezake hor goian ikaragarrizko haizeak jo behar duela. Baina, bai zera,  dagoenik ere ez da sumatzen, norbera haizearen beraren abiada beretsuan doa-eta, ezin bestean.

Mundua isila eta geldoa da hor goitik ikusita. Gertatzen da, ordea, ez dagoela goian geratzerik. Berandu baino lehen, errealitatea behean dago. 

Haizeak dakarrena, haizeak darama.

Globoetzanda

Egunsentiak lotan harrapatu du, antza, haizezko herensugea

Globoegunsentia

Errioxa Garaiko mahastien gainetik abiatu

Globogeriza

Lehen hodeietan islatzen den gerizari "Gloria" efektua deritzaio, hezetasunak nolabaiteko ostadarra sortarazten duenean

GloboSan Lorenzo

Hodei-itsasoan barrena, San Lorenzo (2.271 m.), Errioxako gailurra

Globosajazarra

Berriro, beherantza, Sajazarrako (Saggazahar, 1075) gaztelua

Globokotarrean4

Non lurrartuko eta, baserri-bide erdian

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal