Ipuruako ahalak
Indar-astintze hau gertatu da, hain zuzen, Eibarrek muzin egin ostean Gipuzkoako oinarrizko futbolaren garapena arautzen duen hitzarmenari.
Lau denboraldi daramatza honezkero Eibar futbol taldeak lehen mailan, eta Gipuzkoako futbol-egitura ofiziala ez da, horratik, izpirik aldatu, nahiz Eibarrek Gipuzkoako Aldundiari zein Real Sociedad-i egoera aztertu dezaten hitzez eta idatziz eskatu.
Ez dirudi, inondik ere, Eibarrek Realarekin parekatzerik eskatzen duenik, egoera berriak aldaketarik erakarri ote dezakeen elkarrekin ausnartzea baizik. Alegia, Eibarrek ez du, ez, Realak duen historiarik, baina Realaren magalpean otsein samar ari diren futbol-taldeen artean zenbat dira lehen mailako, 45 milioi euroren aurrekontuaz eta 600 neska-mutikoren harrobiaz?
Eibarrek hiru aukera zeuzkan: makurtu eta isilik jarraitu; haserretu eta kristorenak azaldu; edo, zuhur asko, salatu, Gipuzkoako Diputazioak eta Realak hiru urte daramatzatela batere jaramonik egin gabe. Jaramonik egin nahi izan gabe.
Bistan da hirugarren aukera hau dela hautatu duena. Ez gehiago eta ez gutxiago.
Ipuruako harrobiaren ahalak, aurrengo osteguneko aurkezpenean
Talderik gazteenetako bat