Euskal diaspora: hemen gaude eta gogoan zaituztegu

Munduan zehar 191 euskal etxe omen daude, 25 herrialdetan barrena. Euretatik hirurogeik, 16 herrialdetan, Diaspora Eguna ospatu zuten atzo, dantzaz, kantaz eta lagunarteko bazkariaz.

Inork eskatu gabeko argazkiak jaso nituen Buenos Aires hiriburuaren bihotz bihotzetik, Uztailaren 9a eta Corrientes etorbideen artean dagoen Porteo obeliskotik, non bildu ziren bertan bizi diren euskal jatorrizko edozenbat argentinar.

Corrientes etorbidea Buenos Airesko kalerik mitikoenetakoa da, ez baitzen alferrik bere magalpeko gau-taberna eta antzokietan tangoa suspertu, inguruan bizi izan zen Carlos Gardel liderraren ildotik.

Porteo obeliskoa, berriz, Buenos Airesko irudirik ezagunena da. Ia 70 m. ditu, eta 1936an eraiki zen Buenos Aires hiriaren sorreraren laugarren mendeurrena ospatzeko.

Hartara, elkarrekin biltzeko eta argazkia ateratzeko ardatz hori aukeratu duten euskal jatorrizkoek zera adierazi nahi izan digute: Hemen gaude, eta gogoan zaituztegu.

Buenos Airesko Porteo obeliskopean

Xenpelarrek esan bezala, "jaioko dira berriak, gu (ere) gara euskalerriak"