Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Buetraitz, izenaren jabe

Buetraitz, izenaren jabe

Amatiño 2018/08/05 13:35
Heldu nintzen heldu, estreinako, Buetraitz gainera, baina ez, ordea, tontorreraino. Ez nintzen ausartu. Ez zitzaidan iruditu azken amildegi-inguruko pasabidea aitona zaharrak bakarrik egiteko modukoa zenik. Are gutxiago, barrenean, mendigoizalea noiz eroriko zain ziruditen saiak ikusi ostean.

Aloña Mendira joan nintzen aurreko larunbatean. Gorgomendi (1.244 m.) gailurrera uste baino lehenago heldu eta… zergatik ez Kurutzezarreraino jarraitu? Kurutzezarreko gaina (1.287 m.) hartu eta… zergatik ez, behingoz, Buetraitzera (1.321 m.) joan?

Ez nintzen, ordea, goraino heldu. Gailurreraino iristeko 40 metro falta zitzaizkidala, uko egin nion jarraitzeari. Beldurrez, zuhurtziaz, erantzukizunez, zahartzez...? Auskalo! Uste izan nuen tragiko samarra suertatu zitekeela amildegian barrena jaustea, baina tragikomikoa, berriz, putreek janda amaitzea.

Hain zuzen ere, aurreko larunbat arte sekula ez nuen pentsatu zeri zekiokeen Buetraitz izena. Bistan da toponimia, ezer izatekotan, izenaren jabe dela.

Butreaitz

Ezin jakin zerk beldurtu ninduen gehiago. Amildegi alboko pasabideak ala barreneko  haitz gaineko lagun-taldeak

Putreak

Haitz-gainean, dozena erdiren bat sai edo putre. Debako hondartzatik ekosistema honetara, artez, 30 km. besterik ez daude.

AnbotoKutzezarUdalaitz

Kurutzezar tontorra, Buetraitz gainetik ikusita. Barrenean, ezkerrean, Anboto; eskuinean, Udalaitz.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal