Gazta zaharrik ezean, burdina
Amatiño
2021/12/07 09:00
Teruelgo adiskide mendizalea izan dut berriki etxean. Aspaldi zen Euskal Herrira etortzekotan, Gernikako Arbola, Gaztelugatxeko Doniene eta Guggenheim Museoa behingoz ezagutzeko. Hona bada non, azkenean, etorri zaidan eta, lege zaharrari eutsiz, bere sorterriko gazta galtzarbean dakarrela etorri den. Maestrazgo eskualdeko gazta, Tronchon deritzona.
3 erantzun
Inorena beti da hobea
Amatiño
2021/12/04 08:55
Financial Times ekonomia-egunkari britainiarrak aurreko asteazkenean argitara eman zuen Martin Wolf kazetariaren “Lessons in `levelling up´ from the Basque country” iritzi-artikulua, zeinean laburbiltzen duen Euskal Autonomia Erkidegoaren azken 40 urteotako prozesu ekonomikoaren arrakasta.
Agure zahartzat jotzeko modu dotorea
Amatiño
2021/12/01 13:20
Odon Apraiz ohorezko euskaltzain izendatu zuen Euskaltzaindiak 1968an. Albiste hura pozarren hartu genuen gure etxean. Gogoan dut ama zenak eta biok elkarrekin izan genuela berba-gai, ez zen-eta alferrik Apraiz jauna ahaztu ezinezko erreferentzia gurean.
“La crónica francesa”, ezta doan ere.
Amatiño
2021/11/28 12:39
Sei-zazpi euro premiarik gabe xahutzeak ez du segurutik gutako inor erabat pobretuko, eta, litekeena, ordu bi alferrik galtzea onuragarri baino ez izatea gure bizimodu estresatu hau arintze aldera. Baina, horratik, bi ordutan aspertzeko, gogaitzeko eta (nor bere buruarekin) haserretzeko, aldez aurretik ordaindu behar izatea ez da agian, aukeran, planik aproposena.
Txertoa
Amatiño
2021/11/25 23:55
Gaur jarri didate Covid-19ren aurkako txertoaren hirugarren dosia. Sei hilabete zehatz joan dira bigarrena ipini zidatenetik eta neuk eskatu dut hirugarrena internetez, inork noiz deituko zain geratzeke. Bete-betean txertozale naiz. Eta ez txerto honen edo haren zale, txertaketa-lorpenaren zale baizik. Kultura honetakoak gara. Kultura honetan haziak eta heziak. Zientziari esker.
Diasporan ahaztutako euskal musika klasikoa berreskuratzeko egitasmoa
Amatiño
2021/11/22 22:20
Rafael Agirre gitarra-jotzaileak Tomas Mujika musikariaren “Dantza” eresiaren mundu-estreinua egin zuen, atzo iluntzean, Donostian. Zuzen-zuzenean, ehun lagunen aurrean, 10 euroren truke. Luxu hutsa.
Inork nahi ez dituen eskaintzak
Amatiño
2021/11/19 08:15
Gure belaunaldiak berrogei urte inguru egin zituen liburuak erosten edo biltzen, eta beste hogei, berriz, han-hemenka ematen, banatzen eta uxatzen. Izan ere, bigarren eskuko liburuen azoketan ez da batere zaila gure adinekook elkarri, opari gisa, eskainitako liburuak saldo-prezioan aurkitzea.
Ramuntxo Kanblong gizon ona eta adiskide hobea
Amatiño
2021/11/16 00:15
Ramuntxo Kanblong (1939-2021) hil da, 82 urte zituela. Elektronika ingeniaria, euskal ekonomiaz eta Europar Batasunaz hitzaldia ematen ezagutu nuen nik Bergaran, 1972an (Espainia sartu baino 14 urte lehenago), Iparraldeko euskaldunak artzainak, bertsolariak, koblakariak edo kantariak baino ez zirela uste genuen garai hartan. Urte bi geroago Eibarren ere hitzaldia eman zuen, Club Deportivoa sortu (1924) zeneko 50. urtebetetzean.
Sarituak hiru 'rockero' zahar
Amatiño
2021/11/13 13:00
Aurtengo Euskal Kazetaritza Sariek 1970eko hamarkadaren amaieran lanari ekin zioten hiru kazetari izan dituzte, besteak beste, gogoan. Alegia, 2021eko “Euskal kazetariak” saria Begoña del Tesorentzat izan da; “Ibilbide profesionala” deritzona, Mirentxu Purroyrentzat, eta fotokazetaritzari dagokiona, berriz, Angel Ruiz de Azuarentzat.
Orioko parrokiatik bertako hondartzara, Donostian zehar
Amatiño
2021/11/10 17:15
Donostiatik Orioko hondartzaraino bizikletaz joaterik bada, jakina, baina baita Orioko hondartzatik Donostiaraino eta buelta ere. Abantaila handiaz, gainera, Donostian ez bezala, Orion bai baitago non aparkatu, ordainez San Nikolas eliza aldameneko Kale Nagusitik igo behar baldin bada ere.