Padura
Amatiño
2008/06/08 18:50
Getxoko Fadura auzoa urez gainezka telebistan ikusten ari nintzela pentsatu nuen zenbatek ote dakien zer esangura duen “fadura” izenak. Batek daki euskaldunok memoria historikorik ote dugun, baina zalantzarik ez urak –ibaia nahiz itsasoa izan— ahaztu ezinezko memoria duela. Atzo bertan, berriro.
Erantzunik ez
Europako kultura-kapitala
Amatiño
2008/06/02 23:44
Donostiak aurkeztu du zortzi urte barru Europako kulturaren kapitala izateko asmoa. Primeran gero, Donostia Europako kulturaren erreferentzia izatea. Donostia ez baita alferrik eredu aurrerakoiaren adierazgarri. Kantak dioenez, “Donosti bat bakarra munduan...”
Energia merkea
Amatiño
2008/06/01 15:12
Uztailetik aurrera argi-indarra garestituko dela eta, hona non jakin dugun argiak ordaintzen duguna baino gehiago balio duela. Hau da, Gobernuak urteak daroazela tarifarik behar beste igo gura ezean, enpresak lehiakorrak izan daitezen eta jendea sutan jarri ez dadin. Inork ez digu horren garbi esan, ostera, sekulako zuloa egiten ari garela eta gure seme-alabek gure zor hori ordaindu beharko dutela... guk aberats-itxurak egiten jarraitzen dugun artean.
Espalik gabeko politikaria
Amatiño
2008/05/27 23:26
Nekez aurkituko duzu kalean, entzule, Maria San Gil politikaria ez dena uste izango duenik baina, hala ere, orain bospasei urte eskas, Maria San Gilek berak esan ohi zion entzun nahi zion edonorri bera ez zela politikoa, politikoak Madrilekoak zirela. Eta ordurako Gipuzkoako Alderdi Popularraren buru izan arren, ez zekien 1979ko erreferendumean popularrek Gernikako Estatutuaren kontra bozkatu zutenik ere.
Politika da substantiboa
Amatiño
2008/05/25 17:55
Aurrekoan “Herri Urrats” izan zen Senperen eta atzo, berriz, “Ibilaldia” Zornotzan. Euskararen egoera ez da gero berdina iparraldean edo hegoaldean, eta ezberdintasunik handiena ez dagokio lekuan lekuko euskal hiztunen borondateari, bertako hizkuntza-politikari baino.
Eibartarrak "NoviaSalcedo" saria jaso
Amatiño
2008/05/21 23:50
Ega Master enpresak, "Erasmus" erakundeak eta José María Pérez "Peridis" arkitekto eta marrazkilariak irabazi dute NoviaSalcedo Fundazioaren Bikaintasun Saria, "gazteen laneratzea errazteko" indarrean jarritako programengatik. Ekitaldia Bilboko Arriaga Antzokian izan zen atzo, Felipe printzea bertan zelarik, eta Ega Master enpresaren izenean Iñaki Garmendia Urkizu eibartarrak jaso zuen saria.
Ondo hiltzen ikasi
Amatiño
2008/05/20 00:50
Atzo, Zarautzen, Imanol Murua maisuaren hiletak. Bai, eskola-maisu izan nuen nik Imanol pare bat udatan, 12-13 urte edo nituela. Berak, berriz, hamar gehiago besterik ez, maisu gaztea beraz.
Trafiko giroa
Amatiño
2008/05/18 18:36
Boroako zentrala indarrean jarri ondoko egunetan Zornotzako ingurumena hobetu egin zen. Ez, jakina, zentralak giroa hobetu zuelako, oporrak zirela-eta bertako trafiko-isuria gutxitu zelako baino. Inork aitortu nahi ez arren, trafiko-giroa da euskal inguru-giroak duen arazorik larriena.
Hildakoak erre eta zaborrak ehortzi
Amatiño
2008/05/13 08:17
San Markoseko zabortegia itxi beharraren beharrez, Donostialdeko 130.000 tona zakar Azpeitia, Beasain, Zarautz eta Bizkaialdera eraman beharko dituzte urtero hurrengo bost urtean. Nola arraio heldu ote garen egoera honetara? Auskalo! Baina Bilboaldean orain hamar urte erabaki zuten erraustegia jartzea eta Donostialdean, aldiz, beste hamar erabaki nahi ezean.
1968 gori-goria
Amatiño
2008/05/11 11:50
Ez, ni ez nintzen 1968ko maiatzean Parisen izan. Hainbat urtez, udaberri hartan han egon izana nolabaiteko progresiaren ziurtagiria izan zen. Eta ez ondorio politikorik erakarri zuelako, giza-harremanetan (sexua, hedonismoa, aginte-oreka...) belaunaldi-aldaketaren ikur bihurtu zelako baino.