Beijing 2008: nongoak ote onenak?
Amatiño
2008/08/24 23:36
Pekinen amaitu dira gaur Joko Olinpikoak eta hurrengo egunetan ez da han-hemenka balantzerik falta izango, marka, ikuskizun zein ordezkaritza bakoitzak lortu dituen dominen arabera. Besteak beste, markak ikaragarri onak igeriketan eta atletismoan; ikuskizuna, berriz, sekulakoa, inaugurazio-egunetik amaieraraino; eta dominak ba…
Erantzunik ez
Joaquín Achúcarro etxeko, Deban
Amatiño
2008/08/22 00:38
Debarrek esker onez hartu dute gaur Joaquín Achúcarro, ez baita alferrik gure bilbotarra bizpahiru belaunaldiren pianojolerik ezagunena. Ia mende erdi bai Achúcarrok nazioarteko lehiaketa irabazi zuela Liverpoolen eta geroztik jaso beharreko sari eta ohore guztiak jaso ditu urtez urte, 2005 urtean Euskaldun Unibertsaltzat izendatua izan arte. Eibarren 1965ean edo jo zuen estreinako, Arrate Kultura Elkartearen aretoan. Orain ez da halakorik.
Gure Nere
Amatiño
2008/08/19 23:36
Auskalo zenbat egun irauten duten Debako jaietan gorri-zuria nagusi izaten den arren, Arrantzale Egunak zuri-urdina eskatu ohi du.
Dominique Vissé, artista
Amatiño
2008/08/19 00:11
Zilegi al da kontzertuan aspertzea? Seguru gero baietz. Beste kontu bat da, ordea, agiri-agirian aitortu beharrik ba ote dagoen ala ez. Dena den, ni neu aspertu egin nintzen aurreko igande arratsaldean, Chillida-Lekun, Donostiako Musika Hamabostaldian barrena Ensemble Clément Janequin taldeak eskaini zuen emanaldiaren zenbait momentutan. Hala ere, nekez ukatuko taldeak duen nazioarteko ospea eta Dominique Vissé zuzendariaren apartekotasuna.
Algorritik Algorrira: C’est magnifique!
Amatiño
2008/08/18 19:43
Geroko gerotan uzteke, gaur goizean bertan egin dut Zumaiatik Sakonetarantzako ibilaldia itsasbazterrean barrena. Algorri hondartzan bertan flyscha hartu eta itsaslabarpean, harririk harri, haitzez haitz, Elorriaga pareraino. Itsasbehera 11:30etan zen eta eguraldia, berriz, aparta. Algorri gainetik Lekeitiorainoko ikuspegia mundiala gero.
Urte biko haurraren hiztegia
Amatiño
2008/08/17 23:26
Ekonomiak eta erraztasunak dezente baldintzatzen omen dute hizkuntzaren erabilpena. Seguru egia dena. Nere bilobarik zaharrenari entzun besterik ez dago. Oraindik 23 hilabete baino ez ditu eta harrigarri gero zein hitz urriz konpontzen den nahi duena adierazteko eta zein ondo dakien erraztasunaren araberako hitz-aukera egiten.
Ehun milioi urte begi bistan
Amatiño
2008/08/17 17:30
Merezi du. Bai, merezi du bai Zumaiatik Debara bitartean udaran eratu ohi den itsas-bidaia egiteak; hau da, harako flysch inguru ezaguna itsasaldetik behingoz ikusteak: 75 minutu (joan-etorria), 13 eurotan. Eguraldia eta olatu-maila Turismo bulegoak erabakitzen ez dituen arren, gaurkoan bata zein bestea ezin hobeak. Merezi izan du.
Turistentzako zortzikoa
Amatiño
2008/08/09 19:46
Sarasatek sarri asko errepikatzen omen zuen, Iruñeko ikasleen artean, zortzikoak 5/8 konpasa behar zuela nahi ta nahiez. Behin, ordea, Parisen bere 'Capricho vasco' interpretatu ostean, bertara inguratutako ikasle iruñarrak zera bota zion: “Ez dut ezer ulertzen, zortzikoa 5/8 dela erakutsi diguzu eta zuk, berriz, 3/4ko konpasaz jo duzu”. Eta maisuak lasai asko, batere ikaratzeke, erantzun: “Arrazoi duzu, baina nik ez dut gaur euskaldunentzat jo, Parisko turistentzat baizik”.
Lorenzo Zabalaren euskal aztarrena
Amatiño
2008/08/03 22:17
Armeria Eskola sortu (1912) zeneko berrogeita hamar urtebetetzea zela-eta, 32 agintari, irakasle eta idazleren iritzi-artikuluak; 120 inguru agiri eta argazki; eta 134 erakunde eta enpresaren iragarkiak bildu zituen, 1962an, Ikasle-ohien Elkarteak argitara emandako liburuak. Den-denak erdaraz, bat izan ezik. Nor ote frankismoaren basamortu hartan euskaraz idazten ausartu zen bakarra? Lorenzo Zabala, Motobic ziklomotore-enpresaren sortzaile eta ugazaba.
Gontzal Mendibilen Arrupe-puzzlea
Amatiño
2008/08/01 18:24
Orfeoi Donostiarra, Ludvig Orkestra Sinfonikoa, Igor Yebra balleta, Araoz-Easo Eskolania, Marife Nogales mezzosopranoa, Pascual Molongua baxua, Beti Jai Alai dantza-taldea eta beste laurogeita hamar inguru antzezle, non eta Loiolako baseliza barrokoaren atarian --udako gaurik epelenean--, nekez izan zitekeen gero erdipurdiko ikuskizun antzua…