Balio erantsi bila
Amatiño
2010/10/08 10:21
Krisialdia dela-eta, enpresa pribatuen mozkin-murrizketaz hitz egin ohi da erruz, baina ez garai onei zerizkien dirulaguntzei esker jardun izan duten kultura-ekintzen egoera larriaz. Laguntza publikoen murrizketa publikoa da; enpresen esponsorizazio-mozketa, aldiz, pribatua. Makina bat kultura-ekimen mortalak jasaten ari da, isil-isilik.
Erantzunik ez
Europako txapelduna
Amatiño
2010/10/06 23:05
Atzo, Europako "The Final of the Innovation Good Practice Competition" erabaki zen Bilboko Euskalduna Jauregian. Azkenean Gasteizko Ega Master enpresak irabazi zuen eta Iñaki Garmendia zuzendari-kudeatzaileak saria jaso. Ordubete geroago, foro berberean, Gasteizko Olabide Ikastolak Europako EFQM Enpresa-Bikaintasun Saria eskuratu zuen. Inor ez zen, ordea, konturatu, Iñaki Garmendia gaztea Olabide Ikastolako ikasle-ohia zenik. Kasualitate hutsa ote?
Arantzazuko outleta
Amatiño
2010/10/05 00:05
Makinatxo bat urte eta mendetan bildutako liburutegia jendaurrean azaltzeko asmotan edo, Arantzazuko frantziskotarrek hilabete honetako sei jai egunetan (bost igande eta hilaren 12a) liburu azoka antolatuko dute Arantzazuko bertako argazki-erakusketa geletan.
Francok Espainia gutxietsi zuenekoa
Amatiño
2010/10/03 00:05
Orain 50 urte, 1959an, Espainiak eta Frantziak Hondarribian gogoratu zuten hiru mende lehenago, 1659an, elkarrekin sinatutako Piriniotako Bakea. “Arriba España” leloaz 1936an Errepublika demokratikoaren aurka altxatutako diktadura militarra ospakizun hartaz baliatu zen aurreko hiru mendeetako espainiar endekapena azpimarratzeko eta Cara-al-sol kanta faxistaren “… que en España empieza a amanecer” mezua indarrean jartzeko. Gobernu militarraren ustez, espainiar inperioaren gainbehera Felipe IV.arekin hasi zen eta Francorekin batera, berriz, arnasberritzeari ekin, lehenera etorri, galdutako handitasunera itzuli.
Sekulako gazteriarik instalatuena
Amatiño
2010/10/01 00:05
Martin Auzmendik eta Imanol Galdosek esan dute gaur, goizean goizo, Euskadi Irratian: “egungoa da sekula izan den gazteriarik instalatuena”. Horretara, belaunaldi honetatik nekez etorri omen daiteke erreakziorik. Eta erreakziorik ezean, gureak egin du. Alain Tourainek, berriz: “Eskuinaren joera nagusi bakarra xenofobia da; ezkerraren joera nagusi bakarra eragozpenik gabeko kontsumo-bizimoduaren aldarria da”.
Liburudendara birritan joan beharra
Amatiño
2010/09/30 00:05
Behar bada ni txorimalo samarra naiz, baina komunikabideetan aurkeztearekin batera dendatara iristen ez diren liburuei nik boikota egin izaten diet. Nik ez dut aurkeztu berri den liburua erosteko denda berberera birritan joan beharrik.
Kapitain pilotu
Amatiño
2010/09/28 00:05
Gaur hutsaren hurrengoa falta izan zait azafatari deitu eta botatzeko: “Aizu, esaiozu hor aurreko kabinan agintean dagoen kapitan pilotu harroputz horri, kaiku hutsa dela”. Baina zahartzen ari naiz. Nere bilobengan pentsatzen hasi eta… aittitta, honezkero hobe duzu istilutan ez sartzea. Baina gero, Loiura heldu bezain laster, damutu egin naiz.
Ikatzaren etorkizun beltza
Amatiño
2010/09/27 00:05
Komunikabideetan etenik gabe jakiten ari gara ikatz-meategietako langileen egoera latzaren berri. Zenbaitetan lan-gatazka arrunta ematen duen arren, funtsean energia-sistemak bizi duen hil ala biziko erronken ondorioa baino ez da. Ikatzak gero eta leku gutxiago du energia-kontsumoaren tartan.
Zinemaldian txartel, Eibarren “charttel”
Amatiño
2010/09/25 16:05
“Teoría de la conspiración: En realidad, los seres avistados con txartelas al cuello no tendrían nada que ver con el Festival. Seguiremos informado” (LA PARADOJA DEL ACREDITADO. Mikel G. Gurpegui. El Diario Vasco, 2010.09.23).
Aita zenaren argazkia
Amatiño
2010/09/24 00:05
Norberaren aita zenaren argazkia bat-batean topatzeak nolabaiteko zirrara sortu behar du nahitaez. Honelako zerbait gertatu zaio segurutik gure Josu Mendicuteri, Simon Bolibarren museoaren inaugurazioa zela eta, orain 27 urte ateratako argazkian ustekabean aurkitzerakoan.