Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Garoa kresala baino gehiago da bertsotan

Garoa kresala baino gehiago da bertsotan

Amatiño 2011/09/03 23:15
“Perdonadme una digresión relacionada con el humor de los bertsolaris vascos. Y es que se da el caso de que la mayoría de ellos son de tierra adentro. Apenas sí han existido marineros bertsolaris. Es más: los bertsolaris de la costa --los Txanka de Orio, por ejemplo—han sido también en su mayoría labradores, nacidos en caserío y dedicados a las labores del campo” (Antonio Arrue, 1971).

Ez dakit nik, 1878an., Kantauriko azkenetako baleari arpoia sartu ezezik bertsoak ere paratu zizkion Roke Etxabe zarauztarra benetako arrantzaletzat jo beharko ote dugun edo ez (lanbidez ehulea omen), baina, zer gerta ere,  Antonio Zabalaren bilketa-uholdea arakatu baino ez dago, bertsolarien artean nekazariak zeharo nagusi izan direna jakiteko.

Era batez zein bestez, behin baino gehiagotan aipatu izan da baserritarren eta arrantzaleen izaeren zein jarreren arteko aldeaz. Baserritarra zuhurra omen, xume, arretatsu, lotsati, mesfidati, isil eta sotila. Arrantzalea, aldiz, berritsu, arranditsu, zaratatsu, ausart, ozar eta kanpolarrosa. Hala ere, Antonio Arruek (El bertsolari Bordel en el castillo donostiarra -1823. Donostia, 1971) esan bezala:

Arrue Bordel

 Geroztik egia da, bai, egungo bertsolariak nekez banatu daitezkeena baserritarren eta arrantzaleen artean, eta itsasaldekorik ere ez dela orain falta, Andoni Egaña (Zarautz, 1961) maisua bera kasu; baina bertsolaritzaren historiari bagagozkio behintzat, balirudike euskal ahozko literaturaren ardatza mendian barrena abiatu izan dela aspalditxodanik eta bertsotako umoreak eta ironiak gehiago izan dutela garotik kresaletik baino.

   Antonio Arrue

Manex Etxamendi "Bordel" Mota gazteluan preso egon izana aztertu zuen Antonio Arruek

Antonio Arrue oharra

Etxean dudan alea Juanito San Martinen bitartez bidali zidan Arruek

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: