Grazie!
Amatiño
2011/09/11 23:15
Hogeita hamahiru dezente urte asko dira. Belaunaldi osoa. Belaunaldi oso batek ez du 1978tik hona Espainiako Txrrindulari “Vuelta”rik Euskal Herrian zehar ezagutu. Eta, hain zuzen ere, 1978ko espainiar itzulia azken aldikoz Donostiaraino heldu (ez) zenean 33 urte genituenok bizitza guztia generaman umetatik urtero buelta ikusten. Paradoxa gero, gure belaunaldiak, beti, eta gure seme-alabenak, aldiz, sekula ez.
2 erantzun
“América para los americanos”
Amatiño
2011/09/09 23:15
¿Qué demonio hacía un eibarrés en aquél lugar perdido a principios de 1930? Entre otras cosas, buscar trabajo. Pero no pareció muy convencido. Y se volvió a Eibar donde, en los siguientes ochenta largos años, nunca hemos conocido la necesidad de emigrar. ¿Hasta cuándo?
Sokorrotik Sokorrira
Amatiño
2011/09/07 23:05
Bihar, irailaren 8an, Sokorroko Andre Mariaren eguna ospatuko dute Muskizko Pobeña auzoan, Bizkaiko itsasbazterraren azken muturrean. Handik 150 kilometrora, sortaldeko Lapurdin, Urruña gaineko muinoan, Sokorriko Andre Maria berbera itsasora begira dago azken laurehun urteotan. Biak ala biak, hango eta hemengo marinelek esker onez eraikitako kaperetan.
Iguazelgo Andre Maria
Amatiño
2011/09/05 23:15
Aragoiko Erresumaren lehen errege Ramiro I.a (1006–1063) izan zen, Iruiñeko Antso Nagusiaren (992-1035) eta beronen Oibarko Antsa maitalearen fruitu. Nonbait nafar gortean etorkizun handirik ez eta… beste erresuma bat sortzea baino ez zitzaion gure Ramiro gazte kementsuari otu, gero Nafarroakoaz jabetzeko. Hura bai gazteria adoretsua!
Garoa kresala baino gehiago da bertsotan
Amatiño
2011/09/03 23:15
“Perdonadme una digresión relacionada con el humor de los bertsolaris vascos. Y es que se da el caso de que la mayoría de ellos son de tierra adentro. Apenas sí han existido marineros bertsolaris. Es más: los bertsolaris de la costa --los Txanka de Orio, por ejemplo—han sido también en su mayoría labradores, nacidos en caserío y dedicados a las labores del campo” (Antonio Arrue, 1971).
Pilotaleku bakartiak
Amatiño
2011/09/01 23:15
Iparraldeko hainbat pilotalekuk Kunderaren "izatearen arintasun jasanezina" gogoratu ohi digu. Hegoaldeko frontoien hormatzar sendo bezain zindoak umetatik ezagutu izan ditugunontzat Iparraldeko pareta bakarreko pilotalekuek zeharo airosak dirudite. Hemengoak etxartean gizarteratzen zaizkigun artean, hango hainbat bakarti azaldu ohi da edozein muinoren lepoan. Hegoaldeko pilotalekuei zarata eta abarra darizkie. Iparraldeko zenbaitek, aldiz, benetako pilotaleku ezik, pilotalekuaren omenez eraikitako monumentu isila ematen du.
Teknologia berdinezen bateratzea ez da nahikoa
Amatiño
2011/08/30 23:00
Teknologiaren aukerak ikaragarriak dira. Gero eta nabarmenagoa, euskarri berdinezen konbergentzia. Baina teknologien bateratasuna ez da berez nahiko. Horrez gainera, oraintsu arte bestelako teknologiaz baliatu izan diren profesionalen egokitzapena ere behar da… edo beste belaunaldi bat noiz etorriko zain egon beharko.
Venezuelako libururik zaharrena Donostian argitaratua
Amatiño
2011/08/28 23:00
Caracasko Biblioteka Nazionalaren kutxa gotorrean gordeta dituzten libururik berezienen artean dago “Descripción exacta de la provincia de Benezuela” (Joseph Luis de Cisneros. Valencia, 1765) deritzan alea. Garai batean, Venezuelan sekula argitaratutako lehen liburua zelakoan giltzapean gordeta zen arren, egungo bibliografiak segurutzat jotzen du Donostian inprimatutako liburua dela.
Bostehun urteko atea
Amatiño
2011/08/26 17:30
Pedro Olague Doneztebeko errementariak 1519 urtean jaso zuen Amaiurko gazteluaren atea indarberritzeko ordena. Jakina gero lan bikaina egin zuena, ateak tinko irauten baitu, oraindik ere, ia bostehun urteren bueltan. Horratik, ez zen nonbait 1522an gazteluak jasan zuen erasoari aurre egiteko gauza.
Mundua aldatu botereaz jabetzeke
Amatiño
2011/08/24 22:00
Gaur egun ezagutzen ditugun industria-motak, garraio-sistemak, metropoli-ereduak eta ezelan ere “inmateriala” ez den informazio-gizarteak porrot egingo dute eta, energia fosilik ezean, elkarren kontrako gerrarik egiteko ere nahiko zeregin izango omen dugu. Gureak egin du.