Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Nafarroa, 1512-2012

Nafarroa, 1512-2012

Amatiño 2012/04/20 15:00
Beldur naiz bostehun urteren bueltan orainak ez ote duen iraganak baino gehiago balio, oro har. Izan ere, orain bada 1512an Nafarroan ez zenik: hauteskundeak. Eta hauteskundeak, kiroletan ez bezala, parte hartzeaz gainera, irabazteko dira.

Nafarroako Erresumak hainbat mendetako burujabetza galdu zuen 1512an, armetan galdu ere. Eta ez dago batere arrazoirik galera hura nafarren gogoz kontra izan zenik ukatzeko. Bostehun urte geroago bada mendeurrena ospatu nahi duenik. Baita gaur egun agintean daudenen ospakizun otzana zorrotz salatu nahi duenik ere. Dena den, auskalo orain bostehun urteko nafarren borondate politikoa eztabaidatzerik ote dagoen ala ez, baina egungoa ez behintzat.

Beharbada, batzuon eta besteon jarreren arteko benetako eztabaida besterik da, alegia: egungo egoera nafarren gogoko dela uste dutenek nahi lukete oraingoa ordura eraman; eta ordukoa garaiko nafarren gogoko ez zela izan diotenek, berriz, nahi lukete ordukoa hona ekarri.

Biak ari dira nolabait iruzurretan. Baina beldur naiz bostehun urteren bueltan orainak, oro har, ez ote duen iraganak baino gehiago balio. Izan ere, orain bada 1512an Nafarroan ez zenik: hauteskundeak. Eta hauteskundeak, kiroletan ez bezala, parte hartzeaz gainera, irabazteko dira.

ARGIA astekaria. 2012ko apirilaren 22an.

amaiur

 "Napar askatasunaren alde Amayurko echarrian borroka egin zuten gizonai. Betiko argia. 1522”.

Jaime
Jaime dio:
2012/04/20 19:26

Ez litzaioke txarto etorriko nafar askori, batez ere Iruñako erakundeetan bere nafartasun-españartasunaz harro-harro dabilen bati baino gehiagori irakurtzea P. Boissonadek idatzitako: "Histoire de la reunion de la Navarre a la Castille", Iruñako Mintzoa Argitaletxeak "La conquista de Navarra" izenaz orain dela hogeita hamaika bat urte argitaraturik. Ez horixe! Lau tomo mardulotan ikusi eta ikasiko luke zer trikimailu, traizio, nafarren eskubideen aurkako bortxak etab. erabili ziren Erresuma Zaharra azpiratzeko!!!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: