Ekonomiarik ere bada euskararen munduan
Amatiño
2010/10/17 00:00
Orain hurrengo euskarazko irratsaio-arduradunak aitortu zidan gero eta errazago eta sarriago aipatu ohi dituztela gai ekonomikoak. Berak esana “aurrekoan, estreinako, hiru enpresari bildu nituen eta… oso ondo”. Kazetaria bera harrituta lortutako balentriaz. Auskalo noiz ekin ote zitzaion euskararen normalizazioari baina, begi bistakoa gero, oraindik ere makinatxo bat falta zaigula gaina hartzeko.
Erantzunik ez
Energia-paradigmaren aldaketa
Amatiño
2010/10/15 20:31
Aspaldiotan gero eta gehiago hitzegiten, idazten eta eztabaidatzen da energiaz baina gutxitan jakin izaten da, ordea, zehatz mehatz behintzat, zein den agintarien iritzia. Zentzu honetan erabat interesgarriak beraz gaur goizean bertan Xabier Garmendia Industria eta Energia sailburuordeak Miramongo Teknologia Elkartegian azaldutako hildo nagusiak.
"Argindartegi" berriak, abian
Amatiño
2010/10/14 23:26
Hamar urte barru Euskal Autonomia Erkidegoan matrikulatuko diren hamar auto berrietatik bat argindarrez arituko da eta 40.000 argi-hornigailu inguru sakabanatuko dira han-hemenka, kalez kale, aparkaleku publikoetan zein saltoki-guneetan. Repsolek eta Energiaren Euskal Erakundeak "Ibil" sortu dute eta auto elektrikoaren iraultza abian da.
Sozialdemokrazia
Amatiño
2010/10/12 23:20
Zapaterok ez dihardu behar bada asmatzen eta sozialdemokraziak nekez agindu dezake aldaketarik Espainian, Ongizate-Estatuari eusteko gai ere ez da-eta. Baina, Zapaterok, txarrenean ere, Rajoy du aurrean, eskuin peto-petoa alegia. Euskal sozialismoak, aldiz, bera bezain sozialdemokrata –edo gehiago— den abertzaletasun jeltzalea.
Loreak moztu osteko usaina
Amatiño
2010/10/10 23:45
Zine-aretoan sartu baino ordu erdi lehenago autoz nindoala, Begoña del Tesok aurreratu zidan bere iritzia Euskadi Irratiaz: “Ez da nere gustuko, film faltsua da, baina jendeari gustatuko zaio eta nik ulertzen dut zergatik gustatuko zaion”. Pelikula ikusi ostean konturatu nintzen --aurretik sumatzen nuenez-- ni “jendea” naizena baina ezin ulertu ordea zergatik gure Begoñak faltsutzat jotzen duen filma eta zergatik besteoi gustatu behar zaigun berari gustatzen ez zaiona.
Balio erantsi bila
Amatiño
2010/10/08 10:21
Krisialdia dela-eta, enpresa pribatuen mozkin-murrizketaz hitz egin ohi da erruz, baina ez garai onei zerizkien dirulaguntzei esker jardun izan duten kultura-ekintzen egoera larriaz. Laguntza publikoen murrizketa publikoa da; enpresen esponsorizazio-mozketa, aldiz, pribatua. Makina bat kultura-ekimen mortalak jasaten ari da, isil-isilik.
Europako txapelduna
Amatiño
2010/10/06 23:05
Atzo, Europako "The Final of the Innovation Good Practice Competition" erabaki zen Bilboko Euskalduna Jauregian. Azkenean Gasteizko Ega Master enpresak irabazi zuen eta Iñaki Garmendia zuzendari-kudeatzaileak saria jaso. Ordubete geroago, foro berberean, Gasteizko Olabide Ikastolak Europako EFQM Enpresa-Bikaintasun Saria eskuratu zuen. Inor ez zen, ordea, konturatu, Iñaki Garmendia gaztea Olabide Ikastolako ikasle-ohia zenik. Kasualitate hutsa ote?
Arantzazuko outleta
Amatiño
2010/10/05 00:05
Makinatxo bat urte eta mendetan bildutako liburutegia jendaurrean azaltzeko asmotan edo, Arantzazuko frantziskotarrek hilabete honetako sei jai egunetan (bost igande eta hilaren 12a) liburu azoka antolatuko dute Arantzazuko bertako argazki-erakusketa geletan.
Francok Espainia gutxietsi zuenekoa
Amatiño
2010/10/03 00:05
Orain 50 urte, 1959an, Espainiak eta Frantziak Hondarribian gogoratu zuten hiru mende lehenago, 1659an, elkarrekin sinatutako Piriniotako Bakea. “Arriba España” leloaz 1936an Errepublika demokratikoaren aurka altxatutako diktadura militarra ospakizun hartaz baliatu zen aurreko hiru mendeetako espainiar endekapena azpimarratzeko eta Cara-al-sol kanta faxistaren “… que en España empieza a amanecer” mezua indarrean jartzeko. Gobernu militarraren ustez, espainiar inperioaren gainbehera Felipe IV.arekin hasi zen eta Francorekin batera, berriz, arnasberritzeari ekin, lehenera etorri, galdutako handitasunera itzuli.
Sekulako gazteriarik instalatuena
Amatiño
2010/10/01 00:05
Martin Auzmendik eta Imanol Galdosek esan dute gaur, goizean goizo, Euskadi Irratian: “egungoa da sekula izan den gazteriarik instalatuena”. Horretara, belaunaldi honetatik nekez etorri omen daiteke erreakziorik. Eta erreakziorik ezean, gureak egin du. Alain Tourainek, berriz: “Eskuinaren joera nagusi bakarra xenofobia da; ezkerraren joera nagusi bakarra eragozpenik gabeko kontsumo-bizimoduaren aldarria da”.