Pilotaria
Amatiño
2010/09/11 18:16
Batek daki zein izan ote zitekeen Debako udal-pilotaleku berriaren atarian jarri duten gizon biluziaren lanbidea baina, bertako herritarren ustez, “pelotaria” omen da. Honelatsu bataiatu dute behintzat. Hala ere, bistan denez, ez da pilotari jantzita dagoelako eta, behar bada, ezta frontoi-sarreran dagoelako ere.
Erantzunik ez
Energia-pedagogia
Amatiño
2010/09/09 18:58
“Nuklearra eta ikatza behar ditugu trantsizio-energiatzat. Badakit jende asko oso eszeptikoa eta kritikoa dela energia nuklearraz, eta ardura handiz hartzen ditut kezka horiek” –Angela Merkel kantzelariaren hitzak, Alemaniako 17 erreaktoreen bizi-iraupena luzatzea erabaki ostean. Alemaniak kontsumitzen duen argindarraren %25 nuklearra da.
Aarrate, Bizcaya
Amatiño
2010/09/08 13:02
Eibarko Udal-batzak 1794ko abuztuaren 21ean bildu eta erabaki zuen frantsesek Gipuzkoan agintzen zuten bitartean behintzat, eibartarrok nahiago genukeela bizkaitarrak izan, Frantziapeko gipuzkoarrak baino. Antza denez, nekez gero espainiartasunaren jarrera nabarmenagorik.
Diseinu kontua
Amatiño
2010/09/05 12:34
Teologoek fisikaz nekez hitzegiten duten arren, zientzialariak erruz jardun ohi dira Jainkoaz, batez ere best sellerrak plazaratzen dituzten zientzialariak. Segurutik horrela izan behar du, baina zilegi bekigu irakurleoi helburu komertzialen bat susmatzea.
Ingurumena, interes partikularra eta politika
Amatiño
2010/09/02 23:55
Bost urte joan dira Bizkaia Energia enpresaren ziklo konbinatuzko zentralak Boroan argindarra ekoizteari ekin zionetik hona. Egun, Euskal Autonomia Erkidegoko argindar-eskabidearen %15 ekoizten du, 150 lanpostu zuzen eragiten, 80 milioi euro fakturatzen urtero eta 14 milioi ordaintzen Zornotzako udalari zein Bizkaiko Ogasunari.
Aukeraren leihoa
Amatiño
2010/08/31 23:20
Luistxorekin bat nator euskal lurraldetasunaren dogma antzua salatzerakoan eta Kataluniak, ezer egingo badu, lehenago jarriko duela Bartzelonan biltzen den “Parlament”aren burujabetza “pobles catalans”en lurraldetasuna baino.
ETB, galdutako bidearen bila
Amatiño
2010/08/30 15:49
Duela hamabost urte besterik aurreratu arren, oraindik ere egon badago Euskal Telebistarik. Baina nekez iraungo du filosofiaz aldatzen ez baldin badu eta, ene ustez, filosofiarik iraunkorrena 1986 urterarte indarrean egon zena da. Erabateko ETB1 –bat bakarra munduan— eta informazioz zein zine-programazio onez osatutako ETB2.
Garun emea
Amatiño
2010/08/27 22:00
Ez diot nik Louann Brizendine doktore andreari neuro-psikiatriaz ezer ukatuko eta are gutxiago neurobiologiaz batere irakatsiko baina bai, behar bada, metodo zientifikoaren oinarrizko bizpahiru xehetasun gogorarazten ausartuko.
Parasito pontifikatzaileak
Amatiño
2010/08/25 11:24
Eliza Katolikoaren alde ala kontra ote nagoen erabaki behar izango banu, batere zalantzarik ez gero, alde. Baina hautu honek ez nau “eliztar” egiten. Gauza bat da gramatika eta beste bat, praktika. Praktikarik ezak bihurtzen nau elizaren parasito eta erabat gutxiesten du nik haren barne-erabakiez izan dezakedan iritzia.
Aittitten artekoak
Amatiño
2010/08/23 23:00
Juanjo Araolaza adiskideak aipatu dit zein zeregin handia ematen duten bilobek. Auskalo gero, bilobak direla-eta, handia edo txikia ote den gure seme-alabok aittittatutako aitei eragiten diguten zeregina baina, zalantzarik ez gero, guk gure aitei eragin geniena baino dezente handiagoa. Hori, bai.