Rafael Ossa Echabururen gomutaz
Amatiño
2017/11/23 18:20
Joan zen igandean hil zen, Bilbon, Rafael Ossa Echaburu idazle eta kazetaria. Betidanik bilbotarra zelakoan, Ondarroan jaioa zen orain dela 91 urte. Gizon ona, apala, maisua eta adiskide maitakorra.
Erantzunik ez
Bidean ikasia izan ala ez izan
Amatiño
2017/11/21 08:05
Arantxa Urretabizkaiaren “Bidean ikasia” saiakerak, euskaraz, eta Fernando Arambururen “Patria” nobelak, gaztelaniaz, irabazi dute, besteak beste, aurtengo Euskadi literatura sariak. Batak zein besteak dute ardaztzat, euskal gizartean luzaro iraun duten –eta dirauten— bi gatazka: ETAren terrorismoa, Aramburuk, eta Hondarribiko alardea, Urretabizkaiak.
Bidegileetan bidegileena
Amatiño
2017/11/18 23:35
“Joseba Intxausti (Segura, 1936) idazlea izan da, baina eragilea ere bai, eta ez nolanahikoa. Bidegileetan bidegileena* gertatu zaigu euskalgintzan eta euskal kulturagintzan”. "Josebari zor diot euskal munduan sartu izana, berak euskaltzaletu ninduen, berak irakatsi zidan euskaraz idazten, berari esker ikasi nuen ikasten".
Andrazkoen soinekoak gustatzen zaizkigunean
Amatiño
2017/11/16 00:05
Aitortu dezadan, niri ikaragarri gustatu zaidala Isabel Coixeten filma eta zeharo gogoangarria iruditu, berriz, bi ordutan zeharreko soineko-kalejira. Arduratzen hasi beharko ote dut?
Zaratatsuenak ez dira emankorrenak
Amatiño
2017/11/14 09:00
Datorren urteko aurrekontuak direla-eta, nago, uste dut, oro har bi eratako politikariak daudela. Batetik, erakundeen kudeaketaren garrantzia azpimarratzen dutenak eta, bestetik, zer gerta ere, etenik gabeko aldarrikapen kanpolarrosetan aritu ohi direnak.
Teide, “infernurik” gorena
Amatiño
2017/11/10 11:20
Teideko Parke Nazionala (Unescoren Mundu Ondarea), Tenerifen, munduko seigarren parke naturalik bisitatuena da eta Espainiako lehena. Lau miliotik gora bisitari izan zituen iaz, Picos-de-Europa delakoak baino bi bider gehiago, Ordesak baino sei-zazpi aldiz gehiago eta Doñanak baino hamahiru bider gehiago. Lau milioi ikusliar horietatik %2k besterik ez dute gailurrera igotzeko baimenik lortu izaten. Hau da, eguneko, 200 lagunek baino ez.
Ñabardura kontua
Amatiño
2017/11/07 11:05
Ez da gero, batere erraza ulertzea, zelan arraio izan daitekeen, Katalunian geratu ziren Oriol Junqueras presidente-ordea eta zazpi kontseilariak ziztu bizian kartzelan amaitzea, eta Bruselara hanka egin zuten Puigdemont presidentea eta beste lau gobernukideak, aldiz, kalean gelditzea.
Langabezia, 2009 urtekoaren pareko
Amatiño
2017/11/04 00:05
Euskal Autonomia Erkidegoaren ekonomia %2,9 hazi da azken hamabi hilabeteotan eta langabezia, berriz, %5 inguru murriztu. Urtebete berean, Nafarroan %4 edo gutxitu da lanik eza eta Espainian, oro har, %18. Horretara, nahiz Estatuan langabezia handiagoa izan, hobekuntzaren erritmoa ere nabarmen handiagoa da.
Berriro ere hauteskundeak
Amatiño
2017/10/31 10:20
Kataluniako gatazkaren ardatz-ardatzean daude, gaur egungo eztabaida politikoan elkarren kontra ari diren ideia nagusi bi. Batek dio, Espainia zatiezina dela. Besteak, Kataluniak erabakitzeko eskubidea duela. Baina, ez dira egia. Ez bata eta ez bestea ez dira ezinbestekoak. Bata zein bestea, zilegizko aldarrikapen politikoak dira, baina ez aldatu edo eztabaidatu ezinezko printzipioak.
“Handia”ren tristura
Amatiño
2017/10/27 14:05
Segurutik "Handia" film ona da, on samarra izateko baldintza objektibo guztiak betetzen dituelako; ez nuke, ostera,'polita' denik esango. Niri behintzat ikaragarrizko tristura sortarazi zidan, eta ez dut uste tristura eta polita elkarrekin ezkondu daitezkeenik.