Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog

e-gorren blog pertsonala (komikiak, informatika eta beste)

Bruno Duhamel-en "Itzulera"

e-gor 2017/12/21 17:52
Harriet etxearen urteko zortzigarren euskarazko komikia
Bruno Duhamel-en "Itzulera"

Irudia: Bruno Duhamel

Eta honekin, Harriet argitaletxearen udazkeneko laugarren nobedadea osatzen dugu (urte honetako zortzigarrena!). Bruno Duhamelen Itzulera hau Bamboo etxeak atera du Frantzian aurten bertan. Urte askoan zehar nazioartean ibili den arkitekto eta artista famatu bat bere sorterri irlara itzultzen da espekulazio turistikoari aurre egiteko, baina hilik suertatzen da...

Xabiroiren 10. albuma: Santa Familia

e-gor 2017/12/13 21:01
Familiaren instituzio sakratuaren kontraesanetan sartzen du hatza Eider Rodriguez eta Julen Ribasen komikiak
Xabiroiren 10. albuma: Santa Familia

Irudia: Julen Ribas

Xabiroi aldizkaria aurrera doa bere orrietan atalka argitaratutako istorioen urteroko albumekin, eta jada 10.era iritsi da. Zenbaki esanguratsua Santa Familia ederrari tokatu zaio.

Eider Rodriguezek idatzitako istorioak familiaren instituzioan eta bere tradizio ukiezinetan arakatu nahi du, baina modu dibertigarri, atsegin, apur bat aztoragarri eta sorpresaz betean. Zientzia fikzioz ere badu. Senar-emazte bikotea eta alaba batez osatutako familia bat du protagonista, itxuraz "tradizional" eta "normal" dena baina azpian gauza gehiago ezkutatzen duena... Komikia Julen Ribasen irudi zoragarriez hornitua dago. Akuarelaz margotuta dago dena, egun ohikoena den ordenagailu bidezko kolorea beharrean.

Datorren astelehenean, hilak 18, arratsaldeko 19:00etan Arrasateko Bibliotekan solasaldia egingo dugu Santa Familiaren inguruan, Eider eta Julenen presentziarekin eta neuk dinamizatuta. Gonbidatuak zaudete bertara agertzera, komikia irakurrita izan edo ez, berau eta egileak hobeto ezagutzeko edo haien inguruko edozein galdera egiteko. Ez galdu aukera!

Waluk, hartz zuri txiki baten abenturak

e-gor 2017/12/11 17:53
Astiberrik orain euskaraz ere atera du Emilio Ruiz eta Ana Mirallesen komiki hau
Waluk, hartz zuri txiki baten abenturak

Irudia: Ana Miralles

Waluk hartz zuria, bere amak bakarrik utzi ondoren, hartz zahar marmarti bati atxikiko zaio bizitzan aurrera egin ahal izateko. Sentimenduz betetako eta adin guztietarako komikia ondu zuten 2011n Emilio Ruiz gidoilariak eta Ana Miralles marrazkigileak, Astiberri etxeak orain euskaraz ere dakarkiguna.

Clémentineren bizipenen bigarren albuma

e-gor 2017/12/09 20:10
Harriet argitaletxeak atera du Markok marrazten duen eta Frantzian arrakastatsua izaten ari den komiki hau
Clémentineren bizipenen bigarren albuma

Irudia: Marko

Marko gure laguna arrakasta handia izaten ari da Frantzian Bambook ateratzen duen eta Harriet argitaletxeak gurera dakarkigun sail honekin. Urte hasieran saileko lehen albuma atera bazuen, Autobusa berriro bera gabe abiatu zen egunekoa, orain bigarrena argitaratu du, Neska hura hegan hasi zen eguna. Clémentinek bere burua eta zoriontasuna aurkitzeko bidearekin jarraitzen du. Marrazkiak Markorenak dira, gidoia BeKarena eta koloreak Maëla Cossonenak.

"Eusklabo alaiak", Asiskoren komiki berria

e-gor 2017/12/06 19:28
Gure Berriak elkarteak atera du kolonizazioaz eta independentziaz hausnartzeko umorezko komiki satiriko-politiko hau
"Eusklabo alaiak", Asiskoren komiki berria

Irudia: Asisko

Asisko Urmenetak komiki politiko satirikoa atera du Gure Berriak taldearen eskutik, Eusklabo alaiak, 120 orriko komiki mardula. Intzura Handia irlan (Bidasoa ibaian jabetza tartekatua duen irlan) bizi dira Robinson naufragoa, zibilizazioaren eramaile uste den inperialista, eta Ostiral, ohartu gabe eta pozik haren e(u)sklabo dena. Protagonista hauen sketch-ek bizi dugun autonomismoz eta ustezko aldebikotasunez mozorrotutako kolonizazioaz (edo robinsonizazioaz) eta independentziaz hausnartzera eramango gaitu modu bikainean. Egilearengan ohikoa den estiloan, aipu eta kontu historikoz, hitz jokoz, umorez eta irudi eroz betetako askapen ariketa da Eusklabo alaiak. Egilearen beraren hitzetan “(t)eleberri grafikoa, emantzipazio mentala, soziala eta nazionala solas... eta bukaera zoriontsuaz!”.

Bide batez, Intxaurrondoko Kultur Etxeak antolatzen dituen eta nik gidatzen ditudan komiki solasaldietan komiki hau izango dugu gaitzat, egilea present izango den saioan, urtarrilaren 9an. Komikia eta egilearen ikuspegia hobeto ezagutzeko parada ezin hobea.

Sorgin seinalea berrargitaratu du Harriet argitaletxeak

e-gor 2017/12/05 18:57
Lau albumez eta estraz osatuta, Gregorio Muro eta Daniel Redondoren hau 1980ko hamarkadako euskal komikiaren klasikoetako bat da
Sorgin seinalea berrargitaratu du Harriet argitaletxeak

Irudia: Daniel Redondo

Zalantzarik gabe, aurtengo nobedade izarretako bat. Justin Hiriarten baimenarekin, 1980ko hamarkadan Gregorio Muro Harriet gidoilariak egindako komiki-sailetatik ezagunena izango da Sorgin seinalea. Bost albumez osatuta zegoen saila euskaraz Habeko Mik-ek argitaratu zuen, eta Frantzian ere atera zen. Hala ere, azken albuma erabat osatugabea zegoen, komikiaren krisiak saila bertan behera uztea ekarri baitzuen. Lehenengo lauak bildu ditu Harriet argitaletxeak edizio eder batean, frantsesezko argitalpenean soilik atera ziren edo argitaratu gabe zeuden orri osagarri batzuk barne. XVII. mendeko euskal sorginen ehiza du gai nagusia baina ez bakarra. Izan ere, inkisiziotik ihes egin behar duten emakume protagonistek Europako hainbat herritan zehar biziko dituzte abenturak. Liburu guztiz gomendagarria, Daniel Redondoren marrazki eta kolore liluragarriez hornitua.

"Arditutakoak": Bertsolari aldizkariaren zenbaki bat berriz ere komikia da

e-gor 2017/11/30 20:04
Mikel Begoñak idatzi du Ameriketara joandako euskal artzainei buruzko istorioa eta Adurrek marraztu
"Arditutakoak": Bertsolari aldizkariaren zenbaki bat berriz ere komikia da

Irudia: Adur

Bertsolari aldizkariaren 2017ko neguko zenbakia komiki bat da. Aldizkarian atalka eta osatu gabe ateratako komiki bat hartu eta komiki osoarekin aldizkariaren zenbaki berezi bat osatzearena lehenago ere egina zuen, Nork komikiarekin hain zuzen ere. Hori bera da Mikel Begoña gidoilariak eta Adur marrazkigileak ondutako Arditutakoak hau ere. Ameriketara aberasteko asmotan joandako euskal artzainek protagonizatutako road movie ero bat da Arditutakoak. Izenburuak bakardadeak erotutako euskal artzainei jartzen zieten izenari egiten dio erreferentzia. Artzain haiek benetan jarritako bertsoz hornituta dago komikia, eta amaieran haien historia dokumentatzen da. Komikitrailerra ere egin dute! Eta ederrak dira biak, komikia eta trailerra!

"Zulo bat oroimenean", Harriet argitaletxearen udazkeneko lau nobedadeetako bat

e-gor 2017/11/26 19:55
Nobela beltz klasikoa da Roger Seiter eta Pascal Regnauld-en komiki hau
"Zulo bat oroimenean", Harriet argitaletxearen udazkeneko lau nobedadeetako bat

Irudia: Pascal Regnauld

Harriet argitaletxeak Frantziatik gurera ekarri duen beste komiki bat: Zulo bat oroimenean. Éditions du long bec argitaletxearen serie honek bi album zituen, eta orain euskaraz biak irakur ditzakegu tomo bakarrean. Roger Seiterrek idatzitako nobela beltz honetan hilketa baten ikerketa eta oroimena galdu duen susmagarriaren bere buruaren aurkikuntza paraleloan joango dira. Pascal Regnaulden marrazkiak ditu komiki honek, nobela beltz bati dagokion moduko ia zuri-beltzean (tonu horixka dute eguneko eszenek eta urdinxka gauekoek, nabarmentzeko noizbehinka erabiltzen duen gorriaz gain). Benetan gomendatzekoa.

Beste bi Xabiroi

e-gor 2017/11/15 19:30
Ekaineko eta urriko zenbakiak
Beste bi Xabiroi

Irudia: Xabiroi

Ikastolen Elkarteak ateratzen duen Xabiroi aldizkariaren ekaina eta urriko zenbakien edukien berri ematera gatozkizue. Ia zenbaki denetan bezala, hau aurkituko duzue bietan:

  • Nik egiten dudan Albisteen txokoa
  • Xabiroienea banda bertikala, Sergio eta Aritzen eskutik
  • Sanviren Auzomorroren bi orri
  • Zaldieroaren Arranotxu umorezko bi orriak
  • Asiskoren Hor konpost, Manu Ortegaren Haizea eta Exprairen Pertza ustelaren gogoeta antzuak bandak

Horiez gain, ekaineko zenbakiak, 44.ak, Guillermo Gonzalezen azal ederraz gain, sailen atal edo istorio hauek dakartza

Eta 45 zenbakia eta Dei Gaztelumendiren azal zoragarria duen urrikoan beste hau:

Ikusten duzuenez, beti bezain eduki interesgarri eta kalitatezkoak!

Bada tenorea!, Berako Isidoro Fagoaga tenorearen bizitza komikian

e-gor 2017/11/12 13:45
Jon Abrilen gidoia eta Joseba Larratxeren marrazkiak ditu Berako Udalak argitaratuko komiki labur honek
Bada tenorea!, Berako Isidoro Fagoaga tenorearen bizitza komikian

Irudia: Joseba Larratxe

Isidoro Fagoaga beratarra tenor ospetsua izan zen bi mundu gerren arteko garaian. Europa eta Amerikako opera-antzoki entzutetsuenetan aritu zen, Milango La Scala tartean. 1937an utzi zion kantatzeari, Gernikako bonbardaketaren ondoren eta haren kausaz. Orain, bonbardaketaren 80. urteurrena bete denean, Fagoagaren jaioterrian hura oroitzeko hainbat ekitaldi egiten ari dira, eta tartean bere bizitza kontatzen duen komiki bat argitaratu du Berako Udalak, Bada tenorea!. Jon Abrilen gidoia eta Joseba Larratxe Joseviskyren irudiak ditu 6 orriko komiki xume baina polit honek.

e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 15etara Elhuyarren lan egiten du eta arratsaldeak neskarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
  • Harpidedunak:
  • e-gorren blog pertsonala (komikiak, informatika eta beste) RSS jarioa
  • E-mail harpidetza
  • Twitter-en jarraitu:
  • Erantzunen harpidetza
  • Harpidedunak:
  • RSS jarioa
  • E-mail harpidetza
  • Artxiboa
    2004 2005 2006 2007 2008 2009 2010 2011 2012 2013 2014 2015 2016 2017 2018
    Artikulu aipagarriak

    MythTV sorta
    2004/11

    "Pololoak" sorta
    2004/11-12 - 2006/10-12 - 2007/02-03

    Monoblogoa
    2005/01/11

    "Persepolis", xalotasunaren sakontasuna
    2005/01/25

    Elgetako Blogs&Beers 2005: nire inpresioa eta moblogging kontuak
    2005/04/18

    Firefox eta bere plugin zoragarriak
    2005/05/11

    "El País"-en komiki bilduma
    2005/05/15

    Euskarazko bi blog berri (bai, beste bi, baina hauek bereziak dira!)
    2005/05/25

    "Watchmen" sorta
    2005/09-11 - 2006/10 - 2007/10 - 2008/07

    "La cárcel de papel"-eko "Mis tebeos favoritos" saila I: 1etik 20ra
    2005/11/08

    "Goienkaria"-n agertu naiz
    2005/12/08

    Komikiak eta euskal rock-a
    2005/12/14

    Ruben Arozena "Ruben" komikigilea hil da
    2006/01/02

    Zope-rako DTML Calendar Tag produktua, euskaraz
    2006/02/01

    "Joyas Literarias Juveniles" bilduma, osorik eMule-n
    2006/08/05

    Argazkigintza eta DRM-a
    2006/10/09

    Paul Auster eta Euskararen Herria
    2006/10/29

    Angoulême sorta
    2007/01-02

    Gaur duela 25 urte nire bizitza aldatu zen
    2007/04/23

    Hergé-ren defentsan
    2007/05/22

    Ubuntu-ren bertsio berria, hobekuntza askorekin
    2007/07/02

    OLPC sorta
    2007/12 - 2008/01

    Guillermo Zubiaga, Marvel-eko komikilari euskalduna
    2008/02/05

    Asus EEE PC, ordenagailu txiki eta merkeen hurrengo sorta
    2008/03/11

    Agur, Ipurbeltz, agur... :-(
    2008/08/04

    "Café Budapest", gizatasuna eta bizikidetzaren aldeko aldarria
    2008/08/25

    "Arturo Erregea" serie mitikoa, Euskal Encodings-en! (beste askorekin batera)
    2008/09/17

    "Gazteak", beste serie mitiko bat euskaraz eskuragai!
    2008/10/14

    Pottokiek 50 urte!
    2008/10/22

    Europan ere OLPC-ren XO ordenagailuak erosteko aukera!
    2008/11/12

    Microsoft-en web zerbitzuetako gehienak, euskaraz!
    2008/12/04

    "Heroes"-en 2. denboraldia: ETB kirtenkeria errepikatzera, eta Euskal Encodings konpontzera
    2009/01/23

    I. Euskal OLPC Party-a, apirilaren 23an Donostiako Doka kafe antzokian
    2009/04/16

    Elkarrizketa egin didate 7K-n
    2009/06/03

    Azpiriren Spectrum-entzako jokoen azalak liburu batean
    2009/10/06

    Asterix, heroi garaitua
    2009/10/29

    "Ihes ederra", euskarazko komikigintzaren heldutasunaren konfirmazioa
    2009/11/13

    Pololoak 3: The making of
    2009/11/22

    5 urte 5!
    2009/12/15

    Nobela grafikoa, komikien prestigiorako ala mespretxurako?
    2009/12/20

    "Pololoak 3 - Atxeritoko balada", trilogiaren amaiera borobila
    2010/01/13

    Sinclair ZX Spectrum bat oparitu didate!
    2010/01/19

    Zergatik ez dudan liburu elektronikorik erosiko (gauzak aldatzen ez diren artean)
    2010/01/27

    Errealitate areagotua: munduaren pertzepzioa aberasten
    2010/02/09

    e-gorblog, "Nick dut nik" telebista saioan
    2010/05/20

    Sarearen neutraltasunari erasoak: Interneten izaera arriskuan
    2010/06/02

    "Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
    2010/07/22

    Sistema eragileen guda berria
    2010/12/14

    Anubis 3.0 albumarentzat 3D animazio ederra
    2010/12/27

    Telebistaren benetako iraultza hemen da, eta ez da LTDa
    2011/01/10

    "Asterix galiarra" eta "Urrezko igitaia" berrargitaratu ditu Salvatek
    2011/01/13

    Euskarazko komikigintza digitalizazioaren aurrean
    2011/01/27

    "Ihes ederra"ren gaztelaniazko eta katalanezko bertsioak eta "Alokairuan", kalean
    2011/02/20

    Star Wars jatorrizko trilogia, euskaraz
    2011/03/21

    Sare sozialetan preso
    2011/04/06

    Zer dudan Steve Jobsen, edo Appleren, aurka
    2011/10/14

    Gaur 100 urte Adèle Blanc-Sec-en abenturak hasi zirela
    2011/11/04

    Euskarazko 8 komiki berri
    2011/12/02

    Social networks killed the RSS star?
    2012/06/10