Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog

e-gorren blog pertsonala (komikiak, informatika eta beste)

"Kemena", irudimen eta kemen bidezko hiru neskatoren superazio istorioak

e-gor 2018/02/02 19:59
Denonartean etxearen eskutik datorkigu Garazi Albizuaren komiki ederra
"Kemena", irudimen eta kemen bidezko hiru neskatoren superazio istorioak

Irudia: Garazi Albizua

Denonartean argitaletxeak dakarkigu Garazi Albizuaren komiki eder hau, Kemena. Amane, Kattalin eta Mari hainbat arazo eta beldur dituzten hiru neskato dira, eta horiei aurre egiten diete kemenez eta irudimenez. Irudi maitekor eta xaloak ditu, istorioa bezalakoxeak.

"Ondo maite nazazu: Tratu txarreko istorio bat", genero-indarkeria lehen pertsonan eta komikian

e-gor 2018/01/30 21:22
Rosalind B. Penfold-en komikia Astiberrik argitaratu du, Bizkaiko Foru Aldundiaren Emakumea Babesteko eta Familiei Laguntzeko Zerbitzuak finantzatuta
"Ondo maite nazazu: Tratu txarreko istorio bat", genero-indarkeria lehen pertsonan eta komikian

Irudia: Rosalind B. Penfold

"Jaizkibel Konpainia. 20 urte" komikia, Iñigo Goikoetxearena

e-gor 2018/01/23 21:15
Konpainiako kide den Iñigo Goikoetxea hondarribiarrak egin eta autoeditatu du komikia, Alternatibaren laguntzarekin
"Jaizkibel Konpainia. 20 urte" komikia, Iñigo Goikoetxearena

Irudia: Iñigo Goikoetxea

Hondarribiko Alardean partehartze parekidea bultzatzen duen Jaizkibel Konpainiak 20 urte bete dituela-eta, komiki bidez kontatu nahi izan dute bere historia. Konpainiako kide den Iñigo Goikoetxea Galgo hondarribiarrak egin eta autoeditatu du Jaizkibel Konpainia. 20 urte komikia, Alternatibaren laguntzarekin. Komikiaren lehen zatian Alardearen historia kontatzen du Iñigok, eta bigarrenean Jaizkibel Konpainiarena. Hau bai benetako superheroien istorioa, eta ez fikziozko beste horienak!

"De rerum natura 7" atera du Elkarrek

e-gor 2018/01/21 11:07
Zaldieroaren Berriako zinta komiko ezagunen bildumako 7. alea
"De rerum natura 7" atera du Elkarrek

Irudia: Zaldieroa

Patxi Huarte Zaldieroak Berria egunkarian egunero argitaratzen du De rerum natura zinta ezaguna. Beno, Patxik berak eta Berriak erabiltzen duten zinta terminoa baino, Euskaltzaindiaren Literatura Terminoen Hiztegiko komiki-banda terminoa da apika egokiagoa kasu honetarako, benetako "banda" bat agertzen baitigu egunero-egunero bertan Zaldieroak: La pelota basqua, Azken antxoa, Urkullu, Yoda... Bi urtean behin haien hautaketa batekin liburu bat ateratzen du Elkar argitaletxearekin. Zazpigarrenari tokatu zaio orain: De rerum natura 7. Eta beste aunitzez jarrai dezala!

Mikel Anteroren "Lami, Bidaiaren hasiera" argitaratu du Gaztezulok

e-gor 2018/01/10 21:35
Jarraipena izateko asmoa duen euskal mitologiaren inguruko komiki labur batez eta bestiario batez osatua dago tapa gogorreko liburuxka
Mikel Anteroren "Lami, Bidaiaren hasiera" argitaratu du Gaztezulok

Irudia: Mikel Antero

Gaztezulo gazteentzako aldizkariak Lami, bidaiaren hasiera liburua atera du, Mikel Anteroren gidoia eta irudiekin. Izenburuan adierazten denez, euskal mitologiako pertsonaietan oinarritutako istorio bat da. Liburuxka honetako istorio laburrarekin hasten den sailean tartaloak, galtzagorriak, lamiak, intxixuak, Mari eta herensugeak bezalako pertsonaiak ikusiko ditugu abenturak bizitzen. Eta istorioaz gain, pertsonaia horietako bakoitzaren inguruko ilustrazio eta azalpenez osatutako bestiario bat ere dakar liburuxkak. Jarraipenaren zain gelditzen gara!

"Zonbat diru, hainbat miru": Euskal Herriko kultura, politika, turismoa eta beste hainbat gairen inguruko kontuak, saiek protagonizatutako istorio ganberroan

e-gor 2018/01/07 13:09
ZTK etxeak argitaratu du Pxix-en (Pantxis Bidart) gidoia eta TTipilo-ren (Leo Saint-Arroman) irudiak dituen komiki hau
"Zonbat diru, hainbat miru": Euskal Herriko kultura, politika, turismoa eta beste hainbat gairen inguruko kontuak, saiek protagonizatutako istorio ganberroan

Irudia: TTipilo

Iparraldeko ZTK argitaletxearen eskutik datorkigu bukatu berri zaigun 2017 urteko uzta mardula gizentzera datorren euskarazko komiki hau: Zonbat diru, hainbat miru. Pxix ezizenez sinatzen duen Pantxis Bidarten gidoia eta bere burua TTipilo gisa agertzen duen Leo Saint-Arromanen marrazkiak ditu zuri beltzezko album formatuko komiki honek. Sai batzuen koadrila bat da bertan kontatzen zaigun istorioen protagonista, eta sai horien ikuspegitik eta saiok aitzakia hartuta Euskal Herriko (bereziki, Ipar Euskal Herriko) kultura, politika, turismo eta beste hainbat gaien inguruko kontuak dakarzkigute egileek, umorezko istorio ganberroan. On egin!

Bruno Duhamel-en "Itzulera"

e-gor 2017/12/21 17:52
Harriet etxearen urteko zortzigarren euskarazko komikia
Bruno Duhamel-en "Itzulera"

Irudia: Bruno Duhamel

Eta honekin, Harriet argitaletxearen udazkeneko laugarren nobedadea osatzen dugu (urte honetako zortzigarrena!). Bruno Duhamelen Itzulera hau Bamboo etxeak atera du Frantzian aurten bertan. Urte askoan zehar nazioartean ibili den arkitekto eta artista famatu bat bere sorterri irlara itzultzen da espekulazio turistikoari aurre egiteko, baina hilik suertatzen da...

Xabiroiren 10. albuma: Santa Familia

e-gor 2017/12/13 21:01
Familiaren instituzio sakratuaren kontraesanetan sartzen du hatza Eider Rodriguez eta Julen Ribasen komikiak
Xabiroiren 10. albuma: Santa Familia

Irudia: Julen Ribas

Xabiroi aldizkaria aurrera doa bere orrietan atalka argitaratutako istorioen urteroko albumekin, eta jada 10.era iritsi da. Zenbaki esanguratsua Santa Familia ederrari tokatu zaio.

Eider Rodriguezek idatzitako istorioak familiaren instituzioan eta bere tradizio ukiezinetan arakatu nahi du, baina modu dibertigarri, atsegin, apur bat aztoragarri eta sorpresaz betean. Zientzia fikzioz ere badu. Senar-emazte bikotea eta alaba batez osatutako familia bat du protagonista, itxuraz "tradizional" eta "normal" dena baina azpian gauza gehiago ezkutatzen duena... Komikia Julen Ribasen irudi zoragarriez hornitua dago. Akuarelaz margotuta dago dena, egun ohikoena den ordenagailu bidezko kolorea beharrean.

Datorren astelehenean, hilak 18, arratsaldeko 19:00etan Arrasateko Bibliotekan solasaldia egingo dugu Santa Familiaren inguruan, Eider eta Julenen presentziarekin eta neuk dinamizatuta. Gonbidatuak zaudete bertara agertzera, komikia irakurrita izan edo ez, berau eta egileak hobeto ezagutzeko edo haien inguruko edozein galdera egiteko. Ez galdu aukera!

Waluk, hartz zuri txiki baten abenturak

e-gor 2017/12/11 17:53
Astiberrik orain euskaraz ere atera du Emilio Ruiz eta Ana Mirallesen komiki hau
Waluk, hartz zuri txiki baten abenturak

Irudia: Ana Miralles

Waluk hartz zuria, bere amak bakarrik utzi ondoren, hartz zahar marmarti bati atxikiko zaio bizitzan aurrera egin ahal izateko. Sentimenduz betetako eta adin guztietarako komikia ondu zuten 2011n Emilio Ruiz gidoilariak eta Ana Miralles marrazkigileak, Astiberri etxeak orain euskaraz ere dakarkiguna.

Clémentineren bizipenen bigarren albuma

e-gor 2017/12/09 20:10
Harriet argitaletxeak atera du Markok marrazten duen eta Frantzian arrakastatsua izaten ari den komiki hau
Clémentineren bizipenen bigarren albuma

Irudia: Marko

Marko gure laguna arrakasta handia izaten ari da Frantzian Bambook ateratzen duen eta Harriet argitaletxeak gurera dakarkigun sail honekin. Urte hasieran saileko lehen albuma atera bazuen, Autobusa berriro bera gabe abiatu zen egunekoa, orain bigarrena argitaratu du, Neska hura hegan hasi zen eguna. Clémentinek bere burua eta zoriontasuna aurkitzeko bidearekin jarraitzen du. Marrazkiak Markorenak dira, gidoia BeKarena eta koloreak Maëla Cossonenak.

e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 15etara Elhuyarren lan egiten du eta arratsaldeak neskarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
  • Harpidedunak:
  • e-gorren blog pertsonala (komikiak, informatika eta beste) RSS jarioa
  • E-mail harpidetza
  • Twitter-en jarraitu:
  • Erantzunen harpidetza
  • Harpidedunak:
  • RSS jarioa
  • E-mail harpidetza
  • Artxiboa
    2004 2005 2006 2007 2008 2009 2010 2011 2012 2013 2014 2015 2016 2017 2018
    Artikulu aipagarriak

    MythTV sorta
    2004/11

    "Pololoak" sorta
    2004/11-12 - 2006/10-12 - 2007/02-03

    Monoblogoa
    2005/01/11

    "Persepolis", xalotasunaren sakontasuna
    2005/01/25

    Elgetako Blogs&Beers 2005: nire inpresioa eta moblogging kontuak
    2005/04/18

    Firefox eta bere plugin zoragarriak
    2005/05/11

    "El País"-en komiki bilduma
    2005/05/15

    Euskarazko bi blog berri (bai, beste bi, baina hauek bereziak dira!)
    2005/05/25

    "Watchmen" sorta
    2005/09-11 - 2006/10 - 2007/10 - 2008/07

    "La cárcel de papel"-eko "Mis tebeos favoritos" saila I: 1etik 20ra
    2005/11/08

    "Goienkaria"-n agertu naiz
    2005/12/08

    Komikiak eta euskal rock-a
    2005/12/14

    Ruben Arozena "Ruben" komikigilea hil da
    2006/01/02

    Zope-rako DTML Calendar Tag produktua, euskaraz
    2006/02/01

    "Joyas Literarias Juveniles" bilduma, osorik eMule-n
    2006/08/05

    Argazkigintza eta DRM-a
    2006/10/09

    Paul Auster eta Euskararen Herria
    2006/10/29

    Angoulême sorta
    2007/01-02

    Gaur duela 25 urte nire bizitza aldatu zen
    2007/04/23

    Hergé-ren defentsan
    2007/05/22

    Ubuntu-ren bertsio berria, hobekuntza askorekin
    2007/07/02

    OLPC sorta
    2007/12 - 2008/01

    Guillermo Zubiaga, Marvel-eko komikilari euskalduna
    2008/02/05

    Asus EEE PC, ordenagailu txiki eta merkeen hurrengo sorta
    2008/03/11

    Agur, Ipurbeltz, agur... :-(
    2008/08/04

    "Café Budapest", gizatasuna eta bizikidetzaren aldeko aldarria
    2008/08/25

    "Arturo Erregea" serie mitikoa, Euskal Encodings-en! (beste askorekin batera)
    2008/09/17

    "Gazteak", beste serie mitiko bat euskaraz eskuragai!
    2008/10/14

    Pottokiek 50 urte!
    2008/10/22

    Europan ere OLPC-ren XO ordenagailuak erosteko aukera!
    2008/11/12

    Microsoft-en web zerbitzuetako gehienak, euskaraz!
    2008/12/04

    "Heroes"-en 2. denboraldia: ETB kirtenkeria errepikatzera, eta Euskal Encodings konpontzera
    2009/01/23

    I. Euskal OLPC Party-a, apirilaren 23an Donostiako Doka kafe antzokian
    2009/04/16

    Elkarrizketa egin didate 7K-n
    2009/06/03

    Azpiriren Spectrum-entzako jokoen azalak liburu batean
    2009/10/06

    Asterix, heroi garaitua
    2009/10/29

    "Ihes ederra", euskarazko komikigintzaren heldutasunaren konfirmazioa
    2009/11/13

    Pololoak 3: The making of
    2009/11/22

    5 urte 5!
    2009/12/15

    Nobela grafikoa, komikien prestigiorako ala mespretxurako?
    2009/12/20

    "Pololoak 3 - Atxeritoko balada", trilogiaren amaiera borobila
    2010/01/13

    Sinclair ZX Spectrum bat oparitu didate!
    2010/01/19

    Zergatik ez dudan liburu elektronikorik erosiko (gauzak aldatzen ez diren artean)
    2010/01/27

    Errealitate areagotua: munduaren pertzepzioa aberasten
    2010/02/09

    e-gorblog, "Nick dut nik" telebista saioan
    2010/05/20

    Sarearen neutraltasunari erasoak: Interneten izaera arriskuan
    2010/06/02

    "Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
    2010/07/22

    Sistema eragileen guda berria
    2010/12/14

    Anubis 3.0 albumarentzat 3D animazio ederra
    2010/12/27

    Telebistaren benetako iraultza hemen da, eta ez da LTDa
    2011/01/10

    "Asterix galiarra" eta "Urrezko igitaia" berrargitaratu ditu Salvatek
    2011/01/13

    Euskarazko komikigintza digitalizazioaren aurrean
    2011/01/27

    "Ihes ederra"ren gaztelaniazko eta katalanezko bertsioak eta "Alokairuan", kalean
    2011/02/20

    Star Wars jatorrizko trilogia, euskaraz
    2011/03/21

    Sare sozialetan preso
    2011/04/06

    Zer dudan Steve Jobsen, edo Appleren, aurka
    2011/10/14

    Gaur 100 urte Adèle Blanc-Sec-en abenturak hasi zirela
    2011/11/04

    Euskarazko 8 komiki berri
    2011/12/02

    Social networks killed the RSS star?
    2012/06/10