Dokumentu Akzioak
e-gorblog
"Gazteak", beste serie mitiko bat euskaraz eskuragai!
Euskal Encodings-en eskutik berriz ere
Aurrekoan, Arturo erregeaz ari ginela, esaten genuen apenas dagoela marrazki bizidunetako gaztetxoentzako serierik euskaraz DVDn, eta ETB1en ere oso gutxi ematen dituztela. Ba irudi errealeko helduentzako serieetan panorama are okerragoa da. Urteak dira ETBk erosten dituen kanpoko serie guztiak ETB2n eta gazteleraz ematen dituela, ETB1 bertako produkziora mugatuz (honen salbuespen bakarra Heroes seriea izan da, eta hala ere gauza oso arraroa egin zuten: euskarara doblatu bai baina gero ETB2n eman, dualean emitituko zutela esan eta gero bete ez, euskarazko doblajea DVDrako soilik utzi...). Noiz izango ditugu kanpoko serieak euskaraz berriz?
Lehen bai, lehen ematen zituzten irudi errealeko atzerriko serieak euskaraz, eta onak gainera: Cagney eta Lacey, Ederra eta piztia, Emakume bionikoa, Magnum, Quantum jauzia, Simon eta Simon, Ilunabar aldea, Epailea eta pilotua, Dallas, Eskugorri taldea, Gazte bizkorrak... Eta onenetakoa, zalantzarik gabe, Gazteak (The young ones), britaniar komedia surrealista eroa. Garai haiek bizitako nor ez da gogoratzen Neil hippyaz, Rick anarkistaz, Vyvyan punkyaz, Mike rockabillyaz edo Jerzei Balowsky maizterraz?
Ba Euskal Encodings-ekoei esker, berriz ere gozatu ahal izango dugu serie honekin, eta euskaraz! Bertan jarri dituzte seriearen 12 kapituluak, gu guztion gozamenerako. On egin!
ze ona!!
ETB1ekin hazitakoa
zure zerrendara gehitzeko:
"Xanfarin eta andere King" (wikipedian: http://en.wikipedia.org/wiki/Scarecrow_and_Mrs._King)
"Riptide" (http://en.wikipedia.org/wiki/Riptide_(TV_series)
ETB1 hasi zenean, justu-justuan 7 urte nituen, eta oraindik gogoratzen dut nola programazioa betetzeko bideo musikalak jartzen zituztela, musika klasikokoak gogoratzen ditut nik...
garai hori bai dagoela nire imaginarioan sartuta...
oroitzapenak.....
ai ene...zelako denborak...