Zaharraren amiltze psikologikoa
Amatiño
2011/02/11 17:00
Mubarak-en jarrera bere herriaren historiara gaiztotzat, galtzailetzat eta gertaera lotsagarritzat pasatu nahi ez duen zaharraren beldurra besterik ez da. Kostata baina, azkenean, inork maite ez duela konturatu den herri-salbatzailearen gainbeherakada. Jauntxoaren estrategia politikoa baino gehiago, gizajoaren amiltze psikologikoa. Eta ez dut uste horrelakorik Egipton bakarrik gertatzen ari denik.
Erantzunik ez
Ikertzaileak politikan
Amatiño
2011/02/11 00:05
Bildu behar izan dut, Madrilen, Espainiako gobernu sozialistaren agindupean azken urteotan behin behineko ardura politikoak dituzten hainbat zientzialari eta ikertzailerekin. Jende jakintsua batere zalantzarik gabe, profesionala, irekia eta atsegina.
Petrolioaren salneurriaren gorabeherak
Amatiño
2011/02/09 14:00
Ezer gutxi merketzen da egungo merkatuan baina, hala ere, nabarmen samarra da zein gorabehera handiak egiten dituen petrolioak. Zergatik ote? Erantzuna ez da bat bakarra, denetariko arrazoiak dira: eskasia, eskabidearen hazkuntza, geoestrategia, nazioarteko tentsioak, espekulazioa, gainerako energiekiko lehiakortasuna...
Egia sinestezinaren indarra
Amatiño
2011/02/08 10:00
Sinestezinaren sinestezinez, inoiz gertatu izan ez balitz erabat aspergarria litzateke ikuskizuna, baina egiak fikzioa gainditzen duenean… ezina, ekina, egina. Alegia, zer gerta ere, gertatuz gero, sinetsi egin behar, egia baita. Hau da, hain zuzen, “127 ordu” filmaren baliorik nagusiena, duela zazpi urte Utahko basamortuan gertatua kontatzen digula.
Klik egitea ez da arrautza errutea
Amatiño
2011/02/06 22:05
Kulturaz, hizkuntzaz, ingurumenaz, ekonomiaz, kontsumoaz, energiaz, garraioaz... ez da sekula aldarri-errulerik falta izan. Baina, aspaldi honetan, hainbatek uste du arrautza errutea klik egitea besterik ez dela.
Olatutzarrak, Deban
Amatiño
2011/02/05 21:23
Olatutzarrak gaur Deban, Sorginetxe pare-parean, lehorretik oso metro gutxira. Eguraldi eguzkitsuaren laguntzaz, sekulako ikuskizuna gero, bertatik bertara.
Argindarraren zorra
Amatiño
2011/02/03 23:30
Espainiar merkatuko kontsumitzaileak ez du argindarra balio duen beste ordaintzen eta, gainera, banaka batzuek edo izan ezik, jenderik gehienak ez daki behar baino gutxiago ordaintzen diharduenik, zorra bere bizkar handitzen ari denik alegia. Argindar-kostuaren eta ordain-fakturaren arteko bitartea 14.000 milioi eurokoa da. Hau da, batez beste, espainiar familia bakoitzak mila euro inguru zor du argitan. Eta ez daki.
Berme europarra
Amatiño
2011/02/02 23:00
Europako Ezarpen Bankuak 195 milioi euroren maileguaz bermatuko du Zubietako Hondakin Kudeaketa Gunea. Horrez gainera, Banestok eta La-Caixak 70 milioiz finantzatuko dute eta Gipuzkoako Aldundiak 125 milioi ordainduko. Hamabost urte behar izan dira...
Erroma, Pagolaren protesta bila
Amatiño
2011/01/31 23:30
“Pagola ez da neutrala. Berak aitortzen du Eliza Katolikoaren ikuspegitik idazten duela” adierazi genuen orain hiru urteko iruzkinean, Pagolari berari jaramon eginez. Baina Espainiako Apezpikuen Biltzarrari ez zaio nonbait aski. Beronen ustez ez da nahiko Pagolak Eliza Katolikoaren ikuspegitik idaztea, horrez gainera Espainiako Apezpikuen Biltzarraren ikuspegi beretik idatzi beharko luke. Eta auzi-mauzi hau ez du Erromako Fedearen Doktrinarako Kongregrazioak konponduko, ez baitirudi fede-kontua denik.
Jon Juaristiren alde
Amatiño
2011/01/30 12:00
“Jon Juaristiren alde” izenburupeko artikulu zirikatzailea idatzi du gure Xabier Mendigurenek (Ortzadar. Deia, 2011.01.29). Laburbilduz, Xabierrek azpimarratzen duen paradoxa zera da: Josu Urrutikoetxeak Eusko Legebiltzarraren Giza Eskubideen Batzordean partu hartu izana salatu zutenek ondo ikusten dute orain Jon Juaristi Euskararen Aholku Batzordean. Eta, alderantziz, partaidetza hura ondo ikusi zutenek ez dute oraingo hau onesten. Eta… biak ontzat emango bagenitu?