Ordurik gabeko hitzordua
Amatiño
2023/07/15 08:50
Maurizio Elizalde txistulari baztandarra elkarrizketatu nahi izan nuen, 1974ean., eta aldez aurretik hitzordua eskatu. Elkarrizketa egiteko aukera eman zidan birritan esan beharrik gabe, ordurik ez zidan, ordea, sekula eman. Zer egunetan? Goizez ala arratsaldez nahiago ote? Zein ordutan? Ez zidan inoiz erantzun zehatzik eman. “Ni hemen nago beti. Nahi duzunean etorri.”
Erantzunik ez
Mendi-pistarik ikusgarrienetakoa
Amatiño
2023/07/11 23:55
Ez da, gero, inondik ere erraza, batere etenik gabeko maldan gora, 16 kilometroko pistarik aurkitzea gure inguruko mendietan nahiz Pirinio guztian zehar. Baina bat, behintzat, bada, Borau gaineko (1.134 m.) errepidetik Las Blancas gailurrerainoko (2.159 m.) mendi-pista.
Kexa aroa: eskari asko eta emari gutxi
Amatiño
2023/07/07 15:35
Hogeitaka urte kazetari-lanetan Erroman jardundako Iñazio Arregiri (Oñati 1931-Loiola, 2020) entzun nion mende honen hasieran-edo: “niri egokitu zaidan heinean, munduan barrena euren herriaz harroxkoen hitz egin ohi dutenak euskaldunak dira; eta, aldi berean, baita euskaldunak ere, munduan zehar euren herriaz inork esan dezakeenaz gehien arduratzen direnak”.
Axularren gerizapean
Amatiño
2023/07/03 08:55
XX. mendearen hasierako Euskal Pizkundearekin batera, 1901etik 1933ra bitartean, hainbat ospakizun, topaketa eta bilkura antolatu zuten elkarrekin Bidasoaz gaindiko euskal idazle eta euskaltzaleek. Giro haren berri jasotzen du “Axularren gerizapean” liburuak, ateburuan Kepa Altonagaren berme-zigiluaz.
Bilbo eta Donostiaren arteko epifania
Amatiño
2023/06/29 10:40
Kontzeptuz, lehena eta oraina, zaharra eta berria, fabrika eta museoa: denboraren makina. “That time” (Beckett, 1975) antzezlanaren hiru biziaroak: gaztaroa edo lehena, helduaroa edo oraina, zahartzaroa edo geroa.
Tour 2001: Pays Basque
Amatiño
2023/06/26 10:35
Tourraren euskal Irteera Handiaren bezperetan, hedabide guztiek dihardute frantziar bizikleta-itzuliaren eta Euskal Herriaren arteko loturak, estekak eta harremanak gogoratu eta ohartarazi nahirik. Zenbat buru hainbat aburu dio esaera zaharrak eta, segurutik, Tourraren oroitzapenaz ere, zenbat gomuta hainbat gogoeta.
Karmele Aranburu hil da
Amatiño
2023/06/23 13:55
Karmele Aranburu hil da, minbiziak jota, 65 urte zituela. 1980ko hamarkadan zehar Gipuzkoako irratigintzan izan zen albiste-kazetaririk ezagunenetakoa, erreferenterik nabarmenena gizonezkoak nagusi ziren informazio-arloan. Karmele… Karmele zen, seriotasuna, sinesgarritasuna eta begirunea eragiten zituena.
Garai zaharrengatik
Amatiño
2023/06/19 11:25
Ez dut uste hogeitaka urtetik gorako inor dagoenik Mendebaldean, “Auld Lang Syne” (1) agur-kanta inoiz entzun ez duenik. Abestu ez, behar bada, bertsiorik zabalduena ingelesez den arren sortzez eskozieraz da-eta, baina entzun, entzun bai. Robert Burns poeta nazionalak 1788an burutua, Gabonzaharretan kantatu ohi da sarrien, nonbait joan diren “garai zaharrengatik”.
Verdiren euskal joera
Amatiño
2023/06/15 07:00
Giuseppe Verdiren “Il trovatore” operarekin amaitu berri da Bilbon ABAOren denboraldia, eta hainbat hedabidek abaguneaz baliatu nahi izan du lau protagonista nagusietako bat euskalduna dela adierazteko. Bai, Azucena ijitua bizkaitarra zen, nonbait; baina, bera soilik ote? Beste emakumea, Leonora gorteko dama ere, ez ote zitekeen euskalduna izan?
Abestiak gogoan bai, baina publikorik ez
Amatiño
2023/06/09 12:00
Gabonak aurretik azaldu zuen X5 Kolektiboak “Abestiak gogoan” diskoa eta bost hilabete geroago burutu, jendaurreko aurkezpena. Arrakala honek aditzera ematen du zuzeneko kontzertuek pandemiaz geroztik bizi duten barealdia (1). Euskaldunok beroak gara aldarrikatzen, ez horrenbeste, agian, euskal ekoizpenak kontsumitzen.