Krisia bai, baina ez latzena
Amatiño
2010/12/30 18:29
Krisialdia amaitu omen da merkatuen eskabideari dagokionez, lanpostuak sortzeko urtebete gehiago behar izango dugun arren. Honela bada, ezin esan azken hiru urteotako gainbeherakada larrienetakoa izan denik. Krisia bai, baina ez latzena.
Erantzunik ez
ETBren kontrola
Amatiño
2010/12/29 00:05
Ez dago komunikabide serio eta sinesgarririk argitaratzen duenaren kontrolik ez duenik. Komunikabide orok du bere funtsezko 'corpus' ideologikoa, eta edozein komunikabidek du nork bere lerro editoriala. Zein informaziori lehentasuna eman eta zeini ez, nor elkarrizketatu eta nor ez, zelan titulatu eta zelan ez, zein zutabegile kontratatu eta zein ez, zer jarri lehen orrialdean eta zer ez… hau guztia ez da zuzendaritzaren eguneroko kontrolik gabe erabakitzen.
“El nom que ens germana”
Amatiño
2010/12/27 11:05
Gaur, abenduak 27, eguerdiko 12tan, Kataluniako Generalitatearen Jauregiko Sant Jordi Areto Nagusian, Artur Mas president berria karguaz jabetuko da. CiUren buruzagia izango da Kataluniako 129. lehendakaria. Barrena, zazpi mendeko erakunde-historia dago atzetik.
Errezeta-liburuak
Amatiño
2010/12/26 00:05
Olentzero girotan, bezero katalanak errezeta-liburua bidali dit etxera opari gisa. Bon Nadal. Berehala idatzi diot emailez, jaso izanaren berri eman, liburua eskertu eta benetan asmatu duela adieraziz. Jaso izanaren berri ematen gure amak erakutsi zigun, eskertu beharra legezkoa da eta sukalde-liburua oparitzerik erabaki duenari ez diot etxean hogeita hamarretik gora ditudanik esango.
Deba, herri bat
Amatiño
2010/12/25 13:20
Estreinako aurten, Gabonetan, “jaixoterrittik” kanpo, Deban. Hainbatek galdetu dit: Eta? Ze moduz? Ondo, jakina, oso ondo. Batere aitzakiarik ez gero. Deba herri bat da. Eta ez naiz “herritasuna” azpimarratzen ari, “bat-asuna” baizik. Ez dihardut neurriaz, kontzeptuaz baino. Deban herri bakar bat besterik ez da bizi.
Polimeroa, latexa eta literatura
Amatiño
2010/12/24 00:05
Ondo da, bai, aurtengo Durangoko Azokak erostismoaz arduratzea eta polimerozko zakilak zein latexko kontsolatzaileak azokan barrena azaltzea. Ez dugu ordea jakin "Buruxkak" bildumaren ehun urte betetzea ospatzeko ganorazko zabalkunderik egin duenik. Euskal literatura erotikoaz ari gara ala beste zerbaitetaz?
Gurpil zoroa hautsi beharra
Amatiño
2010/12/22 00:20
Bartzelona 0 – Athletic 0. Segurutik Athleticek ez du Bartzelona gainditzerik izango hamabost egun barru San Mamesen, baina bart Camp Noun lortutako hutsanako berdinketaz helburu nagusi bi erdietsi ditu. Batetik, barregarri ez gelditzea. Eta, bestetik, urtarrilaren 5eko partidarako sarrera guztiak aldez aurretik saltzea. Ez da gero gauerdiko ahuntzaren eztula.
Paradisua, jatorrizko egoera naturala
Amatiño
2010/12/20 00:05
Azken egunotan parke tematikoren batean bizi nahi ote dudan leporatu ere leporatu didate. Bistan da hori diotenek euren larrain partikularrean nahi nautela edo, hobeto esan, itzuli beharrik ez duen herriaren bertsio originalean, paradisuan, euren jatorrizko egoera naturalean. Eurak dira originalak, gu itzulpenak besterik ez.
“América para los americanos”
Amatiño
2010/12/18 00:05
Gure aita zena General Acha herrian bizi izan zen, Buenos Airestik 800 kilometrora. Aita heldu baino 38 urte lehenago sortu berria zen herria. Mila lagun inguru guztira, indio, militar eta kolonoen artean. Far-west peto-petoa. Ze arraiok eraman zuen Eibarko semea herrixka galdu hartara? Auskalo, baina eraman zuena ez zen bertan eusteko gauza izan. “América para los americanos” esan eta bizpahiru urteren bueltan eibarreratu zen.
Zahartzaroko liberazioa
Amatiño
2010/12/16 17:03
Errutina aldatzea, liberazioa ezik, aldrebeskoa ere izan daiteke zahartzaroan. Alegia, ezagutzen dut nik, alargundu beharrik gabe ere oheak eta erosketak egin, zapatak garbitu, etxea atondu, afaria prestatu eta harrikoaz arduratzeari ekin behar izan dion 65 urteko senarrik. Ez naiz inondikako merituaz ari, errutina-hausteaz baizik. Auskalo honelakoetan ezelango liberaziorik ote den baina narraziorik, behintzat, nahi beste.