Uholde unibertsala ez zen unibertsala izan
Amatiño
2011/06/23 00:00
Uholdeak eta krisialdiak ez dira berriak. Betidanik izan dira eta, sekula ez, unibertsalak. Gogoan izan, 1980an Bilboko Ingeniaritza Eskolatik atera zen promozio osoak --bi ikasle ezik-- lanuztera jo behar izan zuela, batere lanposturik aurkitu ezinik. Lanean hasi ahal izan zuten bi ingeniari haietatik, bat --promozioko bigarrena-- udaltzain sartu zen Barakaldon eta bestea -- lehena-- Eskolak berak hartu zuen bere baitan erakundea lotsagarri gerta ez zedin.
Erantzunik ez
Gazteon aurretik, zaharrak
Amatiño
2011/06/21 00:00
Auskalo gero 50eko hamarkadak ezer eskaini ote zuen, baina Pako Suduperi behintzat 800 orrialde estu-mestu betetzeko besteko materiala eman dio, hiru liburukitan: I. Hizkuntza eta ideologia eztabaidak; II. Kazetaritza eta saiakera; III. Antzerkia eta hamarkadaren eztabaidak. Hirurak ere ezinbestekoak ondotik etorri zen 60ko hamarkada ulertzeko.
Menéndez Pidalen teoria
Amatiño
2011/06/19 00:00
Interesgarria Eduardo Aznar antropologoaren “El euskera en La Rioja” (Pamiela, 2011) zabalkunde-liburua. Ez, ezer berriegirik dakarrelako, eta bai, hainbat hamarkadatan jasotako gaiak biltzen eta errazten asmatzeaz gainera honako helburu honi atxikitzen jakin duelako: euskara ez zen Errioxaratu Errekonkistak eragindako kolonizazioarekin batera, ezpabere erromatarren aurretik ere euskara izan bazen Ebro ibarretan. Baina, hala ere, horrelako zerbait aurreratu zuen Ramón Menéndez Pidalek... 1918 urtean.
Energia paradigmaz aldatzen ari denik ezin uka
Amatiño
2011/06/17 00:00
Ez da zabalkunderik edo oihartzunik gehien izan duen albistea baina, aurreko astean, Repsolek, Espainiako petrolio-konpainiarik handienak, Eskoziako SeaEnergy enpresa erosi zuen 57 milioi euroren truke. Lantegi britainiar honen jarduera nagusia energia eolikoa da, haize-errotak alegia, baina itsasoan. Ze arraio egiten du petrolio-konpainia espainiarrak Erresuma Batuan energia berriztagarriak erosten? Antzerako galdera egin ahal izan genuen aurreko urrian ere.
Katuaren umea katakumea
Amatiño
2011/06/15 14:00
Everesterako lehen bi euskal espedizioen inguruan hazi eta hezi zen Juan Vallejo, eta ume-umetatik bizi izan zituen garai hartan Gasteizen pil-pilean zeuden mendi-zaletasuna eta lege zaharreko mendi-epopeia. Katuaren umea katakumea esan ohi da eta, kasu honetan behintzat, aitaren ezpal berekoa. Isila, apala eta adoretsua.
Aurrerapenaren mitoaz jabetzearen aurrerapena
Amatiño
2011/06/13 14:00
Ez, ez omen dugu dena galdu. Alderantziz, sekulako aurkikuntza egin omen dugu. Galdu dugu, bai, aurrerapenaren promesa, baina hain zuzen ere aurrerapen handiagoa omen da aurrerapena mitoa baino ez zela behingoz konturatzea.
Balenciaga Museoaren etorkizuna
Amatiño
2011/06/11 01:41
Zalantzarik ez Cristóbal Balenciaga jostun getariarrak ondotxo asko merezi zuela ganorazko oroitzapenik bere sorterrian baina, hala ere, seguru gero bere ametsik naroenean ere ez zuela sekula taxu honetako gorazarrerik itxaron. Bai, berriketabako Cristóbal Balenciaga Museoak merezi du lehen bisita. Kontua da, ordea, bigarren bisitarik merezi izango ote duen inoiz.
Jantzi adimendunak
Amatiño
2011/06/09 00:00
Semerik gazteena, kimikaria, Frankfurten egon berri da bertako Techtextil nazioarteko azoka dela eta. Zer nolako azoka-mota ote galdetu eta, erantzuna: “Aittittarentzat modukoa”. Kasu honetan, aittitta ez naiz ni, gure aita zena baino. Semeak esangura nahi didana zera da, bera ikertzaile edo teknologo gisa joan den arren, han ikusi ahal izan dituen makinaria, lanabes, zerbitzu eta produkturik gehienak tindategi edo arropa-garbiketa sektoreari dagozkionak direla… oraindik ere.
Hitzaurre goreslea inork idaztea hobe
Amatiño
2011/06/07 00:00
Ez naiz historialaria eta, behar bada, hiru egileok arrazoi izango dute, baina katedradun orojakileen kutsu jakintsu eta harroputz-punttu horrek hazkura eragiten dit. Demagun, bai, hiru irakasleok beste hainbat baino profesionalago, neutralago eta arrazoitsuago direna, baina hori, egia balitz ere, sinesgarriago litzateke beste norbaitek esan izan balu. Ze premia dago gero norberaren burua zuritzen hasteko? Txarrena da, liburuan zehar irakurlea hitzaurreaz gogoratzen dela ezinbestean eta… excusatio non petita accusatio manifesta.
Joño, argia joan egin da! Baina... Nora?
Amatiño
2011/06/05 00:00
Gaurko gazteriak sumatu al du inoiz energia faltarik? Are gehiago, egungo umeteriak “ikusi” al du inoiz energiarik? Hezitzaileak kexu agertu izaten dira hirietako neska-mutikoek ez dutelako behirik, ardirik edo oilorik ikusten. Bapo, eta... energiarik?