Gehiegi beti da lar
Amatiño
2010/04/11 22:00
Ez dakit irakurleak bart ikusi ote duen Barça eta Madriden arteko futbol-partida. Eta, ikusiez gero, ezer berezirik edo aldaketa nabaririk sumatu ote duen. Nik, egia esan, plano zenitala edo izan ezik, ezer gutxi nabarmen-nabarmenik, nahiz eta aldez aurretik horretarako propio jarri eta sekulako ikuskizuna begiztatzeko itxaropenetan telebista aurrean ernai asko eseri.
Erantzunik ez
Zaharrak eta gazteak, elkarren errezetak trukatu beharrean
Amatiño
2010/04/10 22:52
Lagunaren semerik gazteenaren ezkontzan egon naiz gaur Aiarako Kexaan. Abadearen txanda aurretik semerik zaharrenak Khalil Gibran poetaren “Del matrimonio” izenburupeko hausnarketa irakurri du eta, ondoren, apaizak bere ohiko hitzalditxoa eskaini. Nor bere estiloan, biak ondo, baina biak elkarren kontrajarri edo. Poetaren mezuak ezkontideen banokatasuna aldarrikatu du. Elizak, berriz, elkarren maitasunaren bateratasuna azpimarratu.
Imaz Repsolen Energia Berrien arduradun
Amatiño
2010/04/08 11:56
Repsolek erabaki garrantzitsu bi jakinerazi ditu. Batetik, Energia Berrien sailaren sorrera. Bestetik, Josu Jon Imaz sail berri horren zuzendari nagusi izendatu izana. Espainiako petrolio-konpainiarik handienak energia berriei ekitea besterik gabe da albiste. Baita energia berri horietako egitasmook munduko hogeita hamar herrialde ingurutan indarrean jarri beharko dituen burua euskalduna izatea ere.
Kazetari guztiak ez dira eskola berekoak
Amatiño
2010/04/06 23:21
Nik neuk ez dakit baina, segurutik, oso garrantzitsua da eskola-curriculuma heziketa egokia bideratzeko. Hala ere, “Historia de España” zein “Formación del Espiritu Nacional” ikasten eta, besoa jasotzearekin batera, “Cara al sol” kantatzen euskaltzaletu eta abertzaletu ginenok nekez ulertu dezakegu ñabardura horien garrantzia. Susmoa susmo, nago, ordea, aurreko asteburuan Ogeta pilotalekuan jokatutako finala hainbat curriculum landu baino emankorrago ez ote zen izan.
Ekonomiaren bainak eta lekak
Amatiño
2010/04/05 23:39
Madrilgo Diputatu Kongresoan Elkarte Anonimoen Legea aldatzeko arriskurik ez omen da bihar falta izango. “Arrisku” hitza ez da inondik ere objektiboa baina hori da, zehatz mehatz, ñabardura batez edo bestez, euskal prentsa guztiak oro har erabiltzen diharduen zentzua. Diotenez, lege-aldaketak erakarri omen dezake Euskal Autonomia Erkidegoko zenbait enpresa handiren egoitza lekuz aldatzeko zoria.
Romeo eta Julieta
Amatiño
2010/04/05 12:41
Ez dakit oraindik ere bizi ote diren, badaezpada ez ditut izen-abizenez aipatuko, baina 1970 urte inguruan bazen Eibarren senar-emazte bikotea beti elkarrekin paseatzen zuena. Garai hartan pasieran ibiltzea ez zen batere ohitura arrunta. Eta senar-emazteak elkarrekin abiatzea… zer esanik ez. Romeo eta Julieta esaten genien.
Klima-aldaketa eta demokrazia
Amatiño
2010/04/02 15:20
Liburu bakarreko, ideia bakarreko eta borroka bakarreko jendea oso arriskutsua da. Helbururik onena eta asmorik zintzoena izan arren egitasmo bakarra duena, xinple xamarra izateaz gainera, berandu baino lehen tronpatu egingo da.
Ontsa lehiatzeko bidea
Amatiño
2010/03/30 12:10
Lehiakorrak izaten jarraitzekotan, energia urriago behar izango duen industriaren apustua egiteaz gainera, guk geuk izan beharko dugu –jarreraz, prestakuntzaz eta ezagutzaz– gero eta lehiakorragoak, oinarrizko energia kanpotik ekartzen jarraitu beharko baitugu luzaro.
Gero jakin nuen
Amatiño
2010/03/28 21:40
Astelehen goizean jaiki nintzerako gurasoak alde eginak ziren Donibane Lohitzunera, euskaldunon lehendakari zenaren elizkizunetan. Ez zen gero batere ohikoa astelehen buru zurian aita lanera ez joatea, ezta ordu horietan ama etxetik ateratzea ere. Are gutxiago biak elkarrekin alde egitea. Gero jakin nuen, iluntzean, jende ikaragarri askok Santiago zubia igaro zuena eta hiru ordu luze iraundako hileta erabat hunkigarria izan zena.
Bihotza eskatu eta bihotzik eskaini ez
Amatiño
2010/03/27 23:33
Richard Harris-en “The ghost writer” nobelaren ildotik, “El escritor” da Roman Polanskiren azken filma. Inoren enkarguz lanegiten duen idazleak (Ewan McGregor) bere burua eskaintzen du Erresuma Batuko lehen ministrari ohiaren (Pierce Brosnan) autobiografia idazteko. Idazleak arrazoi bi ematen dizkio argitaletxeari bera dela onena konbenzitzeko: “inork ez ditu politikarien memoriak irakurtzen” eta, irakurgarri egitekotan, saltzeko alegia, “bihotza” jarri behar omen da. Auskalo Polanskiren film hau ona ote den, ofiziorik jarri ote duen, baina ez du batere bihotzik jarri.