"Euskel-Idazlasterra"
Amatiño
2010/06/01 23:50
Segurutik nekez izango da blog honen irakurlerik takigrafiaz dakienik. Hala ere, enpresa handietan eta berrogeita hamar urtetik gorako idazkarien artean bada, oraindik, bat-bateko oharrak takigrafiaz jasotzen dituenik. Nik bi urtez ikasi nuen takigrafia. Ez dut, ordea, sekula lanean erabili izan. Lehen (eta azken?) euskal takigrafia-liburua 1929koa da.
Erantzunik ez
Labezomorroen irudi-aldaketa
Amatiño
2010/05/30 23:55
Azkenean, hainbat kanpo zein barne krisialdiren ondotik, labezomorroek kostata baina onartu behar izan zuten irudi txarra zutela. Jendeak ez zituela lar maite. Eta irudiz aldatzea erabaki zuten, baita irudi-aholkulari bila aritu ere. Onena aurkitu arte.
"L’enfant terrible"arenak
Amatiño
2010/05/28 15:34
Bai, egia da, 1982ko urritik abendura bitartean prestatu genuen telebista-programazioa elebiduna izan zen. Urteberriko aurreneko saioak euskaraz zein gaztelaniaz izan ziren horregatik.
Geratu beharrik gabeko abiada handiko trena
Amatiño
2010/05/27 19:53
Mendebaldarrok, europarrok bai behintzat, hainbat urtez uste izan dugu txinatarrak, kopiatzaile onak izan arren, asmatzaile eta eraberritzaile eskasak zirela. Horra non, ordea, Txinako ingeniaritzak asmatu duen ezinezkoa: geltokietan geratu beharrik izango ez duen abiada handiko trena.
Juan V. Araquistain eta Robin Hood
Amatiño
2010/05/27 00:05
Liburu zaharrak ordenatze-lanetan agertu zait Juan Venancio Araquistain letraduaren “Tradiciones Vasco-Cántabras” (Tolosa, 1866) liburua. Ez dut nonbait zakarrera bota beharreko paperetatik lar aldendu eta semeak esan dit: “Aita, hau be botatzeko?” Benetan, itxuraz behintzat, botatzeko meritu guztiak egin dituenetakoa ematen du baina, oraindik, ez zaio tanatoriora eramateko ordurik heldu.
"Zure beharra daukat"
Amatiño
2010/05/25 00:05
Axunek amantala jarriko du gerri-inguruan eta, etsipenak jota, esango: tortilla-patatasa? Eta senarrak buruaz bai erantzun-keinua egingo. Une horretan amaitzen da Axunen bi hilabete t´erdiko abentura, 80 egun eta orain hau!
Hiru eskaintza
Amatiño
2010/05/24 00:14
Liburuak ordenatzen, autoreon eskaintza eta guztiko batzuk agertu ohi dira lantzean behin. Zenbait konpromiso hutsalez idatzitakoak, beste zenbait egilearen beraren senaren adierazgarri, baita hainbat pasarte ahazturen gogoangarri ere. Hiru aukeratu ditut.
Beti horrela izan da
Amatiño
2010/05/23 00:05
Bestelako hausnarketa sakonagorik gabe “beti horrela izan da” delako formulazioari, kultura esaten zaio, edo tradizioa. Bai tximino ezjakinen artean eta baita, antza denez, edozenbat mendetako zibilizazioetan ere. Zezenketen kasuan, esaterako.
Erakunde guztiak AHTren alde: Joño! Bingo!
Amatiño
2010/05/22 00:47
Ez dago eza baino hoberik aldarria suspertzeko, ez dago ezina baino eraginkorragorik premia areagotzeko. Horra non erakunde guztiak elkarrekin bat etorri diren azkenean, behingoz, AHTren premia, interesa, beharrizana eta onura aho batez gogorarazteko. Tira ba… eta horrelako zertxobait lehenxeago egin izan balute?
Zapping egitea eta poligamia
Amatiño
2010/05/19 23:51
Aurreko asteburuko DEIAren gehigarrian irakurri nuen Xabier Mendigurenen “Poligamo baten aitorpena”. Lege zaharraren antzera orria eskuz moztu eta ordenadore aurrean laga nuen noizbaiteko blogen batean aipatzekotan, nik neuk neure erantzuna bai baitut Xabierren “bizioaren” nondik norakoa azaltzeko. Hala ere horra non, gaur, Xabierren gogoeta Eibar.org peoran bertan jasoa. Ondo jasoa, alafede!