2024an behatutako hegaztien zerrenda
Asier Sarasua
2025/03/20 17:10
Txio marrabikoa (P. inornatus), F. Vassen
Hemen nator aurten ere iaz ikusitako hegaztien laburpen-zerrendarekin, azken urteotako ohiturari jarraituz (2014, 2015, 2016, 2017, 2018, 2019, 2020, 2021, 2022 eta 2023). Datu guztiak eBird aplikazioaren bidez jaso eta gordeak; euskaraz duzue eBird, gainera, ez ahaztu!
Behean itsatsi dudan infografia polita ere bidali digu eBirdek urte amaieran, urteko laburpenarekin. Horri esker ikusi dut 2024an 90 egunetan irten naizela txoritara, 259 kilometro eginez 102 txoriketa-ordutan. Tira, eBirden apuntatu ditudan behaketak dira horiek.
Euskal Herrian ibili naiz gehienbat, baina hala ere orain arte sekula ikusi bariko 4 espezie behatzeko aukera ere izan dut, etxetik ber-bertan. Zerrenda horretan daude irailean Salburuan ibili zen itsas enara hegalzuria, Europa ekialdeko bisitari ezohikoa, Lamiakon hilabeteak igaro zituen Franklin antxeta iparramerikarra, udazken-negua gurean igaro duen murgilari handi harrigarria eta azaroko zenbait egunetan Mungian lasai-lasai behatu ahal izan zen txio marrabikoa. Ez dira espezie arrotzak Euskal Herrian, baina bai oso tarteka ikusten direnak.
Franklin antxeta (Leucophaeus pipixcan) Andrew C, CCBYSA.
Horiez gain, eguna alaitu zidaten beste zenbait behaketa ere gogoan ditut, esate baterako Gasteizko Gardelegi gainean buru gainetik pasa zitzaidan sai beltz erraldoia, Oiongo labore-sailetako muga batetik begira-begira geratu zitzaidan mozolo arrunta edo udako iluntze epel ederrean Mallabiko Goita auzoan entzun nituen zata eta urubi zalapartariak.
Halaxe ba, beste txori-urte gozagarri bat. Hona laburpena:
- Guztira, urtean zehar: 203 espezie.
- Euskal Herrian: 197 sp.
- Gipuzkoan: 135 sp.
- Araban: 129 sp.
- Bizkaian: 111 sp.
- Ipar Euskal Herrian: 42 sp.
- Nafarroa Garaian: 37 sp.
Mozolo arrunta (Athene noctua) - Carlo Caimi - CC, Link
| 1 | Antzara hankagorrizta | Anser anser |
| 2 | Beltxarga arrunta | Cygnus olor |
| 3 | Beltxarga beltza | Cygnus atratus |
| 4 | Ahate musketaduna | Cairina moschata |
| 5 | Paita arrunta | Tadorna tadorna |
| 6 | Mandarin-ahatea | Aix galericulata |
| 7 | Ahate mokozabal zuria | Spatula clypeata |
| 8 | Ipar-ahatea | Mareca strepera |
| 9 | Ahate txistulari eurasiarra | Mareca penelope |
| 10 | Basahatea | Anas platyrhynchos |
| 11 | Ahate buztanluzea | Anas acuta |
| 12 | Zertzeta arrunta | Anas crecca |
| 13 | Ahate gorrizta | Netta rufina |
| 14 | Murgilari arrunta | Aythya ferina |
| 15 | Murgilari mottoduna | Aythya fuligula |
| 16 | Murgilari handia | Aythya marila |
| 17 | Ahatebeltz arrunta | Melanitta nigra |
| 18 | Galeper eurasiarra | Coturnix coturnix |
| 19 | Eper gorria | Alectoris rufa |
| 20 | Haitz-usoa | Columba livia |
| 21 | Pagausoa | Columba palumbus |
| 22 | Usapal europarra | Streptopelia turtur |
| 23 | Usapal turkiarra | Streptopelia decaocto |
| 24 | Basoilo handia | Otis tarda |
| 25 | Kuku eurasiarra | Cuculus canorus |
| 26 | Zata arrunta | Caprimulgus europaeus |
| 27 | Malkar-sorbeltza | Tachymarptis melba |
| 28 | Sorbeltz arrunta | Apus apus |
| 29 | Uroilanda handia | Rallus aquaticus |
| 30 | Uroilo arrunta | Gallinula chloropus |
| 31 | Kopetazuri arrunta | Fulica atra |
| 32 | Kurrilo arrunta | Grus grus |
| 33 | Zankaluze arrunta | Himantopus himantopus |
| 34 | Txirri grisa | Pluvialis squatarola |
| 35 | Txirritxo handia | Charadrius hiaticula |
| 36 | Txirritxo txikia | Thinornis dubius |
| 37 | Hegabera eurasiarra | Vanellus vanellus |
| 38 | Kurlinta bekainduna | Numenius phaeopus |
| 39 | Kurlinta handia | Numenius arquata |
| 40 | Kuliska gorria | Limosa lapponica |
| 41 | Kuliska buztanbeltza | Limosa limosa |
| 42 | Istingor arrunta | Gallinago gallinago |
| 43 | Kuliska txikia | Actitis hypoleucos |
| 44 | Kuliska iluna | Tringa ochropus |
| 45 | Bernagorri arrunta | Tringa totanus |
| 46 | Kuliska zuria | Tringa nebularia |
| 47 | Harri-iraulari arrunta | Arenaria interpres |
| 48 | Txirri lodia | Calidris canutus |
| 49 | Borrokalaria | Calidris pugnax |
| 50 | Txirri kurlinta | Calidris ferruginea |
| 51 | Txirri zuria | Calidris alba |
| 52 | Txirri arrunta | Calidris alpina |
| 53 | Txirri txikia | Calidris minuta |
| 54 | Marikaka isatslaburra | Stercorarius parasiticus |
| 55 | Martin arrunta | Uria aalge |
| 57 | Antxeta txikia | Hydrocoloeus minutus |
| 58 | Antxeta hankabeltza | Rissa tridactyla |
| 59 | Sabine antxeta | Xema sabini |
| 60 | Antxeta mokogorria | Chroicocephalus ridibundus |
| 61 | Franklin antxeta | Leucophaeus pipixcan |
| 62 | Antxeta burubeltza | Ichthyaetus melanocephalus |
| 63 | Kaio mokohoria | Larus canus |
| 64 | Kaio hankahoria | Larus michahellis |
| 65 | Kaio iluna | Larus fuscus |
| 66 | Itsas enara beltza | Chlidonias niger |
| 67 | Itsas enara hegalzuria | Chlidonias leucopterus |
| 68 | Ipar-txenada | Sterna paradisaea |
| 69 | Txenada arrunta | Sterna hirundo |
| 70 | Txenada hankabeltza | Thalasseus sandvicensis |
| 71 | Txilinporta txikia | Tachybaptus ruficollis |
| 72 | Txilinporta urrebelarria | Podiceps auritus |
| 73 | Murgil handia | Podiceps cristatus |
| 74 | Txilinporta lepabeltza | Podiceps nigricollis |
| 75 | Aliota handia | Gavia immer |
| 76 | Ekaitz-txori handia | Hydrobates leucorhous |
| 78 | Gabai handia | Ardenna gravis |
| 79 | Gabai iluna | Ardenna grisea |
| 80 | Gabai arrunta | Puffinus puffinus |
| 81 | Gabai balearra | Puffinus mauretanicus |
| 82 | Zikoina zuria | Ciconia ciconia |
| 83 | Zanga arrunta | Morus bassanus |
| 84 | Ubarroi handia | Phalacrocorax carbo |
| 85 | Ubarroi mottoduna | Gulosus aristotelis |
| 86 | Mokozabal zuria | Platalea leucorodia |
| 87 | Amiltxori arrunta | Nycticorax nycticorax |
| 88 | Koartzatxo txikia | Egretta garzetta |
| 89 | Koartzatxo itzaina | Ardea ibis |
| 90 | Koartza zuria | Ardea alba |
| 91 | Koartza hauskara | Ardea cinerea |
| 92 | Koartza gorria | Ardea purpurea |
| 93 | Arrano arrantzalea | Pandion haliaetus |
| 94 | Ugatza | Gypaetus barbatus |
| 95 | Sai zuria | Neophron percnopterus |
| 96 | Sai beltza | Aegypius monachus |
| 97 | Sai arrea | Gyps fulvus |
| 98 | Arrano sugezalea | Circaetus gallicus |
| 99 | Arrano txikia | Hieraaetus pennatus |
| 100 | Arrano beltza | Aquila chrysaetos |
| 101 | Gabirai arrunta | Accipiter nisus |
| 102 | Zingira-mirotza | Circus aeruginosus |
| 103 | Mirotz zuri eurasiarra | Circus cyaneus |
| 104 | Miru gorria | Milvus milvus |
| 105 | Miru beltza | Milvus migrans |
| 106 | Zapelatz arrunta | Buteo buteo |
| 107 | Mozolo arrunta | Athene noctua |
| 108 | Urubi arrunta | Strix aluco |
| 109 | Argi-oilarra | Upupa epops |
| 110 | Erle-txori eurasiarra | Merops apiaster |
| 111 | Martin arrantzalea | Alcedo atthis |
| 112 | Lepitzulia | Jynx torquilla |
| 113 | Okil handia | Dendrocopos major |
| 114 | Okil berde iberiarra | Picus sharpei |
| 115 | Okil beltza | Dryocopus martius |
| 116 | Belatz gorria | Falco tinnunculus |
| 117 | Belatz txikia | Falco columbarius |
| 118 | Zuhaitz-belatza | Falco subbuteo |
| 119 | Belatz handia | Falco peregrinus |
| 120 | Urretxoria | Oriolus oriolus |
| 121 | Antzandobi arrunta | Lanius collurio |
| 122 | Antzandobi kaskagorria | Lanius senator |
| 123 | Eskinosoa | Garrulus glandarius |
| 124 | Mika arrunta | Pica pica |
| 125 | Belatxinga mokogorria | Pyrrhocorax pyrrhocorax |
| 126 | Belatxinga mokohoria | Pyrrhocorax graculus |
| 127 | Belabeltza | Corvus corone |
| 128 | Erroia | Corvus corax |
| 129 | Pinu-kaskabeltza | Periparus ater |
| 130 | Amilotx mottoduna | Lophophanes cristatus |
| 131 | Kaskabeltz txikia | Poecile palustris |
| 132 | Amilotx urdina | Cyanistes caeruleus |
| 133 | Kaskabeltz handia | Parus major |
| 134 | Dilindaria | Remiz pendulinus |
| 135 | Pirripioa | Lullula arborea |
| 136 | Hegatxabal arrunta | Alauda arvensis |
| 137 | Kutturlio arrunta | Galerida cristata |
| 138 | Txoriandre arrunta | Calandrella brachydactyla |
| 139 | Kalandria eurasiarra | Melanocorypha calandra |
| 140 | Ihi-txoria | Cisticola juncidis |
| 141 | Sasi-txori arrunta | Hippolais polyglotta |
| 142 | Benarriz arrunta | Acrocephalus schoenobaenus |
| 143 | Lezkari arrunta | Acrocephalus scirpaceus |
| 144 | Lezkari karratxina | Acrocephalus arundinaceus |
| 145 | Uhalde-enara | Riparia riparia |
| 146 | Haitz-enara eurasiarra | Ptyonoprogne rupestris |
| 147 | Enara arrunta | Hirundo rustica |
| 148 | Enara ipurzuria | Delichon urbicum |
| 149 | Enara ipurgorri eurasiarra | Cecropis rufula |
| 151 | Txio lepazuria | Phylloscopus bonelli |
| 152 | Txio marrabikoa | Phylloscopus inornatus |
| 153 | Txio horia | Phylloscopus trochilus |
| 154 | Txio arrunta | Phylloscopus collybita |
| 155 | Txio iberiarra | Phylloscopus ibericus |
| 158 | Errekatxindorra | Cettia cetti |
| 159 | Buztanluzea | Aegithalos caudatus |
| 160 | Txinbo kaskabeltza | Sylvia atricapilla |
| 161 | Baso-txinboa | Sylvia borin |
| 162 | Txinbo burubeltza | Curruca melanocephala |
| 163 | Txinbo papargorrizta iberiarra | Curruca iberiae |
| 164 | Sasi-txinboa | Curruca communis |
| 165 | Etze-txinboa | Curruca undata |
| 166 | Erregetxo bekainzuria | Regulus ignicapilla |
| 167 | Garrapo eurasiarra | Sitta europaea |
| 168 | Gerri-txori arrunta | Certhia brachydactyla |
| 169 | Txepetxa | Troglodytes troglodytes |
| 170 | Ur-zozoa | Cinclus cinclus |
| 171 | Arabazozo pikarta | Sturnus vulgaris |
| 172 | Arabazozo beltza | Sturnus unicolor |
| 174 | Garraztarroa | Turdus viscivorus |
| 175 | Birigarro arrunta | Turdus philomelos |
| 176 | Zozo arrunta | Turdus merula |
| 177 | Durdula | Turdus pilaris |
| 178 | Euli-txori grisa | Muscicapa striata |
| 179 | Txantxangorria | Erithacus rubecula |
| 180 | Urretxindor arrunta | Luscinia megarhynchos |
| 181 | Papourdina | Luscinia svecica |
| 182 | Euli-txori beltza | Ficedula hypoleuca |
| 183 | Buztangorri argia | Phoenicurus phoenicurus |
| 184 | Buztangorri iluna | Phoenicurus ochruros |
| 185 | Harkaitz-zozo gorria | Monticola saxatilis |
| 186 | Harkaitz-zozo urdina | Monticola solitarius |
| 187 | Pitxartxar nabarra | Saxicola rubetra |
| 188 | Pitxartxar burubeltza | Saxicola rubicola |
| 189 | Buztanzuri arrunta | Oenanthe oenanthe |
| 190 | Buztanzuri horia | Oenanthe hispanica |
| 191 | Tuntun arrunta | Prunella modularis |
| 192 | Etxe-txolarrea | Passer domesticus |
| 193 | Harkaitz-txolarrea | Petronia petronia |
| 194 | Buztanikara horia | Motacilla cinerea |
| 195 | Larre-buztanikara | Motacilla flava |
| 196 | Buztanikara zuria | Motacilla alba |
| 197 | Landa-txirta | Anthus campestris |
| 198 | Negu-txirta | Anthus pratensis |
| 199 | Uda-txirta | Anthus trivialis |
| 200 | Mendi-txirta | Anthus spinoletta |
| 202 | Txonta arrunta | Fringilla coelebs |
| 203 | Negu-txonta | Fringilla montifringilla |
| 204 | Gailupa eurasiarra | Pyrrhula pyrrhula |
| 205 | Txorru arrunta | Chloris chloris |
| 206 | Txoka arrunta | Linaria cannabina |
| 207 | Kardantxiloa | Carduelis carduelis |
| 208 | Txirriskila arrunta | Serinus serinus |
| 209 | Tarina | Spinus spinus |
| 211 | Gari-berdantza | Emberiza calandra |
| 212 | Hesi-berdantza | Emberiza cirlus |
| 213 | Zingira-berdantza | Emberiza schoeniclus |
