Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño

Berrogei urte eta orain hau!

Amatiño 2022/11/15 17:30
Batek daki egungo gazteriari ardura ote zaion Nikaragua, eta auskalo ba ote dakien nor den Ortega presidentea. Nago, ostera, duela mende erdiko gazteriari ardura zitzaiola Nikaragua eta bazekiela nor zen Somoza diktadorea. Geroztik berrogei urte luze joan dira. Eta gure Benigno Baskaranek esango zukeen bezala: "Berrogei urte eta orain hau!".

Ziurgabetasunak ez dio, oraindik, lan-arloari nabarmenegi erasan

Amatiño 2022/11/11 09:50
Ekonomiak bizi duen ziurgabetasunak zalantzak eta noraezak areagotu arren, ezin esan, ordea, orain arte langabezian eragin nabarmenik izan duenik, aurtengo hirugarren hiruhilekoko datuei bagagozkie behintzat.

“Ardiordosa”, zurezko presak egiteko teknika

Amatiño 2022/11/07 23:30
“Ahardiak” dira abere beltzen (zerriak-eta) arteko emeak eta “ordotsak”, berriz, arrak. Beraz, ahardi-ordotsak lirateke gaur egungo ar-emeak edo, hobeto esan, ordenaz esanda, eme-arrak. "Ardiordosa" da zurezko presak egiteko teknika, XVI. mendean, behintzat.

Elkano, “homo faber" euskaldunaren garaikide

Amatiño 2022/11/04 10:30
“Vuelta al país de Elkano” sekulako dibulgazio-liburua da. Zabalkunde arloan gutxitan aurkitzen den horietakoa. Erabat gomendagarria, erraz eta gustura irakurtzekoa. Nire biloba bakoitzari ale bana oparitzeko modukoa. Ander Izagirre kazetaria da, kazetari ona. Jakinmina du, galdetzen daki, areago biltzen eta, zer esanik ez, kontatzen.

Katalanen pilota eta irlandarren literatura

Amatiño 2022/10/31 09:00
Irati Jimenezen “Begiak zabalduko zaizkizue” da, azken bolada honetan gustuen irakurri dudan liburua, saiakera arloan Euskadi Literatura Saria irabazi berri duena, hain zuzen. Idazlearekin bat etor gaitezke edo ez, baina ezin muzinik egin haren idazteko makina bizkor, sutsu, lotsabako eta pasioz josiari. Hala ere…*

Bi mila urteko arnasa estua

Amatiño 2022/10/27 08:53
Muinopeko aparkaleku huts-hutsean autoa utzi, sugandila artean maldan gora igo, eta bi mila urteko hiri galdu, ahaztu, ezezagun eta anonimoaren baitan murgiltzea ez da, inondik ere, edozein astegun buruzuriko zoria. Sekulako isiltasuna, erabateko bakardadea, lur-soro idorra eta, are agorrago, sargori giroa. Bi mila urteko arnasa estua.

“Lide ta Ixidor”, 112 urte geroago

Amatiño 2022/10/23 23:00
Bilboko Koral Elkarteak aurkeztu du “Lide ta Ixidor” (1910) operaren inoizko lehen grabazioa. Gaurdanik salgai dago kalean eta entzungai online, Google-Play, Spotify, You-Tube nahiz gainerako hogeitaka plataformatan.

Haize-errotek aldeko haizea behar dute

Amatiño 2022/10/18 08:00
Nafarroan, argindarraren %49,2 energia berriztagarriez lortzen da eta euretarik %41, eolikoaz. Euskal Autonomia Erkidegoan, ostera, berriztagarriak %16,5 dira eta haize-energia, %5,9. Espainiar* autonomiaz autonomia, Nafarroa aurrenetakoa da energia eolikoaren ekoizpenean eta Euskadi, aldiz, azkenetakoa.

Nerabetan, adurra zerigula, ezagutu genuen Marylin

Amatiño 2022/10/14 10:05
Edonork du edozein historia asmatzeko eskubidea, baina ez asmakizunak egiantza –are gutxiago egiazkotzat-- azaltzeko, eta, zer esanik ez, harako asmakizunak jakineko pertsonen bizkar irudikatzeko. Denak ez du balio.

Km0aren paradoxak

Amatiño 2022/10/10 12:35
Jendeari galdetuz gero zergatik garestitu ote den energia azken urtean, barrena hamarretik bederatzik erantzungo luke Ukrainako gerrarengatik izan dela. Baina hori, neurriren batean egiantza izanik ere, ez da lehenengo arrazoia, hirugarrena baino.