e-gorblog

Gaur 80 urte ikusi zuten argia Tintin erreportari famatuaren lehenengo binetek. Le Petit Vingtième aldizkarian Hergéren Tintin au pays des Soviets abentura argitaratzen hasi ziren 1929 urtarrilaren 10ean, eta ondorengoa historia da.

Tintin nire komiki pertsonaiarik gogokoenetakoa da, Hergéren jaiotzaren mendeurrenean idatzi nuen artikuluan argi geratzen denez. Lehen album hau kaskarra bada ere, eboluzio nabarmena jasaten dute ondoren bai egileak, bai pertsonaiak eta baita komikiak ere, eta saila osoan hartuta oso gomendagarria da haur nahiz helduentzat. Zorionak, beraz, Tintin!

Garapen bidean dauden herrialdeetako haurren alfabetatze digitala helburu duen One Laptop Per Child erakundearen Give One Get One kanpaina, zeinaren bidez beraien XO ordenagailua eskuratu dezakezun hirugarren munduko haur batentzako beste bat ordainduz, amaitu da momentuz.

Kanpaina hasi zenean ez zioten amaiera datarik jarri, eta denbora aurrera joan ahala kanpainan herrialde gehiago (AEBak, Kanada eta Europaz gain) sartzeko asmoa zutela esan zutenez, luzerako kanpaina zela uste zuen mundu guztiak. Baina abenduaren 29an iragarri zuten euren blogean, guztiz ustekabean, 2008aren amaierarekin bat amaituko zela kanpaina.

Beraz, jada ez dago aukerarik XO ordenagailurik eskuratzeko. Ea 2009aren amaieran berriz ere jartzen duten martxan kanpaina...

Urte bukaera eta hurrengoaren hasiera honetan komiki-ekitaldi aukera zabala dago Gasteizen.

Batetik, Crash Pilulak izeneko formatuaren barruan hainbat ekintza daude programatuta. 2003tik 2007ra Crash Comic deitutako festibal tematikoa antolatu izan du urte amaieraro TMEO aldizkariaren inguruan ibiltzen diren hainbat komikigilek osatutako Atiza komikigileen elkarteak; orain festibal formatua utzi eta Crash Pilulak deitu duten honetara pasatu dira, urtean zehar hainbat ekintza antolatzeko asmoz. Une honetan martxan dituztenak hauek dira:

• Gazteentzako komiki-lehiaketa (2009ko urtarrilean): Gauekoak-ekin elkarlanean
• Gazteentzako gaueko aisia-ekitaldiak (2009ko urtarrilean): film-emanaldiak, komikiak zuzenean, orijinalen erakusketa... Gauekoak-ekin elkarlanean
• Komikiak irakurtzera bultzatzeko kanpaina (2008ko azaroa eta abenduan): Kinik diseinatutako kartel eta postalak banatuko dira Euskadi osoan.
• Crash artxiboa handitzea (2008ko abenduan): Crash artxiboa, hainbat euskal komikigile, komiki-elkarte eta komiki-aldizkariri buruzko informazioa batzen duena, handitu eta hobetuko dute.
• La factoría TMEO: 20 años de cómic vasco liburua (2008ko abenduan): aldizkariaren 100 azalak biltzen dituen liburua argitaratuko da.
• La factoría TMEO: 100 números postu ibiltaria (2008ko azaroa eta abenduan): Getxoko eta Durangoko azoketan erakusketa eta salmenta-postua jarriko dute.

Bestetik, Vital Kutxa Fundazioaren Aretoan otsailaren 15a bitartean Tintini buruzko erakusketa dago, Tintin Hergé-ren munduan izenburukoa. Urtarrilaren 10ean 80 urte egingo dituela aitzaki hartuta, erakusketa ikusgarria paratu dute, Jordi Tardá tintinofiloaren bildumako 400 piezaz osatutakoa, batzuk oso garrantzitsuak. Adibidez, Casterman argitaletxeak Tintin gaztelaniaz atera zuen lehenbiziko aldian pertsonaiari Pepito deitzeko asmoa zuela erakusten duen lehenengo itzulpenaren orijinala. Edo Armstrong, Collins eta Aldrinek sinatutako Tintin ilargira bidean albumaren alea. Horrez gain, Tintinen abenturetan agertutako 5 kotxe modelo zahar benetako ere badaude, Araba Classic Club-ek utziak: Simca Aronde, Citröen 2CV, Willys MB Jeep, Citröen 15CV eta Ford T modeloak, hain zuzen ere.

Aukera ugari, beraz, komikiaz gozatzeko Gasteizen. Aprobetxatu!

Duela gutxi jakin genuen Microsoft-en web zerbitzuetako asko euskaraz jarri zituztela. Ba oraingoan Facebook-i tokatu zaio txanda.

Sare sozial arrakastatsu honetan duela urte erdi-edo hasi zuten interfazea euskaraz jartzeko prozesua, erabiltzaile boluntarioen bidez egindakoa. Eta orain arte ere bazegoen interfazea euskaraz ikusterik (ordura arteko itzulpenekin soilik, jakina), itzultzaile boluntarioen taldean izena emanez gero.

Baina badirudi itzultze prozesua amaitu dela eta Facebook-eko arduradunek onartu dutela, jadanik edozein erabiltzailek aukera baitezake interfazea euskaraz ikustea, bere orri nagusiko behealdean aldatuta. Eta izena emanda ez duen edonor ere Facebook-en orri nagusira joatean, euskarazko bertsioa ikusiko du, nabigatzailea euskaraz ongi konfiguratuta badu.

Zorionak itzultzaileei, egindako lanagatik!

Aurten, azken urteetan bezala, Getxoko Komiki-Azokan izan nintzen egunpasa. Baina aurtengoa berezia izan zen: lehenengo aldiz seme nagusia, Ximun, eraman nuen komiki-azoka batera. Tira, ez da guztiz egia, Bartzelonako Manga-Azokan ere izana da, baina urte bat besterik ez zuenean, oraindik ez zen ezertaz konturatzen eta ez zen komikizalea. Orain, ordea, sei urte ditu, eta irakurtzen oraintsu ikasi badu ere, izango dira pare bat urte (aitaren jokabidearen imitazioz edo) komiki "irakurle" konpultsiboa dela. Pentsatu nuen unea iritsia zela horrelako batera joateko, eta ongi pasatuko zuela... Beraz, larunbatean biok joan ginen Getxora.

Azken urteetako joerari jarraiki, esan daiteke azokak jada atzean utzi dituela bere hasierak eta iritsi duela heldutasuna. Jada ez da Euskal Herrian dagoen (zegoen) komiki-azoka bakarra, bere tokia duinki hartu du estatuko azoken zirkuituan. Gonbidatu garrantzitsuak daude, erakusketa interesgarriak, argitaletxe ia guztiek dute standa, denda askok ere bai, komikientzat eta mangarentzat karpa bana du, jende asko ibiltzen da, giroa dago... Ni oso gustura egoten naiz.

Eta semea ere, emozionatuta zegoen: ezagutzen dituen pertsonaia mordo baten komikiak edo merchandisinga, jendea mozorrotuta, pump it up erakusketa ikusgarriak... Oso ongi pasatu genuen. Baina guk hain ongi pasatu izanaren errudunetako batzuk Xabiroi aldizkariko kideak izan ziren.

Larunbatean joatea aukeratu genuen egun horretan baitziren Xabiroiren nobedadeen aurkezpena eta mahaingurua. Horrela azoka guztiko euskarazko ekitaldi ia bakarrak (Gorka Velascoren Gaur egungo BeHIak-en aurkezpenaz gain) ikusteko aukera izango genuen, eta Xabiroiko lankideekin egon eta bazkaltzeko ere bai. Oso ongi egon ziren bai aurkezpena eta baita mahaingurua ere, luxuzko gonbidatuekin (Dani Fano, Harkaitz Cano, Zaldieroa, Asisko Urmeneta, Antton Olariaga, Iñaki G. Holgado, Arthur Suydam...), eta euren standean giro polita lortu zuten, momentu batzutan jende askorekin, argazkian ikusten denez.

Eta Xabiroi aldizkariarekin kalitate handiko produktua egitea lortzeaz gain (Arthur Suydamek, Heavy Metal, Batman, Marvel Zombies eta horrelakoetan lana egina denak, esan zuen mahainguruan Xabiroik Heavy Metalek baino kalitate handiagoa duela!), ez da txikiagoa Dani Fano koordinatzaileak elkartutako lantaldearen kalitate humanoa. Nik bikain pasatu nuen beraiekin Angoulêmen, eta Getxon bazkarian ere ederto, kasu piloa egin zioten Ximuni, Asiskok, Arthurrek, Iñakik eta beste batzuk marrazkiak egin zizkioten... Eta benetan txalotzekoa da Xabiroikoek euskarak azokan eta komikigintzan orokorrean presentzia izan dezan egiten duten esfortzua.

Egin klik hemen eguneko argazki eta marrazki batzuk ikusteko.

Sauré argitaletxeak 5 komiki berri atera ditu, Gabonetako kanpainarako eta Durangoko Azokarako garaiz. Euskarazko eta gaztelaniazko edizio bana egin du bakoitzarekin, beti egin ohi duen legez. Hauek dira bost komikiok:

• Hazien bidaiak, Ziklozirkua saileko lehen aleak, 2004ko Bakearen Nobel Saria eskuratu zuen Wangari Maathairen istorioa kontatzen digu. Joseba Gómez eta José Manuel Carrascok egin dute, eta Joxean Sagastizabalek itzuli du euskarara.
• Jansain eta Zerdaren eskutik, aldiz, Esfinge negartia datorkigu, Compadre bildumaren 2. liburukia. Euskararako itzulpena Karlos Zabalak egin du.
• Animalien inauteria, Gran Angular bildumako 2. alea, Mundinak egina eta Xabier Armendarizek euskarara itzulia.
• Eguzkiaren lasterketa, Txani Rodríguez, Nacho Fernández eta Verónica Rosadok egina eta Joxean Sagastizabalek euskaratua. Txanoa saileko 3. liburukia da.
• Artearen historiak bildumako 2. alea, Babiloniarrak izenburukoa, Martínez de Antoñana eta Mosquerak egindakoa eta Miel Anjel Elustondok euskarara itzulia.
  

Durangoko Azokan izango duzu komikiok ikusi eta erosteko aukera!

Ez naiz Microsoft-en web zerbitzuen erabiltzaile handia (posta, egutegia, blog irakurgailua eta dokumentuak Google-en ditut), baina fitxategi handiak ostatatzeko beraien SkyDrive zerbitzua erabiltzen dut (25 GB arterainoko tokia duzu doan). Gaur sartu naizenean berritasun bat ikusi dut bertan, interfazea euskaraz jarri dutela alegia.

Okurritu zait begiratzea ea beste zerbitzurik ere baduten euskaraz, eta harritu egin naiz gehienak euskaraz daudela ikustean:

• Live Search bilatzailea: Bere modalitate guztietan dago euskaraz: Web bilatzailea, Irudi bilatzailea, Albiste bilatzailea, xRank...  Baina interfazea soilik dago euskaraz, ez dute euskarazko orrietan soilik bilatzeko aukerarik ematen. Beno, aukera eman bai ematen dute, hor badago kutxa bat "Euskara soilik" dioena, baina ez dabil ongi, hori aukeratzen badugu, gaztelaniazko lehenengo emaitza besterik ez du ematen.
• SkyDrive fitxategien ostatatze zerbitzua
• Spaces web orri pertsonalak sortzeko zerbitzua
• Taldeak taldeentzako zerbitzua
  
• Argazkiak ostatatzeko zerbitzua
• Gertaerak antolatzeko zerbitzua
• Live.com gune pertsonal nagusia
  

Bilatzailearen interfazea aspaldi jarri zuten euskaraz Redmond-ekoek. Baina beste zerbitzuona berria dela esango nuke. SkyDrive-ena berria dela ziur, ez baita denbora asko bertan azkenekoz sartu nintzenetik. Besteena ezin dut ziur esan ez baititut erabiltzen, baina ez dut uste beste inon horren berri irakurri dudanik, eta pentsatzekoa da euskararen ikuspuntutik horrelako garrantzia duen notizia batek oihartzuna izango zuela euskal blogosferan aspaldi gertatu izan balitz... Beraz, berri hau primizia da, kontrakorik frogatzen ez den bitartean!

Egia da Kontaktuak, Egutegia eta batez ere Microsoft-en web zerbitzuetatik ezagunena eta erabiliena den Hotmail posta zerbitzua ez dituztela euskaraz jarri, baina hala ere zerbitzu gehienak euskaraz jarri dituzte, eta etorkizunean beste horiek ere jarriko dituzten esperantza ematen digu horrek...

Microsoft ez da nire debozioko santua, ezta gutxiagorik ere, baina bakoitzari berea: oraingoan txalotu egin behar da Microsoft, bere iniziatibaz eta kostuak bere gain hartuz jarri baititu horiek euskaraz (edo hori uste dut behintzat, Jaurlaritzaren iniziatiba izan balitz ziur jakinarazi eta zabalduko luketela; portzierto, nork egin du itzulpena?).

Google-k, adibidez, hain cool izatearen irudia duenak, ez du horrenbeste egin. Bere zerbitzu publikoetako batzuk soilik ditu euskarazko interfazearekin (Web bilatzailea, Irudi bilatzailea, Mapak eta Direktorioa), baina erabiltzaileentzako zerbitzu pribatuetatik (logeatuta erabiltzen diren horiek, GMail, Egutegia eta Picasa argazkien zerbitzua bezalakoak) bat ere ez du euskaraz. Are gehiago, euskaraz dituen zerbitzuen itzulpenak bere erabiltzaileok dohainik egin diezazkiogun lortu du, daukan (edo lehen behintzat zeukan) guay irudiaz baliatuz. Eta gainera, gero ez dio gure borondateari dagokion moduan erantzun: GMail-en interfazea euskarara aspaldi itzuli bagenuen ere, ez du Google-k hori erabilgarri ipini, eta ez dirudi asmorik duenik ere...

Oraingoan, beraz, txalo Microsoft-i bere web zerbitzuetan euskararekin izandako jarrerarengatik!

Atzo bertan eman genuen hemen Getxoko komiki-azokaren berri, luze eta zabal urtero bezala, Euskal Herrian egiten den komiki-azoka bakarra da-eta. Ba jada ez da horrela. Iñaki G. Holgado adiskidearen bidez jakin dut Irungo I. Komiki-Azoka antolatu dela abenduaren 6, 7 eta 8rako.

Azoka Ficobako 3. pabilioian izango da, eta 11:00etatik 20:00ak arte egongo da irekita. Sarrerak 2 euro balioko du, baina gonbidapenak lortu ahal izango dira Martindozenea Gaztelekuan, Gazteentzako Informazio Bulegoan eta elkarte kolaboratzaileetan (PokerFace, Tinta Cómics, Birunbi...).

Jarraian duzue ekitaldien zerrenda eta egitarau zehatza. Tailer, lehiaketa eta ekitaldi guztiak doan izango dira. Informazio gehiagorako, hemen.

Erakusketak

• Iñaki G. Holgado
  

• Angel Unzueta
  
• Jorge Madejón eta Óscar Manrique
• PokerFace-eko egileak: MacKana (Gorka Ortega), Garbiñe Martiarena, Arkaitz Gonzalez, JMES (Jose Manuel Enrique), Imanol Toro eta Mikel Thomen

Ekitaldiak

• Proiekzioak
• Tailerrak (komikia, manga, ilustrazioa, haurrentzako eskulangintza, origami, giltzatakoak, para-para, plastilina...)
• Erakusketen bisita gidatuak
• Lehiaketak (marrazketa, bideojokoak, Heroclix, galderak, mozorroak...)
• Aurkezpenak
• Hitzaldiak
• Sinatze-txandak

Gonbidatutako egileak

• Iñaki G. Holgado
  
• Angel Unzueta
  
• Jorge Madejón
• Óscar Manrique
• MacKana (Gorka Ortega)
• Garbiñe Martiarena
• Arkaitz Gonzalez
• JMES (Jose Manuel Enrique)
• Imanol Toro
• Mikel Thomen

Egitaraua

Larunbata, 2008ko abenduaren 6a

Goizez

• 11:00: Azokaren hasiera
  
• 11:10: Animazio proiekzio jarraitua
• 11:20: Heroclix hastapeneko partidak Tinta Cómics-en eskutik
• 11:20: Manga tailerra PokerFace elkarteko Arkaitz Gonzalezen eskutik
• 11:30: Jorge Madejón eta Óscar Manrique erakusketaren bisita gidatua Jorge Madejón-en eskutik
• 11:30: Plastilina tailerra PokerFace elkarteko Jose Manuel Enriqueren eskutik
• 12:00: Origami tailerra Marugame elkartearen eskutik
• 12:00: Bideojoko lehiaketa
• 13:00: XL ilustrazio tailerra PokerFace elkarteko Jorge Madejón, Jose Manuel Enrique (JMES) eta Garbiñe Martiarenaren eskutik

Arratsaldez

• 15:30: Giltzatakoen tailerra Geisha dendaren eskutik
• 16:00: Japoniako joko tradizionalen tailerra Marugame elkartearen eskutik
• 15:30: Iñaki G. Holgado eta Angel Unzuetaren hitzaldia, PokerFace elkarteko Jorge Madejón-ek moderatua
• 16:15: Angel Unzueta eta Iñaki G. Holgadoren erakusketen bisita gidatua egileen euren eskutik
• 17:00 - 18:30: Sinatze-txandak Angel Unzueta eta Iñaki G. Holgadorekin
• 19:00: Marrazketa azkarraren lehiaketa PokerFace elkartearen eskutik
• 20:00: Azokaren itxiera

Igandea, 2008ko abenduaren 7a

Goizez

• 11:00: Azokaren hasiera
• 11:10: Animazio proiekzio jarraitua
• 11:15: Komiki tailerra PokerFace elkartearen eskutik
• 11:30: Erakusketen bisita gidatuak
• 11:30 - 12:30: Haurrentzako eskulangintza tailerra “Elgatoquerie” stand-eko Garbiñe Martiarenaren eskutik
• 12:00: Marrazketa azkarraren lehiaketa PokerFace elkartearen eskutik
• 12:00: Bideojoko lehiaketa
• 13:00: XL ilustrazio tailerra PokerFace elkarteko Jorge Madejón eta Jose Manuel Enrique JMESen eskutik

Arratsaldez

• 15:00: Komiki tailerra PokerFace elkartearen eskutik
• 16:00: Marrazketa azkarraren lehiaketa PokerFace elkartearen eskutik
• 16:00: Giltzatakoen tailerra Geisha dendaren eskutik
• 16:00: Origami eta Japoniako joko tradizionalen tailerra Marugame elkartearen eskutik
• 17:00: PokerFace aldizkariaren 3 eta 4 zenbakien aurkezpena eta egileen sinatze-txandak
• 18:30: Bideojoko lehiaketa
• 19:00: Para-para tailerra
• 20:00: Azokaren itxiera

Astelehena, 2008ko abenduaren 8a

Goizez

• 11:00: Azokaren hasiera
• 11:10: Animazio proiekzio jarraitua
• 11:30: Erakusketen bisita gidatuak
• 11:30: Komiki tailerra PokerFace elkartearen eskutik
• 11:30: Heroclix lehiaketa Tinta Cómics-en eskutik
• 12:00: Plastilina tailerra PokerFace elkarteko Jose Manuel Enriqueren eskutik
• 12:30: Marrazketa azkarraren lehiaketa PokerFace elkartearen eskutik
• 12:00: Mario Kart DS bideojoko lehiaketa Marugame elkartearen eskutik

Arratsaldez

• 15:00: Komiki tailerra PokerFace elkartearen eskutik
• 17:00: Sinatze-txandak Jorge Madejón eta Óscar Manriqueren eskutik
• 17:30: Komiki tailerra
• 18:45: Galdera- eta mozorro-lehiaketak PokerFace elkartearen eskutik
• 19:30: Agurra eta esker ona
• 20:00: Azokaren itxiera
  

Iritsi da berriro ere Getxoko komiki eta manga azoka. Azaroaren 28tik 30era bitartean (ostiraletik igandera, beraz) izango den azokak bi gune izango ditu: Areetako geltoki plazako ohiko komikiaren guneaz gain, iaz bezala, mangaren gunea egongo da Erromoko Santa Eugenia plazan.

Argitaletxe, komiki-denda, fanzine eta abarren 99 standez gain (71 komikien gunean eta 28 mangaren gunean), beste ekitaldi ugari egongo da: erakusketak, nobedade aurkezpenak, hitzaldiak, mahai inguruak, egileen sinatzea, proiekzioak, tailerrak... Sarrerak 2,5 euro balio ditu. Ordutegia 11:00etatik 14:30etara eta 17:00etatik 21:00etara izango da.

Euskarak presentzia nahiko txikia izango du azokan, eta apur horren ia guztia Xabiroiren eskutik etorriko da. Larunbatean 12:15ean bere nobedadeak aurkeztuko ditu (Piztia otzanak albuma, ale berezia...) eta 12:45ean Komikia, 9. artea, manikuraren atzetik mahaingurua gidatuko dute (Asisko Urmeneta, Antton Olariaga, Patxi Huarte Zaldieroa, Harkaitz Cano eta Arthur Suydamen partehartzearekin eta Dani Fanok desmoderatuta). Horrez gain, Xabiroiren standean izango dira aldizkariko egileak aleak sinatzen: ostiralean Iñaki G. Holgado, larunbat goizean Iñaki G. Holgado, Harkaitz Cano, Alex Orbe, Manu Ortega eta Lope, larunbat arratsaldean Iñaki G. Holgado, Zaldieroa, Asisko, Manu Ortega, Lope eta Harkaitz Cano, igande goizean Asisko, Julen Ribas, Lope eta Zaldi Eroa, igande arratsaldean Julen Ribas, hiru egunetan Dani Fano eta Arthur Suydam eta beste egunen baten beste egile batzuk ere. Xabiroiko ekintzez aparte, euskaraz aurkitu dudan ekitaldi bakarra Gaur egungo BeHIak. Hezkuntzaz hausnartzenen aurkezpena da, Gorka Velasco eta Txuma Murugarrenen eskutik.

Jarraian duzue ekitaldien zerrenda eta egitaraua, informazio gehiagorako http://www.salondelcomicdegetxo.net/eus/argibide.asp.

Omenaldiak

• Ipurbeltz aldizkaria

• Carlos Giménez

Komiki-guneko erakusketak

• Ipurbeltz

• Carlos Giménez
• El Balanzín fanzinea
• Víctor Santos (aurtengo kartelaren egilea)
• Victoria Francés

Manga-guneko erakusketak

• Japoniako tradiziozko jostailuen erakusketa (Japoniako enbaxadaren eskutik)
• Ikebana (Japoniako lore apainketa)

Erakusketak inguruetan

• Manu Ortega: Garabatos y penumbras (Erromoko erakustaretoa, astelehenetik larunbatera 11:00-13:00 eta 18:00 - 21:30, igandea 18:00 - 21:00)
• Leandro Alzate: Marrazkiak (Algortako erakustaretoa, astelehenetik ostiralera 10:00-13:00 eta 18:00 - 21:30, larunbata 10:00 - 13:00 eta 18:00 - 21:00, igandea 18:00 - 21:00)
• Sedyas: Sedymage (Algortako Satistegi kafetegia)
• Julen Ribas: Pipiolum (Erronoko Jai Alai kafetegia)
• Danimaiz: Érase una vez (Areetako Glass kafetegia)

Proiekzioak

• Aurrekontu txikiko zinearen erakusketa

• Animazioko zinea
• Komiki laburmetraiak
• Laburmetraien entsalada
• Anime proiekzioak

Mahai-inguruak

• Komikia, 9. artea, manikuraren atzetik (hizlariak: Asisko Urmeneta, Antton Olariaga, Patxi Huarte, Harkaitz Cano eta Arthur Suydam; moderatzailea: Dani Fano)
  

• Dibujo lo que me echen (Las fronteras del cómic de autor. Situación actual del medio) (hizlariak: Javier Rodríguez, Kano, Francis Portela; moderatzailea: Koldo Azpitarte)
  

• El Balanzín (El tebeo en Euskadi a propósito de…) (hizlariak: Nuria Hernández, Alex Orbe, Javi Kintana, Manu Ortega; moderatzaileak: Infame & Co., Danimaiz)
• Qué vida más triste (hizlariak: Rubén Ontiveros, Borja Pérez, Borja Cobeaga, Joseba Caballero; moderatzailea: Borja Crespo)
  

Solasaldiak

• Miguel Gallardo (moderatzailea: Koldo Azpitarte)
  

• Gene Ha eta Michael Holden (moderatzaileak: Jorge Iván Argiz, Germán Menéndez)

• Dos miradas de cómic: Paco Roca y Salvador Larroca ("Arrugas" vs. "Iron Man") (moderatzailea: Koldo Azpitarte)

• Víctor Santos (moderatzailea: Germán Menéndez)

Bestelakoak

• Rol partidak (Imagina elkartearen eskutik)

• Manga elkarteen lehiaketak (bideojokoak, jan ken pon, samurai dueloak, bakarrizketak, friki-ezagutza, cosplay, karaoke, pump it up)
• Idazkera japoniarraren tailerra
• Matsuri-dantza tailerra
• Manga tailerra Eli Basantaren eskutik
• Makilaje eta efektu berezien tailerra
• Aurkezpenak
• Sinatze-txandak
• El Balanzín doako aldizkaria (sarrera erositakoan)

Gonbidatutako egileak

• Carlos Giménez
• Gene Ha
• Michael Golden
• Arthur Suydam
• Salvador Larroca
• Paco Roca
• Tony Sandoval
• Miguel Gallardo
• Jason
• Ramón Boldú
• Luis Durán
• Víctor Santos
• Francis Portela
• Sergio Córdoba
• Leandro Alzate
• Alfonso Zapico
• Infame & Co.
• Eli Basanta
• Ciro Altabás
• Victoria Francés
• Javi Rodríguez
• Rober Garay
• Iñaki G. Holgado
• Dani Fano
• Harkaitz Cano
• Antton Olariaga
• Asisko Urmeneta
• Patxi Huarte Zaldieroa
• Manu Ortega
• Lope
• Alex Orbe
• Julen Ribas
• Sanvi

Komiki-guneko egitaraua

Ostirala, 2008ko azaroaren 28a

Goizez

• 11:15: Azokaren hasiera
• 11:30: Proiekzioa: Aurrekontu txikiko zine erakustaldia: “Carbón Elvis”
• 13:00: Proiekzioa: Aurrekontu txikiko zine erakustaldia : “Deadhunter: Killing Twice”

Arratsaldez

• 17:05: Proiekzioa: Aurrekontu txikiko zine erakustaldia: “Hobby”
• 18:00: CARLOS GIMÉNEZi eta IPURBELTZ aldizkariari omenaldiak
• 18:00: Solasaldia: CARLOS GIMÉNEZ (moderatzaileak: Jorge Iván Argiz - Borja Crespo)
• 18:00 - 19:00: Sinatze-txanda: TONY SANDOVAL (La Cúpularen stand-ean)
• 18:00 - 19:00: Sinatze txandak: LEANDRO ALZATE - INFAME & CO. - ALFONSO ZAPICO (Astiberriren stand-ean)
• 19:15: Sinatze txanda: CARLOS GIMÉNEZ
• 19:15: LIBURU AURKEZPENA: “Gaur egungo BeHIak. Hezkuntzaz hausnartzen” (partaideak: Gorka Velasco eta Txuma Murugarren)
• 19:30: Proiekzioa: Aurrekontu txikiko zine erakustaldia : “¡Maldito bastardo!”
• 19:00 - 20:00: Sinatze txandak: JASON - RAMÓN BOLDÚ - MIGUEL GALLARDO (Astiberriren stand-ean)

Larunbata, 2008ko azaroaren 29a

Goizez

• 11:05: Nobedade-aurkezpena: GLÉNAT (Félix Sabaté)
• 11:30: Sinatze txandak: JASON - SALVADOR LARROCA
• 11:30: Nobedade-aurkezpena: ASTIBERRI (Laureano Domínguez, Jason, Ramón Boldú, Alfonso Zapico, Sergio Córdoba)
• 12:00 - 14:00: Sinatze txanda:TONY SANDOVAL (La Cúpularen stand-ean)
• 12:15: Nobedade-aurkezpena: Piztia Otzanak eta Xabiroiren ale berezia
• 12:30 - 13:30: Sinatze txandak: SERGIO CÓRDOBA - PACO ROCA - MIGUEL GALLARDO (Astiberriren stand-ean)
• 12:45: Mahai-ingurua: "Komikia, 9. artea, manikuraren atzetik" (hizlariak: Asisko Urmeneta, Antton Olariaga, Patxi Huarte, Harkaitz Cano; moderatzailea: Dani Fano)
• 13:00: Sinatze txandak: GENE HA - MICHAEL GOLDEN - ARTHUR SUYDAM
• 14:00: Nobedade-aurkezpena : DOLMEN (Jorge Iván Argiz, Víctor Santos)

Arratsaldez

• 17:00: Sinatze txandak: PACO ROCA - VÍCTOR SANTOS
• 17:05: Nobedade-aurkezpena: LA CÚPULA (Luis Durán, Tony Sandoval, José María Berenguer, Montserrat Terrones)
• 17:30: Solasaldia: MIGUEL GALLARDO (moderatzaileak: Koldo Azpitarte)
• 18:00 - 19:00: Sinatze txandak: ALFONSO ZAPICO - LEANDRO ALZATE - JASON (Astiberriren stand-ean)
• 18:00 - 20:00: Sinatze txandak: LUIS DURÁN (La Cúpularen stand-ean)
• 18:15: Solasaldia: GENE HA + MICHAEL GOLDEN moderatzaileak: Jorge Iván Argiz, Germán Menéndez
• 18:30: Sinatze txandak: JAVI RODRÍGUEZ - FRANCIS PORTELA - SALVADOR LARROCA
• 19:00 - 20:00: Sinatze txandak: INFAME & CO. - SERGIO CÓRDOBA - RAMÓN BOLDÚ (Astiberriren stand-ean)
• 19:15: Solasaldia: "Dos miradas de cómic: Paco Roca y Salvador Larroca" ("Arrugas" vs. "Iron Man") (moderatzailea: Koldo Azpitarte)
• 19:30: Sinatze txandak : MIGUEL GALLARDO - TONY SANDOVAL - JASON
• 20:00: Mahai-ingurua : "Dibujo lo que me echen" (Las fronteras del cómic de autor. Situación actual del medio") (hizlariak: Javier Rodríguez, Kano, Francis Portela; moderatzailea: Koldo Azpitarte)

Igandea, 2008ko azaroaren 30a

Goizez

• 11:05: Proiekzioa : ANIMAZIO ZINEA / CINE DE ANIMACIÓN (cortometrajes de diversos formatos: flash, stop-motion…)
• 11:30: Sinatze txanda : GENE HA - MICHAEL GOLDEN - ARTHUR SUYDAM
• 12:00 - 13:00: Sinatze txanda : TONY SANDOVAL (La Cúpularen stand-ean)
• 12:00 - 14:00: Sinatze txanda : LUIS DURÁN (La Cúpularen stand-ean)
• 12:15: Solasaldia : VÍCTOR SANTOS (moderatzailea: Germán Menéndez)
• 12:30: Sinatze txanda : MIGUEL GALLARDO - PACO ROCA - SALVADOR LARROCA
• 13:00: Nobedade-aurkezpena: ARIADNA EDITORIAL "Dos veces breve. Especial Euskadi" (Vicente Galadí - Kike Infame - Javier de Isusi - Koldo Azpitarte)
• 13:00 - 14:00: Sinatze txanda : RAMÓN BOLDÚ - LEANDRO ALZATE (Astiberriren stand-ean)
• 13:30: Sinatze txanda : VÍCTOR SANTOS - JAVI RODRÍGUEZ - FRANCIS PORTELA
• 13:30: Mahai-ingurua : "El Balanzín (El tebeo en Euskadi a propósito de…)" (hizlariak: Nuria Hernández, Alex Orbe, Javi Kintana, Manu Ortega; moderatzaileak: Infame & Co., Danimaiz)

Arratsaldez

• 17:00 - 18:00: Sinatze txanda : TONY SANDOVAL (en el stand de La Cúpula)
• 17:05: Proiekzioa : "CORTOS DE TEBEO"
• 18:00 - 19:00: Sinatze txanda : LUIS DURÁN (en el stand de La Cúpula)
• 18:00 - 19:00: Sinatze txanda : ALFONSO ZAPICO - PACO ROCA - MIGUEL GALLARDO (en el stand Astiberri)
• 18:00: Mahai-ingurua: "Qué vida más triste" (hizlariak: Rubén Ontiveros, Borja Pérez, Borja Cobeaga, Joseba Caballero; moderatzailea: Borja Crespo)
• 19:00 - 20:00: Sinatze txanda : SERGIO CÓRDOBA - JASON - INFAME & CO. (en el stand de Astiberri)
• 20:00: Proiekzioa : "Laburmetraien entsalada"

Manga-guneko egitaraua

Ostirala, 2008ko azaroaren 28a

Arratsaldez

• 17:15: BIDEOJOKOAK: "Matsuri", "Guitar Hero"… (agertokian)
• 17:15: PROIEKZIOA: "DEATH NOTE" (areto nagusian) - Selecta Visiónen eskutik, "Death Note" sailaren lehenengo hiru kapituluen proiekzioa
• 18:00: LEHIAKETA: JAN KEN PON (agertokian) Japoniako "Harria, papera eta artaziak" tradiziozko jokoa
• 19:00: PROIEKZIOA: "CANAL FRIKI" (areto nagusian) - "Canal Friki" Internet-sailaren lehenengo denboraldiaren proiekzioa
• 19:00: LEHIAKETA: SAMURAI-DUELUA (agertokian) - Ezpata-borroka (soft combat) - babeslea: Amorebietako Forjari Eskola
• 20:00: BAKARRIZKETA LEHIAKETA (agertokian) - Otaku-bakarrizketa lehiaketaren lehenengo deialdia.

Larunbata, 2008ko azaroaren 29a

Goizez

• 11:15: IDAZKERA JAPONIARRAREN TAILERRA (tailer gunean) - Yuka Nishiwaki japonierazko irakaslearen eskutik
• 12:30: PROIEKZIOA: "CANAL FRIKI" (agertokian) - "Canal Friki" Internet-sailaren lehenengo denboraldiaren proiekzioa
• 13:30: AURKEZPENA: "CANAL FRIKI: Toma Dos" (areto nagusian) - "Canal Friki"ren taldeak sailaren bigarren denboraldia aurkeztuko du. Horri buruzko pasadizoak kontatuko dituzte eta bisitarien galderak erantzungo dituzte.

Arratsaldez

• 17:15: FRIKI-EZAGUTZA LEHIAKETA (agertokian) - "Canal Friki" sailaren pertsonaiak baino gehiago dakizu?
• 17:15: PROIEKZIOA: "DEVIL MAY CRY" (areto nagusian) - Selecta Visiónen "Devil May Cry" sail berriaren lehenengo hiru kapituluen proiekzioa
• 18:00: PROIEKZIOA: "REIDEEN" Y "MORIBITO" (areto nagusian) - "Reideen" eta "Moribito" sailen proiekzioa, Selecta Visiónen eskutik.
• 18:45: MATSURI-DANTZA TAILERRA (agertokian) - Japoniako tradiziozko dantzak (matsuri), Tarasu elkartearen eskutik.
• 19:00: COSPLAY LEHIAKETA (agertokian) - Manga, anime edota bide-jolasen pertsonaien mozorroak jantzi behar dituzte partaideek. Honako mailak egongo dira: Banako Manga Mozorroa, Taldeko Manga Mozorroak eta Manga Kanpoko Maila.
• Arratsalde osoan: KOMIKI TAILERRA ELI BASANTAren eskutik (tailer gunean) - Elisabet Basanta egileak arituko da irakasle tailer honetan. Bertan, edozeinek parte hartu ahal izango du eta manga komikia osatzen duten elementu nagusiak ikasteko aukera izango du, urratsez urratseko ariketen bitartez. Halaber, ikasleek marrazteko eta irakasleari aholkuak eskatzeko aukera izango dute

Igandea, 2008ko azaroaren 30a

Goizez

• 17:00: PROIEKZIOA eta HITZALDIA: "HOBBY" CIRO ALTABÁSen eskutik (agertokian) "Hobby" dokumentala proiektatuko da eta, horren ondoren, egileak, Ciro Altabásek hitzaldi bat emango du horri buruz eta publikoaren galderak erantzungo ditu
• 18:00: PROIEKZIOA: "MUSHISHI" (areto nagusian) - Selecta Visiónen "Mushishi" sailaren lehenengo kapituluaren proiekzioa
• 19:00: KARAOKE LEHIAKETA (agertokian) - Lehiaketa horretan parte-hartzaileek animeren edo bideojokoen kantak abestu behar dituzte. Abestien zerrenda elkarteen postuetan begiratu daitezke

Goizez eta arratsaldez

• KOMIKI TAILERRA ELI BASANTAren eskutik (tailer gunean) - Elisabet Basanta egileak arituko da irakasle tailer honetan. Bertan, edozeinek parte hartu ahal izango du eta manga komikia osatzen duten elementu nagusiak ikasteko aukera izango du, urratsez urratseko ariketen bitartez. Halaber, ikasleek marrazteko eta irakasleari aholkuak eskatzeko aukera izango dute

Urrian atera zen Ikastolen Elkarteak ateratzen duen Xabiroi komiki-aldizkariaren 13. alea, eta azaroan berriz beste ale berezi bat. 13. alean, beste hainbat gauzen artean, itxura bikaineko bi sail berri daude, eta ale berezian, ohikoa denez, luxuzko idazle/marrazkigile bikote berrien istorio laburrak.

13. alean ondoko edukia aurkituko dugu:

• Nik neuk egiten dudan Albisteen txokoa
• Manu Ortegaren Haizea banda
• Auzomorro umorezko orri bikoitza, Guaikaipuroren gidoia eta Alex San Vicenteren irudiekin
• Iñaki G. Holgadoren irudiak eta Harkaitz Canoren gidoia duen Zebra efektua istorio berriaren lehen emanaldia, 8 orrikoa
• Zaldi Eroaren Arranotxuren beste bi orri
• Julen Ribasen irudiak eta Iban Zalduaren gidoia duen Azken garaipena sail berriaren 8 orri
• Irune Lasak egiten duen KomikiTAUN elkarrizketen orria, oraingoan Mikel Pagadizabal Noaoa!ko aktorearekin
• Asiskoren Hor Konpost banda
• Dani Fanoren Anubis 3.0 sailaren 6 orri
• Loperen Behien Tarzanen 4 orri
• Olierrek asmatutako eta Markok marraztutako Haratagoren beste orri bat

Eta ale berezian:

• Arthur Suydamen azala
• Olatz Salaberriaren Idoia izeneko orri bateko narrazioa, Iñaki G. Holgadoren ilustrazioarekin
• Mundua bitan zatitua dago 7 orriko istorioa, Eider Rodriguezen gidoia eta Alex Orberen irudiekin
• Joxean Sagastizabalen gidoia eta Manu Ortegaren irudiak dituen Piitendele Namibia Kwatelwa 7 orriko istorioa
• Pako Aristiren gidoia eta Sedyasen irudiak dituen 7 orriko Amodiozko enkargu bat istorioa
• Jai-Alai 7 orriko istorioa, Harkaitz Canoren gidoia eta Loperen irudiak dituena
• Asiskoren gidoia eta Dani Fanoren irudiak dituen 2 orriko Konpostustelako Jakobe istoriotxoa
• Mauro Entrialgoren Kasik berba barik umorezko saileko beste orri bat

Ez ditzazuela galdu, merezi dute eta!