Zientzia-hezkuntza maldan behera
Amatiño
2009/11/27 23:23
Zientziaz eta teknologiaz baldintzatutako gizartea omen da gurea. Hau da zenbait pentsalariri eta idazleri sarri entzun eta irakurri ohi zaien kexua. Zientzilariak eta teknologoak kezka dira, ordea, esparru honetako gero eta bokazio gutxiago delako eta zientziaren kontrako jarrerak nagusitzeaz gainera bidezidorrik errazenen aukera ugaltzen ari delako.
Erantzunik ez
Aldaketei aurre egiteko aldatzeko gertu behar
Amatiño
2009/11/26 22:18
Dena aldakor, aldagai eta aldagarri den honetan ez da gero batere harrigarria soziologoak aldaketa soziologikoen berri ematea. Ez ohikoa, ordea, soziologoak soziologia bera eztabaidatzea, gizartea gainditu eta gizabanakoaren lehentasuna aldarrikatzea. Hauxe da, lerro bitan, Alain Touraine soziologo ospetsuak egiten duena “La mirada social” deitu azken saiakeran. Aro sozialetik aro moralerako pasabidea. Politika historiaurrea omen; ekonomia, iragana; betor kultura.
Munillaren alde
Amatiño
2009/11/25 00:14
Juan Mari Uriarte gotzainaren ustez Jose Ignacio Munillak “osasun ona du, lanerako gaitasun handia, espiritualitate sendoa eta kemen apostoliko nabarmena”. Horrez gainera, gogoratu ere gogoratu du donostiarra dela eta hamazazpi urtez Gipuzkoan bertan apaiz-lanetan aritua. Hala ere, hainbatek erabaki du hori ez dela nahiko Donostiako gotzain izateko. Zerbait gehiago behar dela. Gehiago… Zertarako?
The death of a world
Amatiño
2009/11/24 14:23
Lagunak galdetu dit ea “2012” filmak (Roland Emmerich, 2009) ikusterik merezi ote duen. Zalantzarik gabe, bai, diotsat: 158 minutu bospasei eurotan… saldo prezioan. Ezer gutxi gero merkeago arratsalde erdi pasatzeko. Ezta Eguberri osteko beherapenetan ere. Beste kontu bat da, ordea, zine-zinea ote den. Baina negozioa behintzat bai, $ 200 milioiren inbertsioaz $ 450 lortu baititu hamar egunetan. Bertan Bilbo!
Cherchez la femme
Amatiño
2009/11/22 16:09
Mugimendu handi samarreko liburudendetan begi-bistan dago Helmut Newton argazkilari ospetsuaren SUMO bildumaren bigarren argitalpena. Etzanda gorde beharreko liburu-puskak 464 orrialde (26,7 X 37,4) ditu eta 100 eurotan dago salgai.
Otermin, Amezketako artzain kinesikoa
Amatiño
2009/11/21 12:11
Hirurogeiren bat lagunek agur esan genion atzo Jose Mari Otermin adiskideari. Ez, ez zen bere hiletarik izan, erretiro-eguna baizik. 27 urte ETBren programa-zuzendaritzan jardun ondoren, Jose Mari Amezketara itzuliko da Fernandoren aztarren bila. Jose Marirekin amaitzen da, Euskal Telebistan, 1970eko hamarkadan euskal komunikabideak erakundetzeari ekin zitzaion belaunaldia.
Azoreetako antizikloiari aurre egiteko
Amatiño
2009/11/20 09:50
Burubelarri energia berriztagarrien alde eta sutsu ziklo konbinatuen aurka aritu ohi direnen aurrean badira beste hainbat argindarra ekoizteko energi-mota bi horiek kontrajarriak ezezik osagarriak direla defenditzen dutenak. Are gehiago, azken hauei aukera eman zaien bakoitzean beti esan izan dute energia eolikoaren sustatzailerik onena ziklo konbinatua bera dela.
Más jamón y menos pan
Amatiño
2009/11/18 22:40
“Pernil gehiago eta ogi gutxiago”. Hauxe da, labur-laburbilduz, Vocento taldeak kioskoetan eskaini nahi izango duena azaroaren 27tik aurrera. Datorren asteko ostegunetik ostiralera bitarteko gauean, espainiar merkatuan tokian tokian nagusi diren hamabi egunkarik aldi berean aldatuko dituzte euren erak eta moldeak, zentzuak eta taxuak, itxurak eta funtsak, asmoak eta helburuak. Ez omen da diseinu-aldaketa hutsa izango, hurrengo hamarkadetako erronkari erantzuteko bezainbateko iraulketa sakona baizik. Hil ala bizikoa.
Gehiago elkartu ala gehiago zatitu?
Amatiño
2009/11/17 23:34
Eusko Legebiltzarrak begi onez ikusiko omen luke Espainiako futbol-selekzioak Euskal Autonomia Erkidegoan partidaren bat jokatzea. Normaltasunaren lekuko izango omen litzateke. Ez dakit nik Legebiltzarrak horrelakorik eskatzea oso normala ote den baina, tira, gutxienez ahalegindu gaitezen hiritarrok gu ordezkatzen gaituen Legebiltzarra baino normaltxoagoak izaten.
Egoera sinesgarria, jarrera sinesgaitza
Amatiño
2009/11/15 16:06
"Partir" (Catherine Corsini, 2009) feministei gustatu ez omen zaien arren, emakumeen eskubideen aldeko filma da. Senarra, emaztea eta beronen maitalea. Ez da inondik ere hirukote bakana baina bai, kasu honetan behintzat, sinesgaitz samarra. Edo, hobeto esanda, nahiz eta egoera guztiz sinesgarria izan, emakumearen jarrera erabat sinesgaitz suertatzen da. Kontraesan honetan tronpatzen da filma eta maldan behera erori.